انجری کا شکار صائم ایوب چیمپیئنز ٹرافی ایونٹ کے لیے دستیاب ہوں گے یا نہیں؟
اشاعت کی تاریخ: 10th, January 2025 GMT
ٹخنے کی انجری کا شکار قومی کرکٹ ٹیم کے بیٹر صائم ایوب کا لندن میں علاج چل رہا ہے، جس کے باعث شائقین کرکٹ یہ سوال اٹھا رہے ہیں کیا وہ چیمپیئنز ٹرافی ایونٹ کے لیے دستیاب ہوں گے یا نہیں۔
صائم ایوب نے اس حوالے سے نجی ٹی وی سے گفتگو کرتے ہوئے کہا ہے کہ وہ چیمپیئنز ٹرافی ایونٹ میں شرکت کے حوالے سے ابھی کچھ نہیں کہہ سکتے۔
یہ بھی پڑھیں صائم ایوب صحتیاب ہورہے ہیں، میڈیکل رپورٹ آگئی
نوجوان کرکٹر نے کہاکہ میڈیکل پینل کے فیصلے کا انتظار ہے، میڈیکل رپورٹس کے بارے میں پی سی بی سے رابطہ کیا جا سکتا ہے۔
انہوں نے کہاکہ میں علاج کے لیے پاکستان کرکٹ بورڈ کے اقدامات سے مطمئن ہوں، مداحوں سے اپیل ہے کہ وہ دعاؤں میں یاد رکھیں۔
واضح رہے کہ قومی کرکٹر صائم ایوب جنوبی افریقہ کے خلاف دوسرے ٹیسٹ میچ میں ٹخنے کی انجری کا شکار ہوگئے تھے، جس کے بعد پی سی بی نے انہیں علاج کے لیے لندن بھجوایا ہے جہاں ان کا علاج چل رہا ہے۔
یہ بھی پڑھیں کسی کی رائے پر اعتبار نہیں، صائم ایوب کا پورا خیال رکھیں گے، محسن نقوی
یہ بھی یاد رہے کہ چیمپیئنز ٹرافی ایونٹ میں شامل دیگر ٹیموں کے اہم کھلاڑی بھی انجریز کا شکار ہیں، جس کے باعث ان کی ایونٹ میں شرکت مشکوک ہے۔ ان کھلاڑیوں میں پیٹ کمنز، جوش ہیزل ووڈ، جسپریت بمراہ، کلدیپ یادیو، سومیا سرکار، جیرالڈ کوٹزی اور لونگی نگیڈی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان کرکٹ بورڈ پی سی بی ٹخنے کی انجری چیمپیئنز ٹرافی ایونٹ صائم ایوب میڈیکل پینل وی نیوز.ذریعہ: WE News
کلیدی لفظ: پاکستان کرکٹ بورڈ پی سی بی ٹخنے کی انجری صائم ایوب وی نیوز صائم ایوب کا شکار کے لیے
پڑھیں:
پائیمک کا دوسرا ایڈیشن 3 سے 6 نومبر تک کراچی ایکسپو سینٹر میں منعقد ہوگا، وائس ایڈمرل محمد
data-id="863a0a8" data-element_type="widget" data-widget_type="theme-post-content.default">
251104-06-16
کراچی (کامرس رپورٹر) پاکستان انٹرنیشنل میری ٹائم ایگزیبیشن اینڈ کانفرنس 2025 کی تقریب کراچی ایکسپو سینٹر میں منعقد ہوئی۔ کمانڈر کراچی، وائس ایڈمرل محمد فیصل عباسی نے میڈیا کو آئندہ ایونٹ کے حوالے سے بریفنگ دی۔ انہوںنے بتایا کہ پائیمک کا دوسرا ایڈیشن 3 سے 6 نومبر 25 تک کراچی ایکسپو سینٹر میں منعقد ہوگا۔ پائیمک پاکستان کے بلیو اکانومی روڈ میپ کو آگے بڑھانے میں اہمیت رکھتا ہے۔اس ایونٹ میں دنیا کے تقریبا ہر خطے سے نمائندگی دیکھنے کو ملے گی۔ نمائش میں 28 بین الاقوامی فرموں اور 150 مقامی تنظیموں سمیت دنیا بھر سے 178 نمائش کنندگان شرکت کریں گے۔ یورپ، ایشیا، شمالی امریکہ، جنوبی امریکہ اور مشرق بعید کے 133 بین الاقوامی وفود بشمول برطانیہ، اٹلی، ایران، ترکی، کے ایس اے، آسٹریلیا، مصر اور چین جیسے 45 ممالک کے نمائندے بھی اس تقریب میں شرکت کریں گے۔ مقامی نمائش کنندگان کے علاوہ پائیمک میں سندھ اور بلوچستان کی حکومتوں کے پویلین بھی ہوں گے جو ملک کے بحری شعبے میں ممکنہ اور سرمایہ کاری کے مواقع کو ظاہر کریں گے۔ انہوںنے کہا کہ پائیمک وسیع سمندری نمائش، بزنس ٹو بزنس اور بزنس ٹو گورنمنٹ میٹنگز، مفاہمت کی یادداشتوں (ایم او یوز) پر دستخط اور میڈیا سے بات چیت کا احاطہ کرے گا۔ غیر ملکی مندوبین، اعلی سرکاری حکام، اور میری ٹائم اسٹیک ہولڈرز کے درمیان اعلی سطحی مصروفیات کا انعقادہوگاجن کا مقصد بندرگاہوں، جہاز رانی، ماہی پروری اور ساحلی ترقی سمیت اہم بحری شعبوں میں تعاون اور شراکت داری کو فروغ دینا ہے۔ نمائش کے ساتھ ساتھ چلتے ہوئے، نیشنل انسٹی ٹیوٹ آف میری ٹائم افیئرز (NIMA) کے زیر اہتمام انٹرنیشنل میری ٹائم کانفرنس (IMC)، ایک دو روزہ ایونٹ 4 سے 5 نومبر 25 تک منعقد کیا جائے گا۔ کانفرنس، کا موضوع “پائیدار ترقی کے لیے بلیو اکانومی پوٹینشل” ہوگا،چار سیشنز میں ممتاز قومی اور بین الاقوامی اسکالرز اور پیشہ ور افراد کے پیش کردہ 14 مقالے پیش کیے جائیں گے۔
پشاور میں ہسپانوی ثقافت کی جھلک، فلیمنکو رقص نے سماں باندھ دیا