اوور 40 ٹی ٹوئنٹی ورلڈکپ: آسٹریلیا نے فائنل میں رسائی حاصل کرلی
اشاعت کی تاریخ: 29th, November 2025 GMT
آسٹریلیا نے اوور 40 ٹی ٹوئنٹی عالمی کپ کرکٹ ٹورنامنٹ کے فائنل میں رسائی حاصل کرلی۔
نیشنل بینک اسٹیڈیم کراچی پر کھیلے جانے والے پہلے سیمی فائنل میں آسٹریلیا نے جنوبی افریقا کو 5 وکٹوں سے شکست دے کر ٹائٹل پر نظریں مرکوز کرلیں۔
ناکام ٹیم پہلے بیٹنگ کرتے ہوئے 20 ویں اوور میں 151رنز پر آؤٹ ہوگئی۔
جواب میں آسٹریلیا نے 19ویں اوور میں 5 وکٹوں کے نقصان پر ہدف حاصل کرلیا۔
فاتح سائیڈ کے بریٹسن ایڈورڈز نے شاندار آل راؤنڈ کارکردگی کا مظاہرہ کرتے ہوئے 4 وکٹیں حاصل کرنے کے ساتھ 13 گیندوں پر 21 رنز بھیبنائے اور میچ کے بہترین کھلاڑی قرار پائے۔
ناصر 41، اسٹیف نوٹلی 28 اور اسٹیون پلسین 23 رنز کے ساتھ نمایاں رہے۔
دوسرا سیمی فائنل ایونٹ کی ناقابل شکست میزبان ٹیم پاکستان اور امریکاکے درمیان کھیلا جائے گا۔
.ذریعہ: Express News
کلیدی لفظ: آسٹریلیا نے
پڑھیں:
پاکستان میں آئی سی سی ایونٹس کے نشریاتی و ڈیجیٹل حقوق کا اعلان
انٹرنیشنل کرکٹ کونسل (آئی سی سی) نے اعلان کیا ہے کہ پاکستان میں 2027 تک ہونے والے تمام آئی سی سی ایونٹس کے نشریاتی اور ڈیجیٹل حقوق پاکستان ٹیلی ویژن کارپوریشن (پی ٹی وی) سمیت دیگر نجی میڈیا اور ڈیجیٹل اداروں کو دیے جا چکے ہیں۔
اس معاہدے کے بعد پاکستان بھر کے شائقین مردوں اور خواتین کی عالمی کرکٹ مقابلوں تک آسان رسائی حاصل کر سکیں گے۔ اس میں مینز کے تین سینئر ٹورنامنٹس، ویمنز کے دو سینئر ٹورنامنٹس اور انڈر 19 ایونٹس بھی شامل ہیں۔
آئی سی سی کے چیف ایگزیکٹو کے مطابق یہ معاہدہ پاکستان میں کرکٹ کی ترقی کا نیا اور دلچسپ دور ثابت ہوگا، اور شائقین کو عالمی معیار کے ایونٹس دیکھنے کا موقع فراہم کرے گا۔
معاہدے کے تحت پاکستان میں نشریات کے لیے شامل اہم ایونٹس یہ ہیں:
مینز ایونٹس:
آئی سی سی مینز ٹی ٹوئنٹی ورلڈکپ 2026
آئی سی سی ورلڈ ٹیسٹ چیمپئن شپ فائنل 2027
آئی سی سی مینز کرکٹ ورلڈکپ 2027
آئی سی سی انڈر 19 مینز کرکٹ ورلڈکپ 2026
ویمنز ایونٹس:
آئی سی سی ویمنز ٹی ٹوئنٹی ورلڈکپ 2026
آئی سی سی ویمنز ٹی ٹوئنٹی چیمپیئنز ٹرافی 2027
آئی سی سی انڈر 19 ٹی ٹوئنٹی ورلڈکپ 2027
یہ پارٹنرشپ نہ صرف کرکٹ کے شائقین کے لیے خوشخبری ہے بلکہ پاکستان میں مرد اور خواتین کرکٹ کی ترقی اور مقبولیت میں بھی اضافے کا باعث بنے گی۔
ضمنی الیکشن پرامن رہا، دنیا بھر میں انتخابات میں خلاف ورزیاں ہوتی ہیں، سکندر سلطان راجہ