گھا رو،قومی شاہراہ پر 2 کاروں میں تصادم،4 افراد جاں بحق
اشاعت کی تاریخ: 10th, January 2025 GMT
گھارو،ٹھٹھہ میں دو کاروں کے تصادم کے بعد آگ بھڑک اٹھی
گھا رو/ ٹھٹھہ(نمائندگان جسارت) دھابیجی کے قریب قومی شاہراہ پر تیز رفتار دو کاروں میں تصادم، چار افراد جاں بحق، دو افراد زخمی دھابیجی کے قریب مین قومی شاہراہ پر تیز رفتاری کے باعث دو کاروں کے درمیان خوفناک تصادم جس کے نتیجے میں دونوں گاڑیوں میں آگ لگ گئی۔ افسوسناک حادثے میں ایک خاتون سمیت چار افراد جاںبحق ہوگئے ہیں جبکہ دو افراد شدید زخمی ہیں۔ذرائع کے مطابق حادثہ اْس وقت پیش آیا جب دو کاریں تیز رفتاری کے باعث خود کر کنٹرول نہ رکھ پائیں اور آپس میں ٹکرا گئیں کاروں کے آپس میں ٹکرانے کے سبب دونوں گاڑیوں میں آگ لگ گئی، جس کے نتیجے میں موقع پر ایک خاتون یاسمین سمیت دو افراد امتیاز ، اظہار الحسن جاں بحق ہوگئے جبکہ شاہ ذین زخموں کی تاب نہ لاتے ہوئے بعد میں جاں بحق ہوگیا اور اس طرح مرنے والوں کی تعداد 4 ہوگئی۔حادثے میں جاںبحق اور زخمی ہونے والے افراد کو فوری طور پر رولر ہیلتھ سینٹر گھارو منتقل کیا گیا۔ جبکہ دو زخمیوں کی حالت انتہائی تشویشناک بتائی جا رہی ہے۔ یاد رہے روڈ کی تعمیر کے سلسلے میں ایک ٹریک بند ہے اور ایک ہی ٹریک پر دونوں طرف کی گاڑیاں چلائی جارہی ہیں۔
.
ذریعہ
ذریعہ: Jasarat News
پڑھیں:
اسحاق ڈار کی ایرانی وزیر خارجہ عباس عراقچی سے ملاقات، علاقائی امن و استحکام پر تبادلہ خیال
اسلام آباد نائب وزیراعظم اور وزیر خارجہ اسحاق ڈار نے شنگھائی تعاون تنظیم (SCO) کی وزرائے خارجہ کونسل کے اجلاس کے موقع پر ایران کے وزیر خارجہ عباس عراقچی سے ملاقات کی، جس میں دوطرفہ تعلقات، علاقائی صورتحال اور باہمی تعاون کے مختلف پہلوؤں پر تفصیلی تبادلۂ خیال کیا گیا۔
دفتر خارجہ کے ترجمان کے مطابق ملاقات کے دوران دونوں رہنماؤں نے خطے کی بدلتی ہوئی صورتحال کا جائزہ لیا اور پاکستان اور ایران کے درمیان قریبی، برادرانہ اور دیرینہ تعلقات کو مزید مضبوط بنانے کے عزم کا اعادہ کیا۔
ترجمان کے مطابق نائب وزیراعظم اسحاق ڈار نے حالیہ علاقائی کشیدگی پر گہری تشویش کا اظہار کرتے ہوئے خطے میں امن و استحکام کے لیے تمام متعلقہ فریقوں کے درمیان مؤثر مکالمے کی ضرورت پر زور دیا۔ انہوں نے کہا کہ موجودہ حالات میں تحمل، کشیدگی میں کمی اور مسلسل سفارتی روابط ہی مسائل کے پائیدار حل کی بنیاد بن سکتے ہیں۔
ملاقات کے دوران دونوں وزرائے خارجہ نے دوطرفہ تعاون کے فروغ، باہمی اعتماد میں اضافے اور مشترکہ مفادات کے شعبوں میں روابط کو مزید مستحکم بنانے پر بھی اتفاق کیا۔
دفتر خارجہ کے ترجمان کے مطابق اسحاق ڈار نے اسلام آباد مفاہمتی یادداشت (Islamabad MoU) کے تحت طے پانے والے نکات پر مؤثر عملدرآمد کی اہمیت پر بھی زور دیا اور دونوں ممالک کے درمیان مختلف شعبوں میں تعاون کو مزید وسعت دینے کی ضرورت پر زور دیا۔
ترجمان نے بتایا کہ پاکستان اور ایران کی قیادت خطے میں امن، استحکام اور باہمی تعاون کے فروغ کے لیے قریبی رابطے برقرار رکھنے پر متفق ہے، جبکہ دونوں ممالک نے دوطرفہ تعلقات کو مزید مضبوط بنانے کے عزم کا بھی اعادہ کیا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم