سابق جنوبی افریقی کپتان فاف ڈو پلیسی نے آئی پی ایل کے بجائے پی ایس ایل کھیلنے کا فیصلہ کر لیا
اشاعت کی تاریخ: 29th, November 2025 GMT
جنوبی افریقا کے سابق کپتان فاف ڈو پلیسی نے اعلان کیا ہے کہ وہ اس سال بھارتی لیگ آئی پی ایل میں حصہ نہیں لیں گے اور اس کے بجائے پاکستان سپر لیگ (پی ایس ایل) میں کھیلیں گے۔
سوشل میڈیا پر جاری اپنے بیان میں فاف ڈو پلیسی نے کہا کہ 14 سیزنز کے بعد انہوں نے آئی پی ایل نیلامی میں حصہ نہ لینے کا فیصلہ کیا ہے۔ انہوں نے بھارت میں گزارے گئے تجربات اور یادگار لمحات کی تعریف کرتے ہوئے کہا کہ یہ الوداع نہیں، بلکہ مستقبل میں وہ دوبارہ واپس آئیں گے۔
پی ایس ایل کے حوالے سے انہوں نے کہا کہ یہ ان کے لیے ایک نیا اور پرجوش چیلنج ہے، اور وہ آنے والے سیزن میں کھیل کر نئے تجربات حاصل کرنا چاہتے ہیں۔ فاف نے کہا کہ پی ایس ایل ایک لیگ ہے جو بے پناہ صلاحیت اور توانائی سے بھرپور ہے، اور وہ نئے ملک، نئے ماحول اور پاکستان کی مہمان نوازی کے لیے پرجوش ہیں۔
خیال رہے کہ 41 سالہ فاف ڈو پلیسی نے آئی پی ایل کا آخری سیزن دہلی کیپیٹلز کے لیے کھیلا تھا، جہاں انہیں 2 کروڑ بھارتی روپے میں خریدا گیا تھا۔ وہ پہلے بھی کوئٹہ گلیڈی ایٹرز اور پشاور زلمی کی جانب سے پی ایس ایل کھیل چکے ہیں۔
ذریعہ
ذریعہ: Daily Mumtaz
کلیدی لفظ: ا ئی پی ایل پی ایس ایل کہا کہ
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ