کچلاک میں نوجوان حماد کاکڑ کا قتل، کیا قاتل اہلیہ تھی؟
اشاعت کی تاریخ: 1st, December 2025 GMT
کوئٹہ کے نواحی علاقے کچلاک میں 10 اور 11 نومبر کی درمیانی شب نوجوان حماد خان کاکڑ کو اس وقت فائرنگ کر کے قتل کیا گیا جب وہ اپنی بیوی اور کم سن بھانجی کے ساتھ گاڑی میں جارہے تھے۔
فائرنگ میں حماد موقع پر ہی دم توڑ گئے، جبکہ حیرت انگیز طور پر ان کے ساتھ موجود دونوں خواتین بالکل محفوظ رہیں۔
یہ بھی پڑھیں: اسلام آباد میں قتل کی انوکھی واردات میں ملوث جوڑا 3 سال بعد کیسے گرفتار ہوا؟
واقعہ چونکہ رات کے اندھیرے میں پیش آیا، اس لیے ابتدائی طور پر اسے ڈکیتی یا راہزنی کا واقعہ سمجھا گیا، مگر کرائم سین کے نشانات نے پولیس کا شک گہرا کردیا۔
قتل کا مقدمہ حماد کے بڑے بھائی زرک خان کی مدعیت میں نامعلوم افراد کے خلاف درج کیا گیا، جس میں بتایا گیا کہ حماد پر متعدد گولیاں برسائی گئیں۔ سینے، بازو اور ران پر فائرنگ کے نشانات واضح تھے۔
واقعے کے بعد کیس کی حساسیت کے پیش نظر اس کی تفتیش سیریس کرائمز انویسٹی گیشن ونگ کے سپرد کی گئی۔
ایس سی آئی ڈبلیو کے تفتیشی افسران نے جائے وقوعہ کا تفصیلی جائزہ لیا اور جلد ہی انہیں اندازہ ہو گیا کہ معاملہ محض ڈکیتی کا نہیں تھا۔
یہ بھی پڑھیں: دوسری شادی کی اجازت کیوں نہ دی، شوہر کے ہاتھوں بیوی کا قتل
گاڑی میں موجود مقتول کی بیوی اور بھانجی کو ایک بھی گولی نہ لگنا، فائرنگ کے زاویے، لگنے والے زخموں کی پوزیشن اور وار کی شدت نے واضح کیا کہ نشانہ صرف حماد تھے۔ کسی اور کو نقصان پہنچانے کی کوئی کوشش نہیں کی گئی۔
پولیس نے تکنیکی شواہد، موبائل ڈیٹا، لوکیشن ٹریسنگ اور مشتبہ افراد کے بیانات اکٹھے کیے، جس کے بعد یہ انکشاف ہوا کہ حماد کا قتل باہر سے نہیں بلکہ اندر سے ہوا ہے۔ شبہ مقتول کی بیوی پر گہرا ہوا، جس کے بعد تفتیش کا دائرہ مزید وسیع کیا گیا۔
ڈی آئی جی کوئٹہ عمران شوکت نے پریس کانفرنس میں بتایا کہ خصوصی ٹیم نے 3 افراد عتیہ الرحمان، رومان الیاس اور بابر علی کو گرفتار کر لیا ہے۔ ان کے قبضے سے واردات میں استعمال ہونے والی گاڑی، پستول، خنجر اور موبائل فون بھی برآمد ہوئے۔
یہ بھی پڑھیں: نوشہرہ : خاتون نے بیٹے اور شوہر کو کیوں قتل کیا؟
انکشاف ہوا کہ ملزمان مقتول کی بیوی کے ساتھ رابطے میں تھے اور اسی کی معاونت سے قتل کا منصوبہ بنایا گیا۔
تفتیشی حکام کے مطابق ملزمان نے اعتراف کیا ہے کہ یہ واقعہ پہلے سے طے شدہ سازش تھی، جس میں مقتول کی بیوی نے مرکزی کردار ادا کیا۔ پولیس کے مطابق گھریلو جھگڑے، ذاتی اختلافات اور کچھ مالی معاملات اس قتل کی بنیادی وجہ بنے۔
ایس ایس پی عمران قریشی نے بتایا کہ کیس کے مزید پہلو تیزی سے کھل رہے ہیں اور امکان ہے کہ سازش میں مزید افراد بھی شامل ہوں۔
پولیس موبائل ریکارڈز، ملزمان کی نشست و برخاست اور مالی لین دین کی تفصیلات کا جائزہ لے رہی ہے تاکہ محرکات پوری طرح بے نقاب ہوسکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلوچستان بیوی پاکستان پولیس حماد خان کاکڑ فائرنگ کچلاک نوجوان قتل.ذریعہ: WE News
کلیدی لفظ: بلوچستان بیوی پاکستان پولیس حماد خان کاکڑ فائرنگ کچلاک نوجوان قتل مقتول کی بیوی قتل کی
پڑھیں:
ڈکی بھائی کی رہائی کے بعد اہلیہ عروب جتوئی کا پہلا ردعمل، اہم اعلان کردیا
معروف یوٹیوبر ڈکی بھائی کی رہائی کے بعد ان کی اہلیہ عروب جتوئی نے خاموشی توڑتے ہوئے اپنا پہلا بیان جاری کردیا۔
عروب جتوئی نے انسٹاگرام اسٹوری پر بتایا کہ سعد (ڈکی بھائی) اس وقت سوشل میڈیا سے وقفہ لے رہے ہیں۔ رہائی کے بعد نہ انہوں نے کوئی نیا کونٹینٹ بنایا ہے اور نہ ہی کسی کے ساتھ تصویر بنوائی ہے۔
مزید پڑھیں: ڈکی بھائی اور عروب جتوئی عدالت میں پیش، کیس میں بڑی پیشرفت سامنے آگئی
انہوں نے لوگوں سے درخواست کی کہ وہ افواہوں یا جھوٹی معلومات پر یقین کرکے غلط فہمی کا شکار نہ ہوں۔
عروب جتوئی نے یہ بھی کہا کہ ڈکی بھائی جلد واپسی کریں گے اور پہلے سے زیادہ مضبوط انداز میں اپنا سفر دوبارہ شروع کریں گے۔
واضح رہے کہ ڈکی بھائی جوئے کی ایپس کی تشہیر کے الزام میں مقدمات کا سامنا کررہے اور دو روز قبل اُنہیں تین ماہ بعد جیل سے رہا کیا گیا تھا۔
سہیل آفریدی کی ای سی طلبی کے خلاف درخواست سماعت کے لیے منظور، سماعت آج