بشریٰ بی بی کے خلاف سوشل میڈیا مہم کی شدید مذمت کرتا ہوں، عمران خان
اشاعت کی تاریخ: 11th, January 2025 GMT
بانی پی ٹی آئی عمران خان نے کہا ہے کہ میں واضح طور پر اس الزام کی تردید کرتا ہوں کہ اگر ہمارا مارچ سنگجانی پر رک جاتا تو میری رہائی پر اتفاق ہو گیا تھا۔ سنگجانی مسئلے جیسے تنازعات کو اصل مسائل سے توجہ ہٹانے کے لیے استعمال کیا گیا ہے۔ میں حکومت کے مذموم عزائم کو پوری طرح سمجھتا ہوں۔ میں بشریٰ بی بی کے خلاف سوشل میڈیا مہم کی شدید مذمت کرتا ہوں۔
بانی پی ٹی آئی عمران خان نے ایکس پوسٹ پر گزشتہ روز (10 جنوری) اڈیالہ جیل میں اپنے وکلا اور میڈیا کے نمائندوں سے گفتگو کا احوال درج کیا ہے۔ ان کا کہنا تھا کہ بشریٰ بی بی گھریلو اور معتدل خاتون ہیں جو مکمل نقاب پہنتی ہیں۔ صرف مجھ پر دباؤ ڈالنے کے لیے ان کے خلاف جھوٹے اور بے بنیاد مقدمات درج کیے گئے، القادر کیس بھی اسی مہم کا حصہ ہے۔ بشریٰ بی بی 3 ماہ تک بنی گالہ میں ہماری رہائشگاہ کے ایک کمرے میں قید رہیں۔ انہیں ہائیکورٹ میں ایک پٹیشن دائر کرنا پڑی جس میں ان کے ساتھ عام قیدیوں کی طرح سلوک کرنے کی درخواست کی گئی تھی۔
مزید پڑھیں: بشریٰ بی بی تحریک انصاف کے اندر کیا کردار ادا کر رہی ہیں؟
انہوں نے مزید کہا کہ اس کے بعد انہیں سخت ترین حالات میں اڈیالہ جیل میں 9 ماہ تک قید رکھا گیا جس کا ہم پر دباؤ ڈالنے کے علاوہ کوئی مقصد حاصل نہیں ہوا۔ بشریٰ بی بی کا کسی سے رابطہ نہیں رہا۔ اس کے برعکس کوئی بھی دعویٰ محض پروپیگنڈا ہے۔ ہماری مذاکراتی کمیٹی ان معاملات کو دیکھ رہی ہے۔ میں بشریٰ بی بی کے خلاف سوشل میڈیا مہم کی شدید مذمت کرتا ہوں۔
بانی پی ٹی آئی نے کہا کہ میں واضح طور پر اس الزام کی تردید کرتا ہوں کہ اگر ہمارا مارچ سنگجانی پر رک جاتا تو میری رہائی پر اتفاق ہو گیا تھا۔ سنگجانی مسئلے جیسے تنازعات کو اصل مسائل سے توجہ ہٹانے کے لیے استعمال کیا گیا ہے۔ میں حکومت کے مذموم عزائم کو پوری طرح سمجھتا ہوں۔
ساڑھے 3 سال تک وزیر اعظم کی حیثیت سے خدمات انجام دینے کے بعد، میں جانتا ہوں کہ وہ کس طرح کام کرتے ہیں۔ کارکنوں کے ساتھ اسلام آباد کے ڈی چوک تک پہنچنا بشریٰ بی بی کی فتح تھی اور میں اس کامیابی پر ان کی تعریف کرتا ہوں۔ انہوں نے صرف میری ہدایات پر عمل کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڈیالہ جیل بشریٰ بی بی سنگجانی عمران خان.ذریعہ: WE News
کلیدی لفظ: اڈیالہ جیل کرتا ہوں کے خلاف کے لیے
پڑھیں:
بھارت میں موٹرسائیکل پر 6 بچوں کو بٹھانے پر شہری کا 22 ہزار روپے کا چالان
data-id="863a0a8" data-element_type="widget" data-widget_type="theme-post-content.default">
نئی دہلی: بھارتی ریاست اتر پردیش میں ایک شہری کو موٹرسائیکل پر 6 بچوں کو بٹھانے پر بھاری جرمانہ کر دیا گیا جبکہ واقعے کی تصویر سوشل میڈیا پر وائرل ہونے کے بعد ٹریفک پولیس کی کارروائی زیرِ بحث آ گئی۔
غیر ملکی میڈیا رپورٹس کے مطابق یہ واقعہ ضلع ہاپوڑ کے علاقے گڑھ مکتیشور میں پیش آیا، جہاں ٹریفک پولیس معمول کی چیکنگ میں مصروف تھی، دورانِ چیکنگ ایک شخص موٹرسائیکل پر چھ بچوں کو بٹھائے گزر رہا تھا، جس پر اہلکاروں نے اسے روک کر 7 ہزار بھارتی روپے (تقریباً 22 ہزار 269 پاکستانی روپے) کا چالان کر دیا۔
پولیس کے مطابق شہری نے نہ صرف اپنی بلکہ معصوم بچوں کی جان کو بھی خطرے میں ڈالا، جس پر اس کے خلاف متعدد ٹریفک خلاف ورزیوں کے تحت کارروائی کی گئی،دلچسپ امر یہ ہے کہ چالان کے بعد پولیس اہلکاروں نے موٹرسائیکل سوار کے سامنے ہاتھ جوڑ لیے، جس کی تصویر سوشل میڈیا پر تیزی سے وائرل ہو گئی۔
پولیس حکام نے وضاحت دیتے ہوئے کہا کہ اہلکاروں کے ہاتھ جوڑنے کا مقصد شہریوں کو احساس دلانا اور سڑکوں پر احتیاط برتنے کی عوامی اپیل کرنا تھا، تاکہ لوگ اپنی اور دوسروں کی جانوں کو خطرے میں نہ ڈالیں۔
واقعے کے بعد سوشل میڈیا صارفین کی جانب سے مختلف آراء سامنے آئیں کچھ نے پولیس کے عمل کو عوامی بیداری کی مثبت کوشش قرار دیا جبکہ دیگر نے طنزیہ تبصرے کرتے ہوئے کہا کہ بھارت میں قانون توڑنے کے بعد بھی عزت افزائی ہو رہی ہے۔
امید ہے وزیر اعلیٰ خیبر پختونخوا سہیل آفریدی تعاون کی پیشکش کو قبول کریں گے، وزیر اعظم شہباز شریف