انڈین آرمی چیف کا یہ بیان کہ ہم نے آپریشن سندور کے دوران ایک ٹریلر دکھایا خود فریبی کی حامل سوچ کا عکاس ہے: ڈی جی آئی ایس پی آر
اشاعت کی تاریخ: 29th, November 2025 GMT
راولپنڈی (ڈیلی پاکستان آن لائن )بھارت کے حوالے سے گفتگو کرتے ہوئے ڈی جی آئی ایس پی آر لیفٹیننٹ جنرل احمد شریف چوہدری کا کہناتھا کہ ہندوستان میں خود فریبی کی سوچ رکھنے والی قیادت کی اجارہ داری ہے، انڈین آرمی چیف کا یہ بیان کہ ہم نے آپریشن سندور کے دوران ایک ٹریلر دکھایا خود فریبی کی حامل سوچ کا عکاس ہے، جس ٹریلر میں7 جہاز گریں، 26 مقامات پر حملہ، ایس-400کی بیٹریاں تباہ ہوں تو ایسے ٹریلر پر مبنی فلم ان کیلئے ڈراؤنی فلم بن جائے گی۔
ان کا کہنا تھا آپریشن سندور میں ہوئی شکست پر بار بار کے جھوٹے ہندوستانی بیانات عوامی غم و غصے کو تحلیل کرنے کیلئے ہیں، کوئی بھی ملک اگر افغان طالبان رجیم کو فوجی سازو سامان مہیا کرتا ہے تو یہ دہشتگردوں کے ہاتھ ہی لگے گا۔
افغان رجیم ناصرف پاکستان بلکہ پورے خطے کی سلامتی کیلئے خطرہ بن چکی ہے: ڈی جی آئی ایس پی آر
انہوں نے کہا کہ ریاست پاکستان اور اس کے اداروں کے خلاف زہریلا بیانیہ بنانے والے سوشل میڈیا اکاؤنٹس بیرون ملک سے چلتے ہیں، پاکستان سے باہر بیٹھ کر یہاں کی سیاست اور دیگر معاملات میں زہر ڈالنے کی کوشش کی جاتی ہے، بیرون ملک سے آپریٹ ہونے والے سوشل میڈیا کے یہ اکاؤنٹس لمحہ بہ لمحہ پاکستان کے خلاف بیانیہ بنانے میں مصروف ہیں، یہ بات واضح ہےکہ جو سوشل میڈیا پاکستان میں چل رہا ہے درحقیقت اس کے پیچھے بیرونی ہاتھ ہیں۔
ڈی جی آئی ایس پی آر کا کہنا تھا دہشتگردی پر تمام حکومتوں اور سیاسی پارٹیوں کا اتفاق ہےکہ اس کا حل نیشنل ایکشن پلان میں ہے، اس پلان کو عملی جامہ پہنانے کیلئے بلوچستان میں ایک مربوط نظام وضع کیا گیا جبکہ کے پی میں اس کی کمی نظر آتی ہے۔
لاہور، سکول جاتے ہوئے اغوا کی گئی 14 سالہ طالبہ چونگی امرسدھو کے علاقے سے بازیاب
مزید :.ذریعہ: Daily Pakistan
کلیدی لفظ: ایس پی
پڑھیں:
نور مقدم کیس میں جسٹس باقر کا نوٹ سوشل میڈیا پر موضوع بحث بن گیا
نور مقدم کیس میں سپریم کورٹ کے جسٹس علی باقر نجفی کا نوٹ سوشل میڈیا پر بحث کا موضوع بن گیا۔مجرم ظاہر جعفر کے ہاتھوں اس کی دوست نور مقدم کے اغوا، ریپ اور قتل کے مقدمہ میں جسٹس باقر نجفی نے مجرم کی سزائے موت کے خلاف اپیل مسترد ہونے سے متعلق ایک نوٹ تحریر کیا۔جسٹس علی باقر نجفی نے نوٹ میں لڑکے لڑکی کا بغیر نکاح کے ایک ہی گھر میں رہنا یا لیونگ ریلیشن شپ(Living Relationship) پاکستانی معاشرے کے لیے سنگین خطرہ قرار دیا۔نوٹ میں کہا گیا کہ لیونگ ریلشن شپ جو نہ صرف سماجی بگاڑ کا سبب بنتا ہے بلکہ اسلامی تعلیمات کے بھی منافی ہے، نور مقدم قتل کیس اس کی ایک بھیانک مثال ہے۔ جسٹس علی باقر نجفی کے نوٹ پر سوشل میڈیا پر بحث چھڑ گئی۔ پیپلز پارٹی کی رکن قومی اسمبلی شرمیلا فاروقی نے لکھا کہ کسی عورت کے قتل کو 'لیونگ ریلیشن شپ' کے نتیجے کے طور پر پیش کرنا نہ قانون ہے اور نہ ہی انصاف ہے، یہ واضح طور پر متاثرہ خاتون پر الزام تراشی ہے۔ پی ٹی آئی کی سابقہ رکن قومی اسمبلی بیرسٹر ملیکہ بخاری نے کہا کہ وہ جسٹس باقر نجفی کے مشاہدات پڑھ کر شدید صدمے میں ہیں۔ اعلیٰ عدالتوں میں بیٹھے ججوں کو اخلاقی تبصرے سے مکمل گریز کرنا چاہیے۔سیاسی کارکن ریحام خان نے لکھا کہ جسٹس نجفی شاید بھول گئے کہ قانونی شوہر بھی بیویوں کو بہیمانہ طریقے سے قتل کرتے ہیں۔سابق گورنر پنجاب سلمان تاثیر کی صاحبزادی سارا تاثیر نے لکھا کہ سب سے پہلے تو یہ سمجھنا چاہیے کہ یہ لِو ان ریلیشن شپ ہے، لیونگ ریلیشن شپ نہیں ہے۔سپرنٹنڈنٹ آف پولیس (ایس پی) اسلام آباد آمنہ بیگ نے اس معاملے سوشل میڈیا پر ردعمل دیا کہ نور مقدم لیونگ ریلیشن شپ میں نہیں تھی۔انہوں نے کہا کہ نور مقدم کو ظاہر جعفر نے اپنے ہاتھوں قتل کرنے سے پہلے 2 دن سے یرغمال بنارکھا تھا۔یاد رہےکہ نور مقدم کی لاش 20 جولائی 2021 کو اسلام آباد سے برآمد ہوئی تھی اور پولیس نے اسی دن مرکزی ملزم ظاہر جعفر کو جائے وقوعہ سے گرفتار کرلیا تھا۔
محمد وسیم جونیئر کا ناقابل یقین کیچ، ویڈیو وائرل