یورپ بھر میں مرغیوں کو ڈربوں میں بند رکھنے کا حکم، سبب کیا ہے؟
اشاعت کی تاریخ: 6th, November 2025 GMT
یورپ بھر میں مہلک برڈ فلو کے کیسز میں تیزی سے اضافے کے بعد متعدد ممالک نے لاکھوں مرغیوں اور دیگر پولٹری پرندوں کو انفیکشن سے بچانے کے لیے انڈور رکھنے کے احکامات جاری کر دیے ہیں۔ آئرلینڈ ان تازہ ممالک میں شامل ہے جس نے ملک بھر میں پولٹری کو اندر رکھنے کی پابندی عائد کی ہے۔
اعلیٰ درجے کے متعدی برڈ فلو نے حالیہ برسوں میں دنیا بھر میں کروڑوں پرندوں کو متاثر کیا ہے۔ وائرس کے پھیلاؤ نے اب امریکی ڈیری گائے کے فارمز تک رسائی حاصل کر لی ہے، جس سے خوراک کی سپلائی چین میں خلل اور قیمتوں میں اضافے کے خدشات بڑھ گئے ہیں۔
یہ بھی پڑھیے چین میں برڈ فلو کی نایاب قسم سے پہلی انسانی ہلاکت
آئرلینڈ نے بدھ کو 3 سال بعد پہلا برڈ فلو کیس رپورٹ کیا اور فوری طور پر ملک بھر میں پولٹری کو انڈور رکھنے کا حکم دیا۔ آئرش فارمرز ایسوسی ایشن کے نیشنل پولٹری کمیٹی کے چیئرمین نائیجل سویٹنم نے کہا ’برڈ فلو کا پورا پیٹرن تبدیل ہو رہا ہے، اور یہ بہت تشویشناک صورتحال ہے۔‘
فرانس، جس نے 2021-22 میں 2 کروڑ سے زائد پرندے تلف کیے تھے، نے گزشتہ ماہ اسی نوعیت کے اقدامات کیے۔ برطانیہ نے منگل کو پولٹری ہاؤسنگ آرڈر نافذ کیا، جبکہ نیدرلینڈز اور بیلجیم نے اکتوبر کے اوائل میں ہی حفاظتی اقدامات شروع کر دیے تھے۔ یورپی یونین کے 27 میں سے 15 رکن ممالک میں اب تک فارمز پر برڈ فلو کے کیسز رپورٹ ہو چکے ہیں۔
برڈ فلو عام طور پر خزاں میں نقل مکانی کرنے والے پرندوں کے ساتھ بڑھتا ہے، تاہم اس سال اب تک 688 کیسز رپورٹ ہوئے ہیں جو پچھلے سال کے اسی عرصے میں سامنے آنے والے 189 کیسز کے مقابلے میں کہیں زیادہ ہیں۔
یہ بھی پڑھیے ویتنام: برڈ فلو نے 47 شیر و ببر شیر ڈھیر کردیے
جرمنی سب سے زیادہ متاثرہ ملک ہے، جہاں اگست سے اب تک 58 کیسز سامنے آ چکے ہیں جبکہ گزشتہ سال صرف 8 تھے۔
میڈیا رپورٹس کے مطابق تقریباً 10 لاکھ پرندوں کو تلف کیا جا چکا ہے۔ جرمنی کی کئی ریاستوں میں پولٹری کو اندر رکھنے کے احکامات دیے گئے ہیں، تاہم وفاقی سطح پر کوئی قومی پابندی عائد نہیں کی گئی۔ پولینڈ، جو یورپی یونین میں سب سے بڑا پولٹری پیدا کرنے والا ملک ہے، میں بھی 15 کیسز سامنے آئے ہیں مگر وہاں فی الحال انڈور رکھنے کا حکم نہیں دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برڈ فلو صحت یورپ.ذریعہ: WE News
کلیدی لفظ: برڈ فلو یورپ برڈ فلو
پڑھیں:
اسلام آباد میں گزشتہ 24 گھنٹوں کے دوران ڈینگی کے 10 نئے کیسز رپورٹ
اسلام آباد میں گزشتہ 24 گھنٹوں کے دوران ڈینگی کے 10 نئے کیسز رپورٹ ہوئے ہیں۔
تفصیلات کے مطابق یہ نئے کیسز میں سے 7 دیہی اور 3 شہری علاقوں سے سامنے آئے۔ مختلف اسپتالوں میں زیرِ علاج ڈینگی مریضوں کی تعداد 44 ہو گئی ہے۔
ترلائی سے 3، جی-7 اور ترامڑی سے 2، ای-11، سوہان اور روات سے 1،1 کیس رپورٹ۔ ڈینگی سرویلنس ٹیموں نے متاثرہ علاقوں کے دورے اور ہاٹ اسپاٹس کی نشاندہی کی ہے۔
مجموعی طور پر 45 ہزار 306 انسدادِ ڈینگی سرگرمیاں اسلام آباد بھر میں مکمل کی گئیں جبکہ 2 مثبت تجارتی ہاٹ اسپاٹس اور 335 گھروں سے لاروا برآمد ہوا۔
1,062 مقامات پر فوگنگ کی گئی جبکہ ہائی رسک علاقوں میں کارروائیاں تیز کردی گئیں۔ 22 کنفرم مریضوں کے گھروں اور 1,073 اطراف کے گھروں میں اسپرے کیا گیا۔ ڈسٹرکٹ ہیلتھ آفس، ڈی ایچ ایس اور ضلعی انتظامیہ کی جانب سے مشترکہ مہم جاری ہے۔
وفاقی وزیرِ صحت کی ہدایت پر انسدادِ ڈینگی اقدامات میں مزید تیزی لائی جارہی ہے۔ ڈینگی پھیلاؤ کی روک تھام کے لیے سخت انتظامی کارروائیاں اور عوامی آگاہی مہم جاری ہے۔
امید ہے وزیر اعلیٰ خیبر پختونخوا سہیل آفریدی تعاون کی پیشکش کو قبول کریں گے، وزیر اعظم شہباز شریف