سوئی ناردرن کی گیس نرخوں میں 189 روپے اضافے کی درخواست
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
سوئی ناردرن گیس پائپ لائنز لمیٹڈ نے رواں مالی سال کے لیے گیس کی قیمتوں میں اوسطاً 189 روپے فی ایم ایم بی ٹی یو اضافے کی درخواست دے دی ہے۔
نجی ٹی وی کی رپورٹ کے مطابق ذرائع کا کہنا ہے کہ یہ درخواست آئل اینڈ گیس ریگولیٹری اتھارٹی (اوگرا) میں جمع کرائی گئی ہے، جس پر 7 نومبر کو سماعت مقرر کی گئی ہے۔
ذرائع کے مطابق کمپنی نے گیس کی اوسط قیمت 1 ہزار 955 روپے 50 پیسے فی ایم ایم بی ٹی یو مقرر کرنے کی تجویز دی ہے، جب کہ موجودہ اوسط قیمت 1 ہزار 766 روپے 50 پیسے ہے۔ اس حساب سے کمپنی نے 189 روپے فی ایم ایم بی ٹی یو اضافے کی منظوری مانگی ہے۔
درخواست میں 52 ارب 95 کروڑ روپے کے ریونیو شارٹ فال کا تخمینہ بھی پیش کیا گیا ہے۔ مزید بتایا گیا ہے کہ سوئی ناردرن نے ایل این جی سروس چارجز کی مد میں 316 روپے 64 پیسے فی یونٹ لاگت شامل کرنے کی بھی اجازت مانگی ہے۔
کمپنی کے مطابق قیمتوں میں یہ اضافہ ناگزیر ہے تاکہ مالی خسارے کو پورا کیا جا سکے اور گیس فراہمی کے نظام کو مستحکم رکھا جا سکے۔ تاہم، حتمی فیصلہ اوگرا سماعت کے بعد کرے گی۔
ذریعہ
ذریعہ: Jasarat News
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی