افغانستان کا آئی سی سی چیمپیئنز ٹرافی کے لیے قومی اسکواڈ کا اعلان
اشاعت کی تاریخ: 12th, January 2025 GMT
افغانستان کرکٹ بورڈ (اے سی بی) نے پاکستان اور متحدہ عرب امارات میں 19 فروری سے 9 مارچ 2025 تک ہونے والی آئی سی سی چیمپئنز ٹرافی کے لیے حشمت اللہ شاہدی کی قیادت میں 15 رکنی اسکواڈ کا اعلان کردیا ہے۔ ابراہیم زدران کی واپسی، صدیق اللہ اٹل شامل، مجیب الرحمان ٹیم سے باہرہو گئے ہیں۔
اتوار کو افغانستان کے کرکٹ بورڈ کی جانب سے افغانستان نے 50 اوورز کے فارمیٹ میں چیمپیئنز ٹرافی 2025 کے لیے ایک مضبوط ٹیم اسکواڈ کا اعلان کیا ہے، یہ وہ اسکواڈ ہے جس نے 2023 کے ون ڈے ورلڈ کپ میں انتہائی عمدہ کارکردگی دکھائی تھی۔ اس اسکواڈ میں شامل بہترین بلے بازوں اور بولرز نے انگلینڈ، سری لنکا اور پاکستان جیسی سابق 3 سابق عالمی چیمپیئن ٹیموں کو شکست دی تھی۔
حشمت اللہ شاہدی 2023 کے ون ڈے ورلڈ کپ میں شاندار کپتانی کے بعد افغانستان کی قومی کرکٹ ٹیم کی قیادت جاری رکھیں گے۔ ٹاپ آرڈر بلے بازابراہیم زدران ٹخنے کی انجری سے صحت یاب ہونے کے بعد ٹیم میں واپس آگئے ہیں۔
افغانستان کی ایمرجنگ ایشیا کپ جیت میں متاثرکن کارکردگی کا مظاہرہ کرنے والے صدیق اللہ اٹل کو بھی ٹیم میں شامل کیا گیا ہے۔ تاہم جادوئی اسپنرمجیب الرحمان سلیکشن سے محروم ہوگئے ہیں۔ آئی سی سی چیمپئنز ٹرافی 2025 کا آغاز 19 فروری سے پاکستان میں ہوگا۔
زمبابوے کے خلاف حالیہ ون ڈے سیریز میں پلیئر آف دی سیریز کا اعزاز حاصل کرنے والے صدیق اللہ اٹل بھی اسکواڈ میں شامل ہیں جنہوں نے ایک سینچری اور ایک نصف سینچری سمیت 156 رنز بنائے۔
اے سی بی کے چیئرمین میرویس اشرف نے ٹیم کی بھرپور فارم اور ان کی کارکردگی پراعتماد کا اظہار کیا۔ انہوں نے کہا کہ افغانستان نے گزشتہ 2 آئی سی سی ایونٹس غیر معمولی کارکردگی کا مظاہرہ کیا ہے۔
انہوں نے پاکستان کے سابق کپتان یونس خان کو ٹیم کا مینٹور مقرر کرنے کا بھی اعلان کیا۔ انہوں نے مزید کہا کہ گزشتہ 2 ایونٹس میں کامیابی کے پیش نظرہم یونس خان کے وسیع بین الاقوامی تجربے سے فائدہ اٹھانے کے منتظر ہیں۔
عبوری چیف سلیکٹر احمد سلیمان خیل نے مجیب الرحمان کی ٹیم سے غیر موجودگی کی وضاحت کی۔ انہوں نے کہا کہ مجیب سلیکشن کے لیے دستیاب نہیں تھے کیونکہ ان کے ڈاکٹر نے انہیں ون ڈے میں واپسی سے قبل مکمل صحت یابی کو یقینی بنانے کے لیے ٹی 20 پر توجہ مرکوز کرنے کا مشورہ دیا تھا۔ یہی وجہ ہے کہ وہ زمبابوے کے خلاف حالیہ سیریز سے بھی باہر ہوگئے تھے۔
انہوں نے ٹورنامنٹ کے لیے ٹیم کی تیاریوں پر زور دیتے ہوئے کہا کہ ہم ٹورنامنٹ سے قبل متعدد مرحلوں میں تیاری کیمپ لگائیں گے۔ توقعات بہت زیادہ ہیں اور مجھے امید ہے کہ ٹیم مضبوط کارکردگی کا مظاہرہ کرے گی جیسا کہ انہوں نے گزشتہ 2 ورلڈ کپ میں کیا تھا۔
آئی سی سی چیمپیئنزٹرافی 2025 کے لیے افغانستان کا اسکواڈآئی سی سی چیمپیئنز ٹرافی کے لیے حشمت اللہ شاہدی (کپتان)، رحمت شاہ (نائب کپتان)، رحمان اللہ گرباز (وکٹ کیپر)، اکرام علی خیل (وکٹ کیپر)، ابراہیم زدران، صدیق اللہ اٹل، عظمت اللہ عمرزئی، محمد نبی، گلبدین نائب، راشد خان، اے ایم غضنفر، نور احمد، فضل حق فاروقی، نوید زدران اور فرید احمد ملک شامل ہیں۔
ریزروکھلاڑیوں میں درویش رسولی، ننگیال کھروٹی، بلال سمیع شامل ہیں
افغانستان کو گروپ مرحلے میں سخت مقابلوں کا سامنا کرنا پڑے گا، آئی سی سی کی جانب سے جاری شیڈول کے مطابق افغانستان کو21 فروری کو کراچی میں جنوبی افریقہ کے خلاف میدان میں اترنا ہوگا۔
افغانستان کا دوسرا میچ26 فروری کو لاہور میں انگلینڈ کے خلاف تیسرا میچ 28 فروری کو لاہور میں آسٹریلیا کے خلاف ہوگا۔
سیمی فائنلز 4 اور 5 مارچ کو دبئی اورلاہور میں شیڈول ہیں جبکہ فائنل 9 مارچ کو لاہور یا دبئی میں کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: انہوں نے کے خلاف کہا کہ کے لیے
پڑھیں:
آئی سی سی ٹی20 انٹرنیشنل رینکنگ جاری، ٹاپ 10 میں کتنے پاکستانی کرکٹر شامل؟
بھارتی اسپنر ورون چکرورتی آئی سی سی مینز ٹی20 انٹرنیشنل بولنگ رینکنگ میں پہلی پوزیشن حاصل کرنے والے تیسرے بھارتی کھلاڑی بن گئے ہیں۔
اس سے قبل ان کی بہترین رینکنگ دوسری پوزیشن تھی جو انہوں نے فروری 2025 میں حاصل کی تھی۔ انہوں نے نیوزی لینڈ کے جیکب ڈفی کو پیچھے چھوڑا جو مارچ سے سرفہرست تھے۔
دوسری جانب آئی سی سی کی رینکنگ میں ٹاپ 10 میں کوئی بھی پاکستانی کرکٹر شامل نہیں۔
یہ بھی پڑھیں: ایشیا کپ کے ٹی20 مرحلے میں بننے والے اہم ریکارڈ، پاکستانی کھلاڑی کہیں موجود نہیں
آئی سی سی اعلامیے کے مطابق، ورون چکرورتی نے متحدہ عرب امارات میں جاری ایشیا کپ کے ابتدائی 2 میچز میں شاندار کارکردگی دکھاتے ہوئے یہ اعزاز اپنے نام کیا۔
Varun Chakaravarthy becomes new No. 1 in ICC Men’s T20I Bowling Rankings
Read ???? https://t.co/etfpV0XWVk pic.twitter.com/101umu4Pjm
— CricTracker (@Cricketracker) September 17, 2025
34 سالہ چکرورتی نے تیز گیند باز جسپریت بمراہ اور لیگ اسپنر روی بشنوئی کے بعد یہ کارنامہ سرانجام دیا۔
انہوں نے متحدہ عرب امارات کے خلاف 2 اوورز میں صرف 4 رنز دے کر ایک وکٹ لی جبکہ پاکستان کے خلاف 4 اوورز میں 24 رنز کے عوض ایک کھلاڑی کو آؤٹ کیا۔ اس کارکردگی کی بدولت وہ 3 درجے ترقی پاکر پہلے نمبر پر پہنچے۔
ایشیا کپ میں شریک دیگر کھلاڑیوں نے بھی رینکنگ میں ترقی کی ہے۔
مزید پڑھیں: ایشیا کپ: یو اے ای نے عمان کو 42 رنز سے شکست دے دی
سری لنکا کے نوان توشارا چھٹے نمبر پر آگئے ہیں جبکہ پاکستان کے صوفیان مقیم چار درجے ترقی کے ساتھ 11ویں، اور ابرار احمد 11 درجے اوپر جاکر اپنے کیریئر کی بہترین 16ویں پوزیشن پر پہنچ گئے ہیں۔
بھارت کے اکشر پٹیل 12ویں، کلدیپ یادیو 23ویں اور افغانستان کے نور احمد 25ویں نمبر پر آگئے ہیں۔
تیز گیند بازوں میں بھی نمایاں بہتری آئی ہے، بھارت کے جسپریت بمرا 40ویں اور بنگلہ دیش کے تنظیم حسن 42ویں نمبر پر آگئے ہیں۔
مزید پڑھیں: ایشیا کپ، پاکستان آج یو اے ای کے خلاف میچ کھیلے گا یا نہیں؟ معاملہ سنگین ہوگیا
انگلینڈ کے جوفرا آرچر 13ویں اور جنوبی افریقہ کے مارکو یانسن 38ویں پوزیشن پر پہنچ گئے ہیں۔
بیٹنگ رینکنگ میں بھارت کے اوپنر ابھشیک شرما نے اپنی پہلی پوزیشن مزید مستحکم کرلی ہے، متحدہ عرب امارات کے خلاف 16 گیندوں پر 30 رنز اور پاکستان کے خلاف 13 گیندوں پر 31 رنز کی بدولت ان کے ریٹنگ پوائنٹس 884 ہوگئے ہیں۔
انگلینڈ کے اوپنرز فل سالٹ اور جوز بٹلر بھی ایک ایک درجہ ترقی کے بعد بالترتیب دوسرے اور تیسرے نمبر پر پہنچ گئے ہیں۔ سالٹ نے جنوبی افریقہ کے خلاف 60 گیندوں پر ناقابلِ شکست 141 رنز بنائے جو انگلینڈ کی جانب سے سب سے بڑی اور تیز ترین سنچری ہے۔
مزید پڑھیں: میچ ریفری اینڈی پائی کرافٹ کے خلاف کارروائی کی جائے، پی سی بی نے آئی سی سی کو ایک اور خط لکھ دیا
بٹلر نے اسی میچ میں 30 گیندوں پر 83 رنز بنائے اور پہلی بار ٹاپ 3 میں شامل ہوئے۔
دیگر بیٹسمینوں میں سری لنکا کے پاتھم نسانکا چھٹے، جنوبی افریقہ کے ڈیوالڈ بریوس 11ویں، افغانستان کے رحمان اللہ گرباز 19ویں، متحدہ عرب امارات کے محمد وسیم 20ویں نمبر پر آچکے ہیں۔
اس طرح جنوبی افریقہ کے ایڈن مارکرم 30ویں، بھارت کے شبمن گل 39ویں اور پاکستان کے صاحبزادہ فرحان 55ویں نمبر پر آگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ابرار احمد ابھشیک شرما افغانستان انگلینڈ ایشیا کپ بھارت ٹی20 جسپریت بمرا جنوبی افریقہ جوفرا آرچر رینکنگ کرکٹ ورون چکرورتی
کرینہ کپور کے دلچسپ جواب پر مداحوں میں چہ میگوئیاں