طالبان خواتین کو انسان نہیں سمجھتے، تعلیم کا حق چھین رکھا ہے: ملالہ یوسفزئی
اشاعت کی تاریخ: 12th, January 2025 GMT
ویب ڈیسک: نوبیل انعام یافتہ ملالہ یوسفزئی کا کہنا ہے کہ طالبان خواتین کو انسان نہیں سمجھتے، انہوں نے ایک دہائی سے خواتین کو تعلیم سے محروم کر رکھا ہے۔
مسلم معاشروں میں لڑکیوں کی تعلیم، مواقع اورچیلنجز کے عنوان پر عالمی کانفرنس سے خطاب کرتے ہوئے ملالہ یوسفزئی کا کہنا تھا پاکستان سے میں نے اپنا سفرشروع کیا اورمیرا دل ہمیشہ پاکستان میں رہتا ہے۔
ان کا کہنا تھا دنیا میں120 ملین لڑکیاں اسکول نہیں جا سکتیں جبکہ پاکستان میں ساڑھے 12 ملین لڑکیاں اسکول نہیں جاتیں۔
لاہور جنرل ہسپتال میں10سالہ بچی کی کامیاب برونکو سکوپی،والدین کااظہار تشکر
ان کا کہنا تھا مسلم ورلڈ لیگ کا شکریہ جنہوں نے ہمیں یہاں اکٹھا کیا، غزہ میں اسرائیل نے پورا تعلیمی نظام تباہ کر دیا۔
ملالہ یوسفزئی کا کہنا تھا اس کانفرنس کا مقصد پورا نہیں ہوگا اگر ہم افغان لڑکیوں کی تعلیم کی بات نہ کریں، ایک دہائی سے طالبان نے خواتین سے تعلیم کا حق چھین رکھا ہے، طالبان نے خواتین کے حقوق چھیننے کیلیے 100 سے زائد قانون سازیاں کی ہیں، طالبان خواتین کو انسان نہیں سمجھتے۔
ایس آئی ایف سی کی سہولت کاری سے غیر ملکی سرمایہ کاری کا فروغ
نوبیل انعام یافتہ ملالہ یوسفزئی کا کہنا تھا دنیا کے رنگوں میں پاکستانی لڑکیوں کا حصہ بھی درکارہے، ہرلڑکی کا حق ہے کہ وہ 12 سال کیلئے اسکول جائے۔
سیکرٹری جنرل مسلم ورلڈ لیگ نے ملالہ یوسفزئی کو اعزازی شیلڈ بھی دی۔
ذریعہ: City 42
کلیدی لفظ: کا کہنا تھا خواتین کو
پڑھیں:
سیاحوں کی گاڑی گھائی میں گرگئی
سٹی 42 : اورکزئی میں سیاحوں کی گاڑی گہری کھائی میں گرنے سے 1 بچی اور 2 خواتین جاں بحق ہو گئیں۔
پولیس کے مطابق سوزوکی وین کھائی میں گرنے سے 1 بچی اور 2 خواتین جاں بحق ہو گئی ہے، جبکہ حادثے میں 2 خواتین اور 2 بچے شدید زخمی ہو گئے ہیں۔
ڈی سی عرفان الدین کا کہنا ہے کہ زخمیوں کو فوری علاج کیلئے کوہاٹ ہسپتال منتقل کر دیا گیا ہے، بدقسمت خاندان کوہاٹ سے لویر اورکزئی عید پیکنک منانے جا رہے تھے، ڈرائیور نے پہاڑی پر گاڑی کھڑی کی جو خود روانہ ہوکرکھائی میں گر گئی ۔
نیشنل اکیڈمی کو جدید بنانا میرا سب سے بڑا مقصد ہے: عاقب جاوید
حکومت کا غیرقانونی مقیم غیرملکیوں کے خلاف کریک ڈاؤن تیز کرنے کا فیصلہ