مریم نواز کے پاس جانور کا علاج ہے تو پلیٹ لیٹس گرنے کا علاج بھی ہوگا
اشاعت کی تاریخ: 11th, January 2025 GMT
لاہور ( اردوپوائنٹ اخبار تازہ ترین ۔ 11 جنوری 2025ء ) مہر بانو قریشی کا کہنا ہے کہ مریم نواز کے پاس جانور کا علاج ہے تو پلیٹ لیٹس گرنے کا علاج بھی ہوگا۔ تفصیلات کے مطابق وزیر اعلٰی مریم نواز کی جانب سے مخالف سیاسی جماعتوں کا علاج کرنے کے بیان پر سابق وزیر خارجہ شاہ محمود قریشی کی صاحبزادی مہر بانو قریشی کی جانب سے ردعمل دیا گیا ہے۔ اپنے ردعمل میں مہر بانو قریشی نے کہا کہ مریم نواز کے پاس جانور کا علاج ہے تو پلیٹ لیٹس گرنے کا علاج بھی ہوگا شاید انہیں پھر سے پلیٹ لیٹس گرنے کے علاج کی ضرورت پڑ جائے، جسے وہ علاج کہتی ہیں اسے ہم فسطائیت اور قانون کا گلا گھونٹنا کہتے ہیں۔
مریم صاحبہ خود جعلی مینڈیٹ پر بیٹھی ہیں پھر بھی سیاسی جماعتوں کو دھمکیاں دیتی ہیں۔ مہر بانو قریشی نے مزید کہا کہ اس ملک میں صرف ایک علاج کی ضرورت ہے اور وہ ہے انصاف۔(جاری ہے)
چاہے وہ مینڈیٹ کا انصاف ہو یا جن لوگوں کو غیر قانونی طور پر قید میں رکھا گیا ہے ان کو عدالت کے ذریعے انصاف فراہم کرنا ہو، سارے کیسز صرف سیاسی انتقام کے ہیں، غیر شفافیت اور الیکشن کا فریب پاکستان میں معمول بنتا جا رہا ہے، ایسا چلتا رہا تو پاکستان میں آنے والا ہر الیکشن فریب ہو گا۔
واضح رہے کہ حال ہی میں ”چیف منسٹر مریم نوازشریف لائیوسٹاک کارڈ“ کی لانچنگ کی تقریب سے خطاب کرتے ہوئے وزیراعلیٰ مریم نوازشریف نے کہا تھا کہ بعض جانوروں کو ہی نہیں بعض انسانوں کو بھی منہ کھر بیماری ہوتی ہے۔ منہ کھلتا ہے تو گالم گلوچ کے سواکوئی بات نہیں کرتے۔.
ذریعہ: UrduPoint
کلیدی لفظ: تلاش کیجئے مریم نواز کا علاج
پڑھیں:
سیریز جیتنے پر وزیر اعظم اور وزیر اعلیٰ پنجاب کی قومی ٹیم کو مبارکباد
وزیر اعظم شہباز شریف اور وزیر اعلیٰ پنجاب مریم نواز نے قومی ٹیم کو جنوبی افریقا کے خلاف ٹی ٹوئنٹی سیریز جیتنے پر مبارکباد پیش کی ہے۔ سماجی رابطے کی ویب سائٹ ایکس پر جاری پیغام میں وزیر اعظم شہباز شریف نے قومی ٹیم کی شاندار کارکردگی پر چیئرمین پی سی بی اور ٹیم کی تعریف کی۔ وزیر اعلیٰ پنجاب مریم نواز نے مبارکباد دیتے ہوئے کہا کہ جنوبی افریقا کے خلاف ٹی ٹوئنٹی سیریز میں شاندار کامیابی پوری قوم کے لیے باعث فخر ہے۔ مریم نواز کا کہنا تھا کہ قومی ٹیم نے جیت کے لیے جس عزم، محنت اور اتحاد کا مظاہرہ کیا، وہ قابل تحسین ہے۔ امید ہے کرکٹ ٹیم وننگ ٹریک کو برقرار رکھے گی۔ یاد رہے کہ گزشتہ رات کھیلے گئے تیسرے ٹی ٹوئنٹی میچ میں پاکستان نے جنوبی افریقا کو 4 وکٹوں سے شکست دے کر تین مچیز کی سیریز 1-2 سے اپنے نام کرلی۔
کنڈی کا وزیراعظم کو خط ، گندم کی بین الصوبائی ترسیل پر پابندیاں ختم کرنے کا مطالبہ