راولپنڈی پولیس ،قوانین کی مختلف خلاف ورزیوں اور جرائم میں ملوث 36ملزمان گرفتار
اشاعت کی تاریخ: 10th, January 2025 GMT
راولپنڈی (اُردو پوائنٹ اخبارتازہ ترین - اے پی پی۔ 10 جنوری2025ء) راولپنڈی پولیس نے شہر بھر میں جرائم پیشہ افراد کے خلاف کارروائی کرتے ہوئے شراب سپلائی،غیرقانونی اسلحہ،چوری،ہوائی فائرنگ ،پتنگ فروشی اور کرایہ داری ایکٹ کی خلاف ورزی میں ملوث 36ملزمان گرفتارکر لئے ۔پولیس ترجمان کے مطابق ٹیکسلا پولیس نے کارروائی کرتے ہوئے چوری کی وارداتوں میں ملوث 3 رکنی گینگ کو گرفتار کر لیا۔
گرفتار ملزمان میں حکمت یار، عبدالودود اور اعجاز شامل ہیں،ملزمان سے مسروقہ رقم 50 ہزار روپے برآمدہوئی۔گوجر خان پولیس نے کارروائی کرتے ہوئے شادی کی تقریب میں فائرنگ کر کے شہری کو زخمی کرنے والے 2 ملزمان کو گرفتارکرلیا،گرفتار ملزمان میں آصف اور قمر الزمان شامل ہیں،ملزمان نے فائرنگ کر کے شہری ذیشان کو زخمی کر دیا تھا۔(جاری ہے)
صدر واہ پولیس نے کارروائی کرتے ہوئے 2پتنگ فروش عزیز اور عثمان اعظم کو گرفتار کرلیا، ملزم عزیز سے50پتنگیں جبکہ ملزم عثمان اعظم سے 45پتنگیں برآمد ہوئیں۔
وارث خان پولیس نے ملزم یاسر سے6لیٹر شراب، سول لائنز پولیس نے ملزم نوید سے 10لیٹر شراب، جاتلی پولیس نے ملزم سیدان حیدر سے10لیٹر شراب، دھمیال پولیس نے عامر وقاص سے6لیٹر شراب برآمد کرلی۔ ایئرپورٹ پولیس نے ملزم عماد سے ایک پستول 30 بور معہ ایمونیشن، ٹیکسلا پولیس نے ملزم اللہ دتہ سے 01 پستول 30 بور، ملزم محمد حسن سے 01 پستول 30 بور معہ ایمونیشن، گوجر خان پولیس نے ملزم مختار سے 01 رائفل 223 بور معہ ایمونیشن، جاتلی پولیس نے ملزم شہریاز احمد 01 پستول 30 بور معہ ایمونیشن برآمد کرلیا۔دریں اثناء سی پی او سید خالد ہمدانی کی ہدایت پر راولپنڈی پولیس نے مختلف علاقوں میں سرچ آپریشنز کئے، سرچ آپریشنز میں گھروں، کرایہ داروں کے کرایہ داری اور شہریوں کے کوائف کو چیک کیا گیا۔سرچ آپریشنز کے دوران راولپنڈی پولیس نے کرایہ داری ایکٹ کی خلاف ورزی کرنے والے 20ملزمان کو گرفتار کرلیا، گرفتار ملزمان میں آصف، شمعون، وقار احمد، شان حسین،طاہر، عمران، فضل خالق، اعجاز، زوار، اسحاق، آفاق، ساجد، حیدر، زبیر، عادل،جہانزیب، صداقت، شیر علی، رحمت اللہ اور حامد شامل ہیں۔ سی پی او سید خالد ہمدانی کا کہنا تھا کہ سرچ آپریشنز کا مقصد جرائم پیشہ و قانون شکن عناصر پر کڑی نظر رکھنا اور انہیں قانون کے کٹہرے میں لانا ہے، راولپنڈی پولیس شہریوں کی جان و مال کی حفاظت اور امن و امان کے قیام کے لئے ہمہ وقت مصروف عمل ہے۔.ذریعہ: UrduPoint
کلیدی لفظ: بور معہ ایمونیشن پولیس نے ملزم کو گرفتار
پڑھیں:
تھانہ ڈیرہ رحیم کی حدود 141/9L میں نابالغ بچے سے زیادتی کی کوشش
تھانہ ڈیرہ رحیم کی حدود 141/9L میں نابالغ بچے سے زیادتی کی کوشش WhatsAppFacebookTwitter 0 24 April, 2025 سب نیوز
ساہیوال کے علاقے تھانہ ڈیرہ رحیم کی حدود 141/9
میں نابالغ بچے سے زیادتی کی کوشش،پولیس نے واقعہ کا مقدمہ درج کر کے ایک ملزم کو گرفتار کر لیا،دیگر ملزمان کی گرفتاری کیلئے کوششیں جاری ۔ تھانہ ڈیرہ رحیم میں محمد انور ولد محمد رمضان کی مدعیت میں درج مقدمے کی تفصیلات کے مطابق 17اپریل کو رات 10بجے میرا بیٹا حسیب انور جس کی عمر 17سال ہے جو گھر کے باہر بیٹھا تھا اس دوران ملزم زبیر سائیکل پر آیا اور حسیب کو بھلا پھسلا کر چک141/9Lلے گیا ،جہاں دوسرا ملزم شانی جٹ اپنے ڈیرے پر موجود تھا جنہوں نے میرے بیٹے کو نشہ آور بوتل پلانے کی کوشش کی ،
انکار پر ملزمان نے اسلحہ کے زور پر زیادتی کی کوشش کی اور تشدد کا نشانہ بنایا،بچے کے شور کرنے پر مقامی افراد موقع پر پہنچے تو ملزمان فرار ہو گئے۔علاقہ مکینوں کا کہنا ہے کہ ملزمان پہلے بھی ایسے واقعات میں ملوث رہے ہیں جبکہ ملزمان کے بااثر ہونے کی وجہ سے پولیس انکی گرفتار ی میں ہچکچاہٹ کا شکار ہے،اعلی حکام واقعے کا نوٹس لے کر ملزمان کو فوری گرفتار کروائیں ۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپی آئی اے کی نجکاری: دوبارہ آغاز، اہم بریفنگ مخصوص میڈیا تک محدود چوہدری شفقت محمود کی تعیناتی نے فتح جنگ کو بدل کر رکھ دیا، عوامی اعتماد میں نمایاں اضافہ اٹک: معروف بزنس مین ملک جاوید اختر نے بیٹے کی شادی پر مستحقین میں لاکھوں روپے مالیت کے درجنوں پلاٹس مفت تقسیم کر دیے ایران میں 8 پاکستانیوں کے قتل کیخلاف پنجاب اسمبلی میں مذمتی قرارداد جمع پنجاب بھر میں آج سے گرمی میں شدید اضافے کا امکان، وارننگ جاری مُلک کیلیے اعزاز؛ ای سی او نے پاکستانی شہر کو سیاحتی دارالحکومت نامزد کردیا ملک بھر میں ہیٹ ویو کا خطرہ، مریم اورنگزیب کا عوام کے نام انتباہی پیغامCopyright © 2025, All Rights Reserved
رابطہ کریں ہمارے بارے ہماری ٹیم
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا