سری لنکا میں شدید موسمی حالات، مہمان ٹیم نے ٹور منی اور میچ فیس عوام کی مدد کیلیے عطیہ کردی
اشاعت کی تاریخ: 30th, November 2025 GMT
راولپنڈی:
ٹوئنٹی20 سیریز کے فائنل سے قبل دونوں ٹیموں نے سری لنکا میں حالیہ شدید موسمی حالات کے دوران جاں بحق ہونے والوں کی یاد میں ایک منٹ تک خاموشی اختیار کی۔
اسی دوران سری لنکا کی ٹیم نے تمام ٹور منی اور میچ فیس سیلاب اور لینڈ سلائیڈز سے متاثرہ عوام کی مدد کے لیے عطیہ کرنے کا اعلان کیا۔
یہ اعلان ہیڈ کوچ سنتھ جے سوریا نے کیا، انھوں نے کہا کہ کھلاڑی اور سپورٹنگ اسٹاف ہم وطنوں کے سامنے پیش آنے والی مشکلات پر گہرے افسوس کا اظہار کرتا ہے،ہم ںے متاثرہ خاندانوں کے لیے دلی ہمدردی کا پیغام بھیجا۔
ٹیم وطن واپسی کے بعد بھی ریلیف سرگرمیوں میں تعاون جاری رکھے گی اور ضرورت مندوں کی مدد کے لیے مزید اقدامات کیے جائیں گے۔
انھوں نے عوام سے اپیل کی کہ وہ اس مشکل وقت میں محتاط رہیں، حکومتی ہدایات پر عمل کریں اور ایک دوسرے کی مدد کریں ۔
.ذریعہ: Express News
کلیدی لفظ: کی مدد
پڑھیں:
جنگ کا بینیفشری نہیں، بلکہ متاثرہ فریق ہوں، سرفراز بگٹی
کوئٹہ میں ایک تقریب سے خطاب کرتے ہوئے سرفراز بگٹی نے کہا کہ میں نے اپنے خاندان اور قبیلے کے 280 لوگوں کی لاشیں اٹھائی ہیں اور آج بھی 280 بیواؤں اور انکے بچوں کی کفالت کر رہا ہوں۔ اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ انہیں سماجی رابطہ کی ویب سائٹس پر چلنے والی مہمات کی کوئی پرواہ نہیں ہے۔ اپنے موقف سے پیچھے نہیں ہٹیں گے۔ ان خیالات کا اظہار انہوں نے آج کوئٹہ میں صحافیوں کیلئے میڈیا ہاؤسنگ سوسائٹی کی سنگ بنیاد رکھنے کے موقع پر خطاب کرتے ہوئے کیا۔ انہوں نے کہا کہ میں جنگ کا بینیفشری (فائدہ اٹھانے والا) نہیں، بلکہ ایفیکٹی (متاثرہ فریق) ہوں۔ میں نے اپنے خاندان اور قبیلے کے 280 لوگوں کی لاشیں اٹھائی ہیں اور آج بھی 280 بیواؤں اور ان کے بچوں کی کفالت کر رہا ہوں۔ وزیراعلیٰ نے کہا کہ میرا سیاسی سرمایہ پاکستان کے ساتھ کھڑے ہو کر لاشیں دینا ہے۔ مجھے سوشل میڈیا مہمات کی پرواہ نہیں، میں مظلوم کے ساتھ کھڑا ہوں اور کسی صورت ظالم کا ساتھ نہیں دوں گا اور نہ ہی اپنے موقف سے پیچھے ہٹوں گا۔ سرفراز بگٹی نے صحافیوں پر زور دیا کہ وہ میڈیا ہاؤسنگ اسکیم کو کوئی احسان نہ سمجھیں، بلکہ یہ ان کا حق ہے۔ انہوں نے کہا کہ صحافی حکومت کی غلطیوں کی نشاندہی کریں، سچ کو فروغ دیں اور بلیک میلنگ کی حوصلہ شکنی کریں۔
انتخابات میں ن لیگ کی کامیابی عوام کا اعتماد، وزیراعظم کی کارکردگی کو عالمی سطح پر تسلیم کیا جا رہا ہے: عطا تارڑ