وزیراعلیٰ پنجاب نے صوبے کی 65 ہزار مساجد کے آئمہ کا ماہانہ وظیفہ مقرر کردیا
اشاعت کی تاریخ: 27th, October 2025 GMT
اجلاس میں پنجاب میں سائبر کرائم سیل کے قیام کا بھی اصولی فیصلہ کیا گیا، جبکہ لاؤڈ سپیکر کے غیر قانونی استعمال کیخلاف کارروائی یقینی بنانے کی ہدایت دی گئی۔ مذہبی حلقوں کی جانب سے وزیراعلیٰ کے ان اقدامات کو سراہا گیا ہے۔ اجلاس میں بریفنگ کے دوران بتایا گیا کہ پنجاب بھر میں نمازجمعہ اور دیگر نمازیں باجماعت ادا کی جا رہی ہیں۔ اسلام ٹائمز۔ وزیراعلیٰ مریم نواز نے صوبے کی 65 ہزار مساجد کے آئمہ کرام کیلئے ماہانہ وظیفہ مقرر کر دیا۔ وزیراعلیٰ مریم نواز نے کہا کہ امام مسجد معاشرے کا انتہائی قابلِ احترام اور تکریم والا فرد ہے، اس لیے محلے میں چندہ اکٹھا کرکے امام مسجد کو ادائیگی ایک غیرمناسب عمل ہے۔ انہوں نے کہا کہ حکومت پنجاب آئمہ کرام کی معاشی معاونت کیلئےعملی اقدامات کر رہی ہے تاکہ وہ دینی خدمات اطمینان کیساتھ سرانجام دے سکیں۔ وزیراعلیٰ مریم نوازکی زیرِصدارت امن وامان سے متعلق اجلاس میں مساجد کی تعمیر و مرمت کے منصوبے سالانہ ترقیاتی پروگرام میں شامل کرنے کی منظوری دی گئی۔ وزیراعلیٰ نے ان منصوبوں کی جلد تکمیل کیلئے متعلقہ حکام کو ہدایات جاری کر دیں۔
اجلاس میں بتایا گیا کہ وزیراعلیٰ مریم نواز کی ہدایت پر رائیونڈ تبلیغی اجتماع کیلئے رابطہ سڑکوں کی تعمیر و مرمت مکمل کر لی گئی ہے جبکہ گڑھوں کی بھرائی کا کام بھی مکمل ہو چکا ہے۔ اجتماع میں آنیوالے ارکانِ جماعت کی سہولت کیلئے خصوصی بس سروس بھی شروع کی جائیگی۔ وزیراعلیٰ کی ہدایت پر اجتماع کے موقع پر فول پروف سکیورٹی انتظامات کیے گئے ہیں۔ مریم نواز نے ڈپٹی کمشنرز اور اسسٹنٹ کمشنرز کو ہدایت دی کہ وہ خود جا کر آئمہ کرام سے ملاقات کریں اور ان کے مسائل ترجیحی بنیادوں پر حل کریں۔
اجلاس میں پنجاب میں سائبر کرائم سیل کے قیام کا بھی اصولی فیصلہ کیا گیا، جبکہ لاؤڈ سپیکر کے غیر قانونی استعمال کیخلاف کارروائی یقینی بنانے کی ہدایت دی گئی۔ مذہبی حلقوں کی جانب سے وزیراعلیٰ کے ان اقدامات کو سراہا گیا ہے۔ اجلاس میں بریفنگ کے دوران بتایا گیا کہ پنجاب بھر میں نمازجمعہ اور دیگر نمازیں باجماعت ادا کی جا رہی ہیں۔ بریفنگ میں کہا گیا کہ مسجد اللہ تعالیٰ کے گھر ہیں اور اس کا تقدس برقرار رکھنا ہر مسلمان پر فرض ہے، جبکہ شرپسندی کیلئے مساجد استعمال کرنیوالوں کی نشاندہی ہر پرامن شہری کی ذمہ داری ہے۔
ذریعہ
ذریعہ: Islam Times
کلیدی لفظ: اجلاس میں مریم نواز کی ہدایت گیا کہ
پڑھیں:
میرپور والوں کا جذبہ بتا رہا ہے آزاد کشمیر میں شیر آچکا، مریم نواز
فوٹو: اسکرین گریبوزیراعلیٰ پنجاب مریم نواز نے کہا کہ جتنی گرمی میں آج میرپور میں لوگ جلسے میں آئے ہیں پورے کشمیر میں شیر کامیاب ہوگا، میرپور والوں کا جذبہ بتا رہا ہے کہ آزاد کشمیر میں شیر آچکا ہے۔
انہوں نے ان خیالات کا اظہار مسلم لیگ ن کے میرپور آزاد کشمیر میں جلسہ سے خطاب کے دوران کیا۔ مریم نواز نے کہا کہ مظفر آباد میں بارش کے باوجود عوام ن لیگ کے جلسے میں موجود رہے، آج میں میرپور نہیں باپ دادا کے گھر آئی ہوں۔
مریم نواز نے کہا کہ میرپور میں اچھے گھر بنے ہوئے ہیں لیکن افسوس سڑکیں ٹوٹی ہوئی ہیں، اب وقت آگیا ہے کہ میرپور میں بھی ترقی کے چراغ جلیں، نواز شریف نے گاڑی میں متعدد بار کہا کہ کتنا خوبصورت خطہ ہے۔
وزیراعلیٰ پنجاب کا مزید کہنا تھا کہ آپ کا جذبہ بتا رہا ہے کہ کشمیر کے اصل وارث کشمیر آگئے ہیں، آزاد کشمیر انتخابات میں بھرپور کامیابی حاصل کریں گے۔
انہوں نے کہا کہ کشمیر میں سب کچھ ہے ایک ہی کمی ہے کہ نواز شریف کی حکومت نہیں، جتنی خطرناک سازشیں نواز شریف کے خلاف ہوئیں عوام کی سپورٹ نہ ہوتی تو ہمارا تو نام ختم ہوچکا ہوتا۔
مریم نواز نے کہا کہ کشمیر میں وسائل اور جذبہ کی کمی نہیں، بہترین انفرااسٹرکچر کی کمی ہے، آزاد کشمیر میں سیاحت سے ترقی اور ہر مشکل حل ہو سکتی ہے، آزاد کشمیر کو بہترین اسپتالوں اور سڑکوں کی ضرورت ہے۔
انہوں نے کہا کہ آزاد کشمیر میں ہماری کچھ عرصے کی حکومت تھی، تنقید کرنا آسان ہوتا ہے ن لیگ کے سوا کوئی جماعت بتادیں اگر کشمیر میں ایک اینٹ بھی لگائی ہو۔
نواز شریف نے کہا کہ میں پوچھنا چاہتا ہوں میرے بعد آنے والوں نے کشمیر کیلئے کیا کیا؟
مریم نواز نے کہا جو سہولتیں ہم پنجاب میں دے رہے ہیں الیکشن جیت کر آزاد کشمیر میں بھی دیں گے، ابھی الیکشن نہیں ہوا اور میں دس الیکٹرک بسوں کا تحفہ میرپور لے کر آئی ہوں۔
انہوں نے کہا کہ پنجاب میں دو سال میں دو لاکھ افراد کو اپنی چھت اپنا گھر مل چکا ہے، دیانتداری سے کام کیا جائے تو آزاد کشمیر 5 سال میں پنجاب سے آگے نکل سکتا ہے، آزاد کشمیر میں سیف سٹی اور اپنی چھت اپنا گھر منصوبہ ہونا چاہیے۔
وزیراعلیٰ پنجاب نے کہا سوچ سمجھ کر ووٹ دیں کہیں ایسا نہ ہو کہ پھر ترقی کو ترس جائیں، دیگر صوبے کے لوگ کہتے ہیں پنجاب کی وزیراعلیٰ ہمیں دے دیں، کیا پنجاب کے لوگوں نے کبھی کہا ہے کہ دوسرا صوبے کا وزیراعلیٰ ہمیں دیں۔
مریم نواز نے کہا نواز شریف کی خدمات نکال دی جائیں تو کھنڈرات نظر آئیں، آپ نے ن لیگ کو کامیاب کرایا تو وہ ترقی آئے گی جو آپ کےخواب و خیال میں بھی نہ ہو، عوام نے موقع دیا تو آزاد کشمیر کی تقدیر بدل دیں گے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم