قومی ایئر لائن کا یورپ کیلئے فلائٹ آپریشن ساڑھے 4 سال بعد بحال، پہلی پرواز پیرس روانہ
اشاعت کی تاریخ: 10th, January 2025 GMT
— فائل فوٹو
یورپی یونین کی پابندی کے خاتمے کے بعد قومی ایئر لائن کی پہلی پرواز اسلام آباد سے پیرس روانہ ہوگئی۔
قومی ایئر لائن کا یورپ کے لیے فلائٹ آپریشن ساڑھے 4 سال بعد بحال ہوا ہے۔ پرواز پی کے 749 نے 323 مسافروں کے ساتھ پیرس کے لیے اڑان بھری۔
فرانس میں پی آئی اے کے منیجر رضوان کے مطابق یہ پرواز اسی شام پیرس انٹرنیشنل چارلس ڈیگال ایئرپورٹ پر اترے گی۔
ترجمان کے مطابق مسافر ہفتے میں دو روز پیرس سے اسلام آباد اور اسلام آباد سے پیرس آیا جایا کریں گی۔
وزیرِ دفاع خواجہ آصف نے تقریب سے خطاب میں کہا کہ آج ہمارے لیے تاریخی دن ہے، قومی ایئر لائن کے منافع بخش روٹس بند ہوگئے تھے۔
چیف ایگزیکٹیو آفیسر (سی ای او) قومی ائیرلائن نے بتایا ہے کہ آئندہ سال قومی ائیرلائن کے بیڑے میں 8 طیارے شامل ہوں گے۔
انہوں نے کہا کہ پاکستان کی قومی ایئر لائن کی پروازوں کا یورپ کے مختلف ملکوں میں بتدریج آغاز کریں گے، چاہیں گے کہ قومی ایئرلائن کی نجکاری کی جائے۔
وزیرِ دفاع خواجہ آصف نے کہا کہ یورپ کی فضاوں میں ایک بار پھر سبز ہلالی پرچم لہرانا شروع ہوگیا ہے، برطانیہ کے لیے بھی قومی ایئر لائن کی براہ راست پروازوں کا اجرا جلد ہوگا۔
واضح رہے کہ معطلی مئی 2020 میں کراچی میں ہونیوالے پی آئی اے طیارہ حادثے کے بعد کی گئی تھی جس میں 97 افراد جاں بحق ہوئے تھے۔
اس کے بعد ایک سابق وزیر ہوا بازی کے بیان نے عالمی سطح پر تحفظات پیدا کیے تھے جس میں کہا گیا تھا کہ تقریباً 40 فیصد مقامی پائلٹس کے لائسنس مشکوک ہیں، اس کے نتیجے میں یورپی ریگولیٹرز نے پی آئی اے پر پابندی عائد کر دی تھی۔
.ذریعہ: Jang News
کلیدی لفظ: قومی ایئر لائن لائن کی
پڑھیں:
لاکھوں حجاج کرام حج مکمل، طواف الوداع کے لیے مکہ، پھر مدینہ روانہ
تینوں شیطانوں کی رمی کے ساتھ لاکھوں حجاج کرام کا حج مکمل ہوگیا۔ بہت سے حجاج کرام اتوار کی سہ پہر تشریق کے دوسرے دن تینوں جمرات پر کنکریاں پھینکنے کی رسم ادا کرتے رہے۔ انہوں نے یہ رسم ایک ایمان افروز ماحول میں متعلقہ حکام کی طرف سے ایک انتہائی منظم انداز میں ادا کی۔
نبی کریم ﷺکی روایت کے مطابق حجاج کرام نے ’اللہ اکبر‘ ک صدائیں بلند کرتے ہوئے پہلے جمرات الصغرا (چھوٹا ستون) پر کنکریاں برسائیں، پھر جمرات الوسط (درمیانے ستون) پر اور آخر میں جمرات العقبہ (سب سے بڑا ستون) پر سات، سات مرتبہ کنکریاں برسائیں۔
یہ بھی پڑھیے کامیاب حج سیزن پر سعودی ولی عہد شہزادہ محمد بن سلمان کا مملکت کو خراج تحسین
اس موقع پر دیکھا گیا کہ جمرات کے پل کے پار حجاج کی نقل و حرکت بہ سہولت تھی، وہ آسانی سے اپنے راستوں پر جا رہے تھے، چاہے وہ سنگساری کی رسم ادا کرنے جا رہے ہوں یا منیٰ میں اپنی رہائش گاہوں کی طرف، یا پھر طواف الوداع (الوداعی طواف) کرنے کے لیے مکہ مکرمہ رواں دواں ہوں۔
سنگساری کی رسومات کی انجام دہی کے بعد عازمین تیزی سے مکہ مکرمہ کی عظیم الشان مسجد الحرام کی طرف روانہ ہوئے تاکہ طواف الوداع ادا کیا جا سکے، جو کہ حج کا آخری فریضہ ہے۔
اخبار ’سعودی گزٹ‘ کے مطابق آج مسجد الحرام میں حجاج کرام کی بڑی تعداد پہنچی جو طواف الوداع کرنے کے لیے منیٰ سے مسجد نبوی مدینہ منورہ یا اپنے گھر جانے سے پہلے یہاں آئی تھی۔ عازمین کو اپنی زندگی میں ایک عظیم الشان روحانی سفر مکمل کرنے کے بعد غیر معمولی طور پر پرجوش موڈ میں دیکھا گیا۔
یہ بھی پڑھیے بہتر حج انتظامات، گرمی سے متاثرہ عازمین کی تعداد میں 90 فیصد کمی ریکارڈ
حجاج سنگساری کی رسم اور طواف الوداع کرنے کے لیے مکہ مکرمہ کی طرف منظم اور محفوظ انداز میں محو سفر رہے۔ منتظمین نے حجاج کی نقل و حرکت اور ان کی رسومات کی انجام دہی کے دوران بہترین حفاظت اور آرام کو یقینی بنانے کی تمام تر کوششیں کیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جمرات حج رمی طواف الوداع
مریم نفیس کا کرکٹر اعظم خان کے ساتھ کیا تعلق ہے؟ مداح جان کر حیران