35 ویں نیشنل گیمز میں پاکستان آرمی نے گولڈ میڈلز کی سنچری مکمل کرلی
اشاعت کی تاریخ: 11th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی میں جاری 35ویں نیشنل گیمز میں پاکستان آرمی نے گولڈ میڈلز کی سنچری مکمل کرتے ہوئے اپنی سبقت برقرار رکھ لی۔
بدھ کے روز بھی شہر کے مختلف مقامات پر کھلاڑیوں کے درمیان میڈلز کے حصول کی سرگرمیاں جاری رہیں۔ دن کا آغاز 42.
خواتین کی لانگ جمپ میں واپڈا کی فائقہ ریاض 5.52 میٹر کا جمپ لگا کر گولڈ میڈل کی حقدار ٹھہریں اور اس کے ساتھ ہی 100 اور 200 میٹر کے بعد ایونٹ میں اپنی گولڈ میڈلز کی ہیٹ ٹرک بھی مکمل کی۔ ایتھلیٹکس کے دیگر مقابلوں میں خواتین کے ہیمر تھرو میں واپڈا کی عظمیٰ اذان، 1500 میٹر میں ارم شہزادی، 100 میٹر ہرڈلز میں غزالہ رمضان جبکہ مردوں کے 200 میٹر میں آرمی کے عثمان علی، 10 ہزار میٹر میں محمد اختر اور 400 میٹر میں اسماعیل نے گولڈ میڈلز جیتے۔
سوئمنگ مقابلوں میں آرمی کے احمد درانی نے مزید تین گولڈ میڈلز اپنے نام کرکے ڈبل ہیٹ ٹرک مکمل کی۔ انہوں نے 800 اور 200 میٹر فری اسٹائل کے علاوہ 200 میٹر ریلے میں بھی سبقت حاصل کی۔ مین سوئمنگ میں واپڈا کے حمزہ آصف نے 50 میٹر بریسٹ اسٹروک میں نیا قومی ریکارڈ قائم کیا، جبکہ خواتین میں جہاں آرا نبی اور سندھ کی حریم نے بھی اپنی فتوحات کا سلسلہ برقرار رکھا۔
روئنگ ایونٹس میں پاکستان آرمی نے شاندار کارکردگی دکھاتے ہوئے 5 گولڈ اور ایک سلور میڈل حاصل کیا، جبکہ نیوی نے 2 گولڈ اور 5 سلور میڈلز جیتے۔ اسکاؤٹ ہیڈ کوارٹرز میں ویمن ویٹ لفٹنگ ایونٹس بھی اختتام پذیر ہوئے، جہاں آرمی کی خدیجہ وحید نے 69 کلوگرام کیٹیگری میں گولڈ میڈل لیا۔ 86 پلس کلوگرام میں واپڈا کی نازیہ اسلم، 77 کلوگرام میں آرمی کی سونیا عظمت اور 86 کلوگرام کیٹیگری میں واپڈا کی نادیہ مقصود نے گولڈ حاصل کیا۔
شوٹنگ میں نیوی نے مزید چار اور آرمی نے دو گولڈ میڈلز جیتے، جبکہ مین اور ویمن کراٹے مقابلوں میں بھی آرمی کا پلڑا بھاری رہا۔ ویمن فٹبال کے سنگل لیگ ایونٹ میں آرمی نے واپڈا کو شکست دے کر گولڈ میڈل اپنے نام کیا اور پورے مقابلوں میں ناقابلِ شکست رہی۔ ویمن سافٹ بال کے فائنل میں بھی آرمی نے واپڈا کو ہرایا۔
نیشنل کوچنگ سینٹر میں اسکواش مقابلے فیصلہ کن مرحلے میں داخل ہو گئے ہیں۔ ویمن ایونٹ کے فائنل میں کے پی کی ماہ نور علی اور آرمی کی زینب پہنچ گئی ہیں، جبکہ مینز سنگلز کے فائنل میں واپڈا کے نور زمان اور آرمی کے حذیفہ ابراہیم نے جگہ بنا لی ہے۔
ذریعہ
ذریعہ: Jasarat News
کلیدی لفظ: میں واپڈا کی مقابلوں میں گولڈ میڈلز گولڈ میڈل میٹر میں نے گولڈ
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے