کرکٹ سے محبت کرنے والے ملک کا ’اکلوتا ٹینس اسٹار‘ اعصام الحق کا پروفیشنل سفر ختم
اشاعت کی تاریخ: 29th, November 2025 GMT
پاکستان کے ٹینس کا چمکتا ہوا ستارہ اعصام الحق نے پروفیشنل ٹینس سے ریٹائرمنٹ کا اعلان کر دیا۔ اعصام الحق نے پاکستان کی نمائندگی کرتے ہوئے اے ٹی پی سرکٹ میں کھیل کا شرف حاصل کیا۔ پی ٹی ایف ٹینس کمپلیکس میں کھیلے گئے چیلنجرز کپ کے ڈبلز مقابلوں کے سنسنی خیز فائنل میں پاکستانی جوڑی اعصام الحق اور مزمل مرتضیٰ کو سخت مقابلے کے بعد شکست کا سامنا کرنا پڑا اور اعصام الحق اپنے آخری انٹرنیشنل ایونٹ کا فائنل نہ جیت سکے۔
یہ بھی پڑھیں:قومی ٹینس اسٹار اعصام الحق کا اپنے آخری ٹورنامنٹ میں نیا سنگ میل
تاریخ میں پہلی بار اے ٹی پی چیلنجر کپ کا پاکستان میں انعقاد ہوا، اور مینز ڈبلز میں پاکستانی جوڑی نے رسائی حاصل کی۔ ایونٹ کے ڈبلز فائنل میں چیک ریپبلک کے ڈومینک پلان اور قازقستان کے ڈینس ایوسیو نے شاندار کارکردگی دکھاتے ہوئے فائنل 6-7 اور 4-6 سے اپنے نام کیا۔
ڈبلز ایونٹ کے اختتام کے ساتھ ہی پاکستان کے مایہ ناز ٹینس اسٹار اعصام الحق انٹرنیشنل ٹینس سرکٹ سے ریٹائرڈ ہو گئے، جس پر شائقینِ ٹینس نے انہیں خراج تحسین پیش کیا۔
واضح رہے کہ پاکستان پہلی مرتبہ اے ٹی پی چیلنجرز کپ کی میزبانی کر رہا ہے، جسے ملکی ٹینس کے لیے ایک اہم سنگِ میل قرار دیا جا رہا ہے۔ اے ٹی پی چیلنجرز کپ کے سنگلز مقابلوں کا فائنل اتوار کو کھیلا جائے گا۔
Frpm having covered @aisamhqureshi from his early days to his ascent to GrandSlam Finals n to calling him on stage for the very last time was def a very fulfilling experience.
What him and his family have done for Tennis in Pak is absolutely unmatched!!
Go well champ ???? #Legend pic.twitter.com/VWnAzFX7xo
— altamish jiwa (@altamishjiwa) November 27, 2025
اپنے آخری ٹورنامنٹ کے اختتام پر گفتگو کرتے ہوئے اعصام الحق نے کہا کہ پاکستان کا نام روشن کرنے پر بہت خوشی ہے اور سب کی سپورٹ پر وہ شکر گزار ہیں۔ انہوں نے کہا کہ پاکستان میں ہونے والا ڈیوس کپ ان کے لیے یادگار رہے گا اور ان کی سب سے بڑی کامیابی یو ایس اوپن فائنل میں راجر فیڈرر کو شکست دینا تھی۔
اعصام الحق نے کہا کہ کرکٹ کے شائقین والے ملک میں نام بنانا مشکل تھا، لیکن محنت کے بل بوتے پر کامیابی حاصل کی۔ وہ نئے کھلاڑیوں کو زیادہ سے زیادہ پروموٹ کرنے اور پاکستان میں مزید انٹرنیشنل ٹورنامنٹس لانے کی کوشش کریں گے۔ اب ان کی مکمل توجہ بطور صدر پی ٹی ایف کھیل کے فروغ پر مرکوز رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعصام الحق اے ٹی پی چیلنجر کپ ٹینسذریعہ: WE News
کلیدی لفظ: اعصام الحق اے ٹی پی چیلنجر کپ ٹینس اعصام الحق نے اے ٹی پی
پڑھیں:
پرتگال نے آسٹریا کو شکست دے کر فیفا انڈر 17 ورلڈ کپ اپنے نام کر لیا
فیفا انڈر 17 ورلڈ کپ 2025 کے فائنل میں پرتگال نے آسٹریا کو ایک صفر سے شکست دے کر پہلی بار یہ اعزاز حاصل کرلیا۔
سنسنی خیز میچ مجموعی طور پر سخت مقابلے کا حامل رہا جہاں آسٹریا نے مخالف ٹیم کے گول پر نسبتاً زیادہ تابڑ توبڑ حملے کیے تھے لیکن فیصلہ کن موقع پرتگال بازی مار گیا۔
دوحہ کے خلیفہ انٹرنیشنل اسٹیڈیم میں جمعرات کو کھیلے گئے فیصلہ کن مقابلے میں واحد گول انیسو کیبرال نے 32 ویں منٹ میں اسکور کیا جو پرتگال کی برتری اور فتح کے لیے کافی ثابت ہوا۔
یہ دونوں ٹیموں کا اس عمر کے عالمی مقابلے کے فائنل میں پہلا موقع تھا۔ آسٹریا کے اسٹار اسٹرائیکر جوہانس موسر، جو ٹورنامنٹ میں آٹھ گول کے ساتھ سب سے آگے تھے، فائنل میں اپنی ٹیم کو بچانے میں کامیاب نہ ہو سکے۔
تاہم ان کے متبادل ڈینیئل فریشر میچ کے آخری لمحات میں گول کے قریب پہنچے جب ان کا 85 ویں منٹ میں کم زاویے سے لگایا گیا شاٹ پوسٹ سے ٹکرا گیا اور یوں سنہری موقع ضائع ہوگیا۔
میچ کا واحد گول کرنے والے کیبرال نے ٹورنامنٹ میں 7 گول کیے اور اس طرح ٹورنامنٹ میں سب سے زیادہ گول کرنے والے دوسرے کھلاڑی بن گئے۔
تیسری پوزیشن کے لیے میچ میں اٹلی نے برازیل کو پنالٹی پر چار، دو سے شکست دی۔
قبل ازیں سیمی فائنل میں آسٹریا نے اٹلی کو دو صفر سے جبکہ برازیل کو پرتگال کے خلاف چھ پانچ کی سنسنی خیز پنالٹی شوٹ آؤٹ میں ناکامی کا سامنا کرنا پڑا تھا۔
ضمنی الیکشن میں عوام کی دلچسپی کم کیوں؟ چیف الیکشن کمشنر نے بتا دیا