سنگا کپ: لیاری فٹبال اکیڈمی نے سلور میڈل جیت لیا
اشاعت کی تاریخ: 7th, November 2025 GMT
سنگا کپ فٹبال ٹورنامنٹ میں لیاری فٹبال اکیڈمی نے پاکستان کے لیے سلور میڈل جیت کرتاریخ رقم کر دی۔
تفصیلات کے مطابق سنگاپور میں ہونے والے ایشیا کے سب سے بڑے یوتھ فٹبال ٹورنامنٹ کے بوائز انڈر16 ایونٹ میں لیاری فٹبال اکیڈمی نے فائنل میں تھائی لینڈ کی ٹیم کا ڈٹ کر مقابلہ کیا تاہم مضبوط حریف ٹیم ٹائٹل اپنے نام کرنے میں کامیاب رہی۔
تھائی لینڈ کی ٹیم نے 1-2 سے کامیابی حاصل کی۔ لیاری فٹبال اکیڈمی کی جانب سے واحد گول مزمل نے کیا۔
Benjamarachanusorn Crowned #SingaCup2025 U16 Champions After Dramatic Finalhttps://t.
The #SingaCup 2025 U16 tournament concluded in thrilling fashion as Benjamarachanusorn School (Thailand) edged Lyari Football Academy (Pakistan) in a tense & closely fought final pic.twitter.com/xAWrNScgxT — SingaCup - Asia's Premier International Youth Cup (@SingaCup) November 7, 2025
لیاری فٹبال اکیڈمی کے روح رواں شیخ عبدالرحمان نے کہا کہ یہ ہار نہیں، حوصلے کی جیت ہے، لیاری کے شیر بچوں نے تھائی لینڈ کی مضبوط ٹیم کے خلاف دل و جان سے مقابلہ کیا۔
انہوں نے کہا کہ ان نوجوانوں کے جذبے اور عزم نے سب کے دل جیت لیے، یہ ایک نئے سفر کی شروعات ہے۔
شیخ عبدالرحمان نے کہ کراچی کے قدیم ترین علاقے لیاری کی گلیوں سے نکل کر دنیا کے میدانوں تک یہ سفر ابھی جاری ہے، عالمی سطح پر پاکستان کا نام بلند کرنے کے لیے کوششیں جاری رکھی جائیں گی
ذریعہ: Express News
کلیدی لفظ: لیاری فٹبال اکیڈمی
پڑھیں:
اسکاٹ لینڈ: نیشنل اسپورٹس اسکالرشپ کا اعزاز پاکستانی نژاد کرکٹر نیما شیخ کے نام
پاکستانی نژاد اسکاٹش کرکٹر نیما شیخ نے تاریخ رقم کردی ہے، وہ اسکاٹ لینڈ کی پہلی کرکٹر بن گئی ہیں جنہیں ملک کے ممتاز وننگ اسٹوڈنٹس 100 اسکاٹ لینڈ نیشنل اسپورٹس اسکالرشپ سے نوازا گیا ہے۔
یہ اسکالرشپ اُن باصلاحیت طالبعلم کھلاڑی کو دیا جاتا ہے جو کھیل اور تعلیم دونوں میدانوں میں نمایاں کارکردگی دکھاتے ہیں۔
یہ بھی پڑھیں: بہاولپور کا پہلا کرکٹ کلب جہاں مرد و خواتین ایک ساتھ پریکٹس کرتے ہیں
کرکٹ اسکاٹ لینڈ کی جانب سے جاری بیان میں 22 سالہ آل راؤنڈر نیما شیخ نے اس اعزاز کو اپنے لیے ’بہت بڑا اعزاز‘ قرار دیتے ہوئے کہا کہ یہ ان کے لیے فخر کی بات ہے کہ وہ اسکاٹ لینڈ کی پہلی کرکٹر ہوں، مرد یا خاتون، جسے یہ اسکالرشپ ملی ہے۔
https://Twitter.com/CricketScotland/status/1986040803433533672?ref_src=twsrc%5Etfw%7Ctwcamp%5Etweetembed%7Ctwterm%5E1986040803433533672%7Ctwgr%5E14691c8af862e2c09f105c2cd6262457dc2eaf37%7Ctwcon%5Es1_&ref_url=https%3A%2F%2Fgulfnews.com%2Fsport%2Fcricket%2Fpakistan-origin-nima-sheikh-first-cricketer-in-scotland-to-win-prestigious-scholarship-1.500336700
’یہ اعزاز مجھے اپنی تعلیمی اور کرکٹ کی ذمہ داریاں مزید بہتر انداز میں نبھانے کی تحریک دیتا ہے۔‘
وننگ اسٹوڈنٹس پروگرام اسکاٹ لینڈ کے مختلف جامعات اور کالجوں میں زیر تعلیم 1,700 سے زائد کھلاڑی طلبا کو مالی معاونت، تربیت اور ترقی کے مواقع فراہم کرتا ہے۔
مزید پڑھیں: اشتہارات کی بارش، ورلڈ کپ جیتنے کے بعد بھارتی خواتین کرکٹ ٹیم کی برانڈ ویلیو میں کتنا اضافہ ہوا؟
اسپورٹس اسکاٹ لینڈ کی سرپرستی میں چلنے والے اس پروگرام کا مقصد ہے کہ حقدار طالبعلم کھلاڑی تعلیم اور کھیل دونوں میں کامیابی حاصل کر سکیں۔
کرکٹ اسکاٹ لینڈ نے نیما شیخ کی کامیابی کو کرکٹ کی بڑھتی ہوئی مقبولیت کا مظہر قرار دیا اور کہا کہ یہ سنگ میل ملک میں خواتین کرکٹ کے فروغ کے لیے ایک مثبت قدم ہے۔
بین الاقوامی سفرنیما شیخ اس وقت یونیورسٹی آف گلاسگو میں اکاؤنٹنسی اور فائنانس کی طالبہ ہیں۔
انہوں نے 2023 میں اسکاٹ لینڈ کی جانب سے بین الاقوامی ڈیبیو کیا اور اب تک 2 ون ڈے اور 7 ٹی20 میچز میں ملک کی نمائندگی کر چکی ہیں۔
مزید پڑھیں:طالبان کی خواتین مخالف پالیسی، کرکٹر راشد خان میدان میں آگئے
رواں سال کے وننگ اسٹوڈنٹس اسکالرز میں 31 مختلف کھیلوں سے تعلق رکھنے والے 105 کھلاڑی شامل ہیں، جنہیں تربیت، رہنمائی اور مالی مدد فراہم کی جا رہی ہے۔
نیما شیخ کی کامیابی کو کرکٹ کے لیے فخر کا لمحہ قرار دیتے ہوئے کرکٹ اسکاٹ لینڈ نے کہا کہ ان کی کامیابی نئی نسل خصوصاً متنوع پس منظر رکھنے والی نوجوان خواتین کے لیے ایک مثال بنے گی۔
اس اعلان کو اسکاٹ لینڈ کے کھیلوں کے حلقوں میں وسیع پیمانے پر سراہا گیا ہے، اور نیما شیخ کی لگن و محنت کو خواتین کرکٹ میں ترقی کی علامت قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکاٹ لینڈ نیما شیخ وننگ اسٹوڈنٹس اسکالرز یونیورسٹی آف گلاسگو
ضیاءالحسن لنجار ایڈووکیٹ ممبر سندھ بار کونسل منتخب ہوگئے