بنگلہ دیش: انتخابات سے قبل غلط معلومات سے نمٹنے کے لیے خصوصی سیل قائم
اشاعت کی تاریخ: 11th, November 2025 GMT
بنگلہ دیش کی نیشنل سائبر سکیورٹی ایجنسی (این سی ایس اے) نے فروری 2026 میں ہونے والے قومی انتخابات سے قبل جعلی خبروں، افواہوں اور آن لائن غلط معلومات کے پھیلاؤ کو روکنے کے لیے ایک خصوصی مانیٹرنگ سیل قائم کر دیا ہے۔
ادارہ کی جانب سے منگل کو جاری کیے گئے باضابطہ پریس ریلیز کے مطابق یہ سیل 24 گھنٹے فعال رہے گا، آن لائن پلیٹ فارمز اور سوشل میڈیا کی نگرانی کرے گا، معلومات کی تصدیق کرے گا اور حقائق کی درستگی کو یقینی بنائے گا۔
یہ بھی پڑھیے: ٹی ایل پی سے متعلق فیک نیوز پھیلانے والوں کے خلاف بڑے پیمانے پر کارروائی کا آغاز
این سی ایس اے کے چیف ایڈوائزر کے دفتر کے پریس ونگ، پریس انفارمیشن بنگلہ دیش (PIB)، بنگلہ دیش سنگباد سنستھا (BSS)، بنگلہ دیش ٹیلیکمیونیکیشن ریگولیٹری کمیشن (BTRC) اور مختلف قانون نافذ کرنے والے اداروں کے ساتھ قریبی رابطے میں کام کرے گا۔
ادارے نے عوام سے اپیل کی ہے کہ کسی بھی معلومات کو آن لائن شیئر کرنے سے پہلے اس کی صداقت کی تصدیق کریں اور کسی بھی مشکوک، اشتعال انگیز یا ریاست مخالف مواد کی فوری اطلاع دیں۔
“ملک کے سائبر اسپیس کو محفوظ بنانا ہم سب کی مشترکہ ذمہ داری ہے،” NCSA نے اپنے بیان میں کہا اور صارفین سے درخواست کی کہ وہ پروپیگنڈا پر نہ آئیں اور جعلی تصاویر، کارڈز یا ویڈیوز پھیلانے سے گریز کریں جو “ریاست مخالف عناصر” گردش میں ڈال رہے ہیں۔
یہ بھی پڑھیے: اسلامی اندولن بنگلہ دیش کا عام انتخابات مؤخر کرنے کا مطالبہ، پہلے ریفرنڈم پر اصرار
عوامی تعاون کو مضبوط بنانے کے لیے این سی ایس اے نے 24/7 ہیلپ لائن شروع کر دی ہے اور مخصوص شکایات کے لیے چار الگ ای میل چینلز کھول دیے ہیں:
[email protected] – آن لائن جوا سے متعلق شکایات کے لیے [email protected] – جعلی معلومات، افواہوں یا ڈس انفارمیشن کے لیے [email protected] – جعلی پروفائلز، فحش یا نقصان دہ مواد، اور آن لائن ہراسانی کے لیے [email protected] – اہم انفارمیشن انفراسٹرکچر اداروں پر سائبر حملوں کے لیےوزارت ڈاک، ٹیلیکمیونیکیشن اور انفارمیشن ٹیکنالوجی کے پبلک ریلیشن آفیسر محمد جاسم الدین کے دستخط شدہ بیان میں کہا گیا کہ محفوظ اور ذمہ دارانہ ڈیجیٹل ماحول کو یقینی بنانے کے لیے عوامی تعاون انتہائی اہم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن بنگلہ دیش غلط معلومات ووٹ.
ذریعہ
ذریعہ: WE News
کلیدی لفظ: الیکشن بنگلہ دیش غلط معلومات ووٹ بنگلہ دیش آن لائن کے لیے
پڑھیں:
کراچی ایئرپورٹ پر جعلی یو اے ای ورک ویزا فراڈ بے نقاب، مسافر آف لوڈ
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ اسلام ٹائمز۔ ایف آئی اے امیگریشن نے دبئی جانے والے مسافر سید ظل اللہ احسان الزمان کو جعلی یو اے ای ریزیڈنس، ورک ویزا پر سفر کی کوشش کے دوران آف لوڈ کر دیا۔ ترجمان ایف آئی اے کے مطابق دورانِ بورڈنگ عملے کو ٹکٹ کی تفصیلات ایئرلائن سسٹم میں نہ ملنے پر مسافر کو مزید جانچ کیلئے روکا گیا، تفصیلی جانچ کے دوران پیش کردہ یو اے ای ورک ویزا جعلی اور بوگس پایا گیا۔ ابتدائی تحقیقات میں مسافر نے انکشاف کیا کہ اس نے سوشل میڈیا کے ذریعے رابطہ کرنے والے ایجنٹ ملک شہباز اعوان سے بیرون ملک ملازمت کے انتظامات کروائے تھے، مذکورہ ایجنٹ مبینہ طور پر ’’مَلک اوورسیز‘‘ کے نام سے جوہرآباد، خوشاب میں کام کر رہا ہے۔
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ ادائیگیاں مختلف جاز کیش اور بینک اکاؤنٹس میں منتقل کی گئیں۔ مسافر نے مؤقف اختیار کیا کہ اسے ویزا کے جعلی ہونے کا علم نہیں تھا اور وہ خود بھی ویزا فراڈ کا شکار ہوا ہے۔ ترجمان ایف آئی اے کے مطابق مسافر کو تمام متعلقہ دستاویزات سمیت مزید قانونی کارروائی اور تحقیقات کیلئے ایف آئی اے اینٹی ہیومن ٹریفکنگ سرکل کراچی منتقل کر دیا گیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ