حج 2025 کے خواہشمند پاکستانی نژاد برطانوی شہریوں کیلئے حکومت کا بڑا اقدام
اشاعت کی تاریخ: 11th, January 2025 GMT
اسلام آباد (ڈیلی پاکستان آن لائن )حج کے خواہشمند افراد کیلئے پاکستانی پاسپورٹس کی پراسیسنگ اور تجدید ترجیحی بنیادوں پر جاری کرنے کا فیصلہ کیا گیا ہے۔
نجی ٹی وی جیونیوز کے مطابق وزیرداخلہ محسن نقوی کی خصوصی ہدایت پر پاکستان ہائی کمیشن لندن میں حاجیوں کیلئے بغیر پیشگی بکنگ کے پاسپورٹ اپلائی کرنے کی سہولت متعارف کرادی گئی۔
مانچسٹر، برمنگھم، گلاسگو اور بریڈ فورڈ میں قائم پاکستانی قونصل خانے بھی بغیر پیشگی بکنگ حاجیوں کیلئے یہ سہولت فراہم کریں گے۔
ذریعہ: Daily Pakistan
پڑھیں:
نیوزی لینڈ کرکٹ ٹیم کے سینٹرل کنٹریکٹس کا اعلان، پاکستانی نژاد کھلاڑی بھی شامل
نیوزی لینڈ کرکٹ بورڈ نے 2025-26 سیزن کے لیے سینٹرل کنٹریکٹس کا اعلان کردیا۔
پاکستانی نژاد آل راؤنڈر محمد عباس سمیت چار نئے چہروں کو پہلی مرتبہ سینٹرل کنٹریکٹس میں شامل کیا گیا ہے۔ وکٹ کیپر بیٹر مچ ہے، آل راؤنڈر زیک فولکس اور لیگ اسپنر آدی اشوک بھی پہلی بار سینٹرل کنٹریکٹ حاصل کرنے والوں میں شامل ہیں۔
ٹم ساؤتھی، اش سودھی، اجاز پٹیل اور جوش کلارکسن جیسے کھلاڑیوں کو اس سال معاہدہ نہیں دیا گیا، جبکہ کین ولیمسن، ڈیوون کونوے، فن ایلن، ٹم سیفرٹ اور لوکی فرگوسن جیسے کھلاڑیوں کے ساتھ وقتی معاہدوں پر بات چیت جاری ہے۔
محمد عباس نے رواں سال مارچ میں پاکستان کے خلاف اپنے ون ڈے ڈیبیو پر 26 گیندوں پر 52 رنز کی دھواں دار اننگز کھیل کر سب کو حیران کر دیا تھا، جو مردوں کے ون ڈے ڈیبیو پر تیز ترین نصف سنچری کا نیا عالمی ریکارڈ ہے، اسی میچ میں انہوں نے بولنگ کرتے ہوئے محمد رضوان کو آؤٹ کر کے پہلی ون ڈے وکٹ بھی حاصل کی تھی۔
24 سالہ مچ ہے نے پاکستان کے خلاف ون ڈے میچ میں 78 گیندوں پر ناقابل شکست 99 رنز بنا کر خود کو منوایا تھا، جبکہ سری لنکا کے خلاف ٹی ٹوئنٹی ڈیبیو پر ایک میچ میں 6 شکار کر کے عالمی ریکارڈ بھی قائم کیا تھا۔
زیک فولکس نے گزشتہ سال پاکستان کے خلاف ٹی ٹوئنٹی ڈیبیو کیا تھا اور بعد میں نومبر میں ون ڈے میں بھی نمائندگی کی۔ آدی اشوک نے 2023 میں ڈیبیو کیا تھا اور حالیہ دنوں میں بنگلہ دیش اے کے خلاف میچ میں 5 وکٹیں لے کر سلیکٹرز کی توجہ حاصل کی۔
نیوزی لینڈ کرکٹ کے چیف ایگزیکٹو اسکاٹ ویننک نے نوجوان کھلاڑیوں کی شمولیت کو مستقبل کے لیے نیک شگون قرار دیا ہے۔ ان کا کہنا تھا کہ یہ کھلاڑی نہ صرف باصلاحیت ہیں بلکہ ان میں بلند حوصلہ اور قومی ٹیم کی نمائندگی کا جذبہ بھی موجود ہے۔ ان کے مطابق نئے معاہدے نیوزی لینڈ کرکٹ کے روشن مستقبل کی عکاسی کرتے ہیں۔
نیوزی لینڈ کرکٹ بورڈ کے مطابق معاہدوں کا انتخاب مکمل ڈیٹا اور کھلاڑیوں کی حالیہ کارکردگی کو مدِنظر رکھ کر کیا گیا ہے اور یہ فہرست آئندہ مصروف سیزن، خصوصاً ٹی ٹوئنٹی ورلڈ کپ 2026 کو دیکھتے ہوئے ترتیب دی گئی ہے۔
محکمہ موسمیات کی جانب سےبارشوں سے متعلق اہم خبر آ گئی