خیبرپختونخوا میں گورنر راج لگے گا کہ نہیں؟
اشاعت کی تاریخ: 1st, December 2025 GMT
کچھ دنوں سے خیبرپختونخوا میں گورنر کی تبدیلی کی باتیں چل رہی تھیں اور میڈیا میں 6 ممکنہ امیدواروں کے نام بھی رپورٹ کر دیے گئے پھر اس کے بعد خیبرپختونخوا میں گورنر راج کے نفاذ کی خبریں چلنا شروع ہوئیں لیکن پشاور اور اسلام آباد کے کچھ باخبر حلقوں کا کہنا ہے کہ ان خبروں کی حقیقت فی الحال کوئی نہیں اور یہ تاحال صرف پاکستان تحریک انصاف کو دباؤ میں لانے کا ممکنہ حربہ ہے۔
یہ بھی پڑھیں: اسلام آباد میں احتجاج کیا تو پارٹی پر پابندی اور کے پی میں گورنر راج، فیصل واوڈا نے پی ٹی آئی کو خبردار کردیا
گورنر خیبرپختونخوا فیصل کریم کنڈی نے بھی خود کو ہٹائے جانے کے حوالے سے زیر گردش خبروں کی تردید کی لیکن ساتھ ہی انہوں نے کہا کہ ان کی پارٹی جو بھی فیصلہ کرے گی انہیں قبول ہو گا۔
ان خبروں کو تقویت وزیرِ مملکت برائے قانون و انصاف بیرسٹر عقیل ملک کے اس بیان سے ملی جس میں انہوں نے کہا کہ خیبرپختونخوا میں گورننس اور دہشتگردی کے واقعات بڑھ چکے ہیں، صوبائی حکومت بری طرح ناکام ہو چکی ہے، صوبے میں 2 ماہ کے لیے گورنر راج لگایا جا سکتا ہے۔
بیرسٹر عقیل نے کہا کہ وزیراعلیٰ خیبرپختونخوا اور ان کی ٹیم بری طرح ناکام ہے، صوبائی حکومت وفاق سے تعاون نہیں کر رہی، جہاں جہاں صوبائی حکومت کو بتایا جاتا ہے کہ کارروائی کی ضرورت ہے تو صوبائی حکومت کسی قسم کا تعاون یا کارروائی نہیں کرتی۔
ابھی تک گورنر راج کا واضح اشارہ نہیں ہےقومی امور کے حوالے سے معتبر صحافی اور تجزیہ نگار حماد حسن نے وی نیوز سے گفتگو کرتے ہوئے کہا کہ ابھی تک مجھے گورنر کی تبدیلی یا گورنر راج کا کوئی امکان نظر نہیں آرہا اور ایسی خبریں صرف خیبرپختونخوا کی صوبائی حکومت کو دباؤ میں لانے کے لیے پھیلائی جارہی ہیں۔
یہ بھی پڑھیں: خیبرپختونخوا میں گورنر راج کی گونج، پی ٹی آئی کو اس فیصلے سے فائدہ ہوگا یا نقصان؟
پشاور سے تعلق رکھنے والے ایک سینیئر صحافی محمود جان بابر نے بھی اسی قسم کا اظہار کیا اور کہا کہ ابھی تک مجھے گورنر کی تبدیلی نظر نہیں آرہی ہے۔
ان کا کہنا ہے کہ وفاقی اور صوبائی حکومتیں ایک دوسرے کو دبانے کی کوشش کررہی ہیں اور دونوں چاہتے ہیں کہ سامنے والا دب جائے اور یہ اس کے علاوہ کچھ اور نہیں ہے۔ مجھے تو ایسے ہی لگ رہا ہے کوئی سنجیدہ تحریک دکھائی نہیں دیتی نہ ہی وفاقی حکومت کے ذرائع ان باتوں کو کنفرم کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news خیبرپختونخوا سہیل آفریدی فیصل کریم کنڈی گورنر راج وفاقی حکومت.
ذریعہ
ذریعہ: WE News
کلیدی لفظ: خیبرپختونخوا سہیل ا فریدی فیصل کریم کنڈی گورنر راج وفاقی حکومت خیبرپختونخوا میں گورنر میں گورنر راج صوبائی حکومت کہا کہ
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ