لیگی رہنما، ممتاز صحافی اور دانشور سینیٹر عرفان صدیقی انتقال کر گئے
اشاعت کی تاریخ: 11th, November 2025 GMT
عرفان صدیقی سابق وزیراعظم نواز شریف کے قریبی رفقا میں شمار ہوتے تھے۔ اُن کے دورِ حکومت میں وزیراعظم کے معاونِ خصوصی برائے قومی امور اور بعد ازاں پریس سیکرٹری کے طور پر خدمات انجام دیں۔ عرفان صدیقی 2021 میں پاکستان مسلم لیگ (ن) کی جانب سے سینیٹر منتخب ہوئے۔ اسلام ٹائمز۔ مسلم لیگ (ن) کے سینئر رہنما، ممتاز صحافی اور دانشور سینیٹر عرفان صدیقی انتقال کر گئے۔ مرحوم طویل عرصے سے علیل تھے۔ اُن کے انتقال کی خبر سے سیاسی و صحافتی حلقوں میں گہرے دکھ اور افسوس کی لہر دوڑ گئی۔ معروف کالم نگار اور سیاسدان عرفان صدیقی 25 دسمبر 1949 کو راولپنڈی میں پیدا ہوئے۔ ان کا شمار اُن شخصیات میں ہوتا تھا جنہوں نے صحافت، تعلیم اور سیاست تینوں میدانوں میں نمایاں خدمات سر انجام دیں۔ وہ کئی دہائیوں تک اردو صحافت میں بطور کالم نگار، تجزیہ کار اور ادبی شخصیت سرگرم رہے۔ ان کے کالمز نے ملکی سیاست، معاشرت اور نظریاتی مباحث پر گہرا اثر چھوڑا۔
عرفان صدیقی سابق وزیراعظم نواز شریف کے قریبی رفقا میں شمار ہوتے تھے۔ اُن کے دورِ حکومت میں وزیراعظم کے معاونِ خصوصی برائے قومی امور اور بعد ازاں پریس سیکرٹری کے طور پر خدمات انجام دیں۔ عرفان صدیقی 2021 میں پاکستان مسلم لیگ (ن) کی جانب سے سینیٹر منتخب ہوئے۔ 2024 میں مسلم لیگ ن کے پارلیمانی لیڈر مقرر کیے گئے۔ عرفان صدیقی کو ان کی علمی، صحافتی اور قومی خدمات کے اعتراف میں ہلالِ امتیاز کا اعزاز بھی دیا گیا۔ عرفان صدیقی کے انتقال پر وزیراعظم محمد شہباز شریف ،سربراہ مسلم لیگ ن نواز شریف، وزیراعلیٰ پنجاب مریم نواز، مختلف سیاسی رہنماؤں، صحافی تنظیموں اور ادبی شخصیات نے گہرے دکھ کا اظہار کیا ہے۔
ذریعہ: Islam Times
کلیدی لفظ: عرفان صدیقی مسلم لیگ
پڑھیں:
سینیٹر عرفان صد یقی انتقال کر گئے ‘ صدر ‘ وزیراعظم ‘ وزیر اعلیٰ دیگر کا اظہارا فسوس
اسلام آباد (اپنے سٹاف رپورٹر سے) پاکستان مسلم لیگ ن کے سینٹ میں پارلیمانی لیڈر اور سٹینڈنگ کمیٹی امور خارجہ کے چیئرمین سینیٹر عرفان صدیقی پیر کی شب اسلام آباد کے نجی ہسپتال میں انتقال کر گئے۔ سینیٹر عرفان صدیقی مرحوم کا شمار صدر پاکستان مسلم لیگ (ن) میاں محمد نواز شریف کے قریبی اور معتمد ساتھیوں میں ہوتا تھا، عرفان صدیقی1998ء سے 2001ء تک صدر پاکستان کے پریس سیکرٹری اور بعد ازاں 2013ء سے 2018ء کے عرصے میں وفاقی کابینہ میں بھی شاملِ رہے۔ سینیٹر عرفان صدیقی شعبہ تدریس سے وابستہ رہنے کے بعد شعبہ صحافت میں کالم نگار اور تجزیہ کار کی حیثیت سے نمایاں رہے، وہ روزنامہ نوائے وقت سے بھی بطور کالم نگار وابستہ رہے۔ سینیٹر عرفان صدیقی مہروں کے درد اور سانس میں تکلیف کے باعث گزشتہ دو ہفتے سے اسلام آباد کے ایک نجی ہسپتال میں زیر علاج تھے۔ ان کے انتقال پر صدر، وزیراعظم، نواز شریف، محسن نقوی، وزیراعلیٰ پنجاب اور دیگر نے اظہار افسوس کیا ہے۔ سوگوار خاندان سے دلی ہمدردی و اظہار تعزیت کیا ہے۔ ان کی صحافتی و سیاسی خدمات کو خراج عقیدت پیش کیا ہے۔شہباز شریف نے کہا عرفان صدیقی کی وفات کی خبر پر بیحد افسوس اور رنج ہے، پاکستان ایک سنجیدہ مفکر، معلم اور اصول پسند دانشور سے محروم ہوگیا ہے۔ عرفان صدیقی کی جماعت کے لیے خدمات ہمیشہ یاد رکھی جائیں گی۔
شہری کو قتل کرکے لاش کو تیزاب سے مسخ کرنے والا سفاک شخص گرفتار