سوڈان کے شہر العبید میں جنازے پر حملہ، 40 افراد جاں بحق
اشاعت کی تاریخ: 5th, November 2025 GMT
سوڈان کے وسطی صوبے کردفان کے اہم شہر العبید میں ایک جنازے پر حملے کے نتیجے میں 40 افراد ہلاک ہوگئے ہیں۔
اقوامِ متحدہ کے انسانی امور کے دفتر نے بدھ کے روز اس واقعے کی تصدیق کی۔
???????? Over 36,000 Sudanese civilians have fled towns and villages in the Kordofan region east of Darfur, the United Nations said, just over a week after paramilitary forces overran the city of El-Fasher.
➡️ https://t.co/wcuNUq7tBB pic.twitter.com/8XlQckh0rV
— AFP News Agency (@AFP) November 3, 2025
بیان میں یہ واضح نہیں کیا گیا کہ حملہ کب ہوا یا اس کے پیچھے کون ملوث تھا، تاہم واقعہ ایسے وقت پیش آیا جب نیم فوجی تنظیم ریپڈ سپورٹ فورسز مبینہ طور پر شہر پر حملے کی تیاری کر رہی تھیں، جبکہ حکومتی فوج بھی انہیں روکنے کے لیے شہر کے اطراف میں جمع ہو رہی تھی۔
اقوامِ متحدہ کے دفتر نے کہا کہ کردفان خطے میں سیکیورٹی کی صورتحال مسلسل خراب ہو رہی ہے۔
مزید پڑھیں: آر ایس ایف نے 300 خواتین کو ہلاک، متعدد کیساتھ جنسی زیادتی کی، سوڈانی وزیر کا دعویٰ
رپورٹس کے مطابق کردفان کے تینوں صوبے، شمالی، مغربی اور جنوبی، حالیہ ہفتوں میں سوڈانی فوج اور آر ایس ایف ملیشیا کے درمیان شدید جھڑپوں کی لپیٹ میں ہیں۔
اسی دوران، 26 اکتوبر کو آر ایس ایف نے شمالی دارفور کے دارالحکومت الفاشر پر قبضہ کر لیا، جہاں مقامی اور بین الاقوامی تنظیموں کے مطابق شہریوں کے قتلِ عام کے واقعات پیش آئے۔
مزید پڑھیں: سوڈان: صدارتی محل بالآخر باغیوں سے آزاد کرالیا گیا
ماہرین نے خبردار کیا ہے کہ یہ قبضہ سوڈان کے جغرافیائی تقسیم کو مضبوط کر سکتا ہے۔
یاد رہے کہ اپریل 2023 سے سوڈانی فوج اور آر ایس ایف کے درمیان خانہ جنگی جاری ہے، جس میں ہزاروں افراد ہلاک، لاکھوں بے گھر ہو چکے ہیں، اور ملک دنیا کے بدترین انسانی بحرانوں میں سے ایک کا شکار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آر ایس ایف العبید جغرافیائی تقسیم جنازے حملہ سوڈان شمالی دارفور کردفان ملیشیا
ذریعہ
ذریعہ: WE News
کلیدی لفظ: ا ر ایس ایف العبید جغرافیائی تقسیم حملہ سوڈان شمالی دارفور کردفان ملیشیا ا ر ایس ایف
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار