ماسٹر آئل انٹر کلب کرکٹ، ناظم آباد جم خانہ کی فتح
اشاعت کی تاریخ: 10th, January 2025 GMT
کراچی(اسپورٹس ڈیسک) ریجنل کرکٹ ایسوسی ایشن کراچی کے زیر اہتمام ماسٹر آئل لبریکینٹ کے تعاون سے منعقد کردہ ماسٹر آئل انٹر کلب کرکٹ ٹورنامنٹ میں گزشتہ روز مزید چار میچز کا فیصلہ ہو گیا۔ عباسی جیم خانہ گراؤنڈ پر کھیلے گئے پہلے میچ میں میں ناظم آباد جیم خانہ نے دوآب کرکٹ کلب کو 32 رنز سے ہرا دیا۔ ناظم آباد جیم خانہ نے پہلے بیٹنگ کرتے ہوئے 6 وکٹوں کے نقصان پر 251 رنز بنائے۔ حمزہ گھانچی نے شاندار بیٹنگ کرتے ہوئے 16 چوکوں 4 چھکوں کی مدد سے 104 ، علی ہاشمی نے 9 چوکوں ایک چھکے کی مدد سے 63 ، اور عبدل لطیف جو نیجو نے 32 رنز بنائے۔ سوباز سعید نے 2 وکٹ حاصل کئے۔ جواب دوآب کرکٹ کلب نے 8 وکٹو ں کے نقصان پر 219 رنز بنائے۔ کفایت زلباری نے 7 چوکوں 7 چھکوں کی مدد سے 86 ، وقاص اقبال نے 28 رنز بنائے۔ علی ہاشمی نے 3 جبکہ حمزہ گھانچی اور عبدل رحمان نے 2-2 کھلاڑیوں کو آوٹ کیا۔ اسٹوڈنٹس گراؤنڈ پر کھیلے گئے دوسرے میچ میں ایئرپورٹ جیمخانہ نے پاک مغل کرکٹ کلب کو 45 رنز سے ہرا دیا۔ ایئرپورٹ جیم خانہ نے 7 وکٹوں کے نقصان پر 255 رنز بنائے۔ حیدر علی نے 10 چوکوں کی مدد 86 ، شفیع اللہ نے 4 چوکوں کی مدد سے 51، عمیر شیخ نے 46، زبیر دلاور نے 30 رنز بنائے۔ محمد ثاقب نے 45 رنز دیکر 4 کھلاڑیوں کو آئوٹ کیا۔ جواب میں پاک مغل کرکٹ کلب 210 رنز بنا کر آوٹ ہوگئی۔ا حمد فاروق نے جارحانہ بولنگ کرتے ہوئے 5 اور عمیر شیخ نے 3 کھلاڑیوں کو آئوٹ کیا۔ تیسرے میچ میں بقائی گراؤنڈ پر بقائی ڈولفن نے محمد حسین جونیئر کرکٹ کلب کو 87 رنز سے ہرا دیا۔
.ذریعہ: Jasarat News
کلیدی لفظ: کی مدد سے
پڑھیں:
امریکی ناظم الامور نیٹلی بیکر کا سیلاب متاثرہ علاقوں کا دورہ
فوٹو سوشل میڈیاامریکی ناظم الامور نیٹلی بیکر نے قصور کے سیلاب سے متاثرہ علاقوں کا دورہ کیا۔
پاکستان میں امریکی سفارت خانہ کے جاری کردہ بیان کے مطابق نیٹلی بیکر نے قصور میں ریلیف کیمپوں میں متاثرہ خاندانوں اور ریسکیو ورکرز سے ملاقات کی۔
امریکی سفارتخانہ کے مطابق امریکی ناظم الامور نے سیلاب سے متاثرہ علاقوں میں بحالی کی کوششوں میں تعاون کی یقین دہانی کرائی۔
نیٹلی بیکر کی لاہور میں ریلیف کمشنر پنجاب نبیل جاوید سے بھی ملاقات ہوئی، امریکی ناظم الامور نے ہنگامی صورتحال پر امریکی امداد کو اجاگر کیا۔
نیٹلی بیکر نے کہا کہ قصور کی ضلعی انتظامیہ کی مربوط حکمت عملی سے انسانی زندگیوں کو محفوظ کیا گیا۔
امریکی سفارتخانہ کے مطابق امریکی ناظم الامور نے امدادی کارکنوں کی انتھک محنت کو خراج تحسین پیش کیا، امریکی ناظم الامو نے قصور میں ریسکیو، ریلیف اور بحالی کا ماڈل شاندار قرار دیا۔
امریکی ناظم الامور نے لاہور میں اپٹما کے اراکین سے بھی ملاقات کی۔ امریکی وفد نے نوجوان پروفیشنلز سے مختلف شعبوں میں تبادلہ خیال کیا۔
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت