قومی اسبملی کے اجلاس کا 10 نکاتی ایجنڈا جاری
اشاعت کی تاریخ: 12th, January 2025 GMT
سیکریٹری جنرل قومی اسمبلی سیکرٹریٹ نے اسپیکر ایاز صادق کی صدارت میں قومی اسمبلی کے پیر کو ہونے والے اجلاس کا ایجنڈا جاری کر دیا ہے، جس کے تحت اجلاس پیر کی شام 5 بجے اسمبلی ہال میں شروع ہو گا۔
اتوار کو جاری ہونے والے ایجنڈے کے مطابق تلاوت قرآن پاک، نعت و قومی ترانہ کے بعد علیحد و فہرست میں درج سوالات دریافت کیے جائیں گے اور ان کے جوابات دیےجائیں گے۔
ایجنڈے کے مطابق سید امین الحق، احمد سلیم صدیقی، سید حفیظ الدین، فرحان چشتی اور سید وسیم حسین وزیر برائے داخلہ کی توجہ عوام میں گہری تشویش کا باعث بننے والے فوری عوامی اہمیت کے معاملہ کی جانب دلائیں گے جو ملک میں انسانی اسمگلنگ مافیا کے خلاف مناسب اقدامات نہ کرنے سے متعلق ہے۔
ایجنڈے کے مطابق وزیر برائے انسانی حقوق قومی کمیشن برائے انسانی حقوق سینیٹر اعظم نذیر تارڑ ایکٹ 2012 میں ترمیم کرنے کا بل قومی کمیشن برائے انسانی حقوق (ترمیمی بل 2025 پیش کریں گے۔
ایجنڈے کے مطابق قانون سازی میں سینیٹر اعظم نذیر تارڑ تحریک پیش کریں گے کہ قومی کمیشن برائے مقام خواتین ایکٹ 2012 میں مزید ترمیم کرنے کا بل (قومی کمیشن برائے مقام خواتین (ترمیمی) بل 2024) قائمہ کمیٹی کی رپورٹ کردہ صورت میں فی الفور زیر غور لایا جائے اور منظور کیا جائے۔
ایجنڈے کے مطابق قومی اسمبلی کے سامنے رکھے جانے والے کا غذات میں سینیٹر محمد اور نگزیب وزیر برائے خزانہ و محاصل اسلامی جمہوریہ پاکستان کے دستور کے آرٹیکل 160 کی شق (3 ب) کی مقتضیات کے مطابق مدت برائے جنوری تا جوان2022 کی بابت دوسرے این ایف سی ایوارڈ کی تعمیل کی بات دوسری ششماہی نگرانی رپورٹ قومی اسمبلی کے سامنے رکھیں گے۔
ایجنڈے کے مطابق سینیٹر اعظم نذیر تارڑ 24 اپریل 2024 کو پیش کردہ تحریک پر مزید بحث اور دونوں ایوانوں کے مشترکہ اجلاس سے صدر پاکستان کے خطاب پر تحریک تشکر بھی پیش کریں گے۔
ایجنڈے کے مطابق نکتہ ہائے اعتراض کے علاوہ معاملات بھی اٹھائے جائیں گے جبکہ توجہ دلاؤ نوٹس میں صاحبزادہ صبغت الله وزیر برائے قومی صحت خدمات، ضوابط و معاونت کی توجہ عوام میں گہری تشویش کا باعث بننے والی فوری عوامی اہمیت کے معاملہ کی جانب دلائیں گے جو دارالحکومتی علاقہ اسلام آباد میں نجی تعلیمی اسپتالوں بالخصوص ٹرسٹ اسپتالوں کی جانب سے پاکستان میڈیکل اینڈ ڈینٹل کونسل (پی ایم ڈی سی ) کے ضوابط کی مقتضیات کے مطابق ضرورت مند افراد کو مفت اور رعایتی علاج معالجہ فراہم کرنے میں ناکامی سے متعلق ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اجلاس اسپیکر اسلام اباد اعظم ایاز بل پاکستان میڈیکل کونسل پی ایم ڈی سی تارڑ تحریک توجہ دلاؤ نوٹس سینیٹر صادق صبغت اللہ علاج قومی اسمبلی معالجہ نذیر وقفہ سوالات.ذریعہ: WE News
کلیدی لفظ: اجلاس اسپیکر اسلام اباد ایاز پی ایم ڈی سی تارڑ تحریک توجہ دلاؤ نوٹس سینیٹر صبغت اللہ علاج قومی اسمبلی معالجہ قومی اسمبلی
پڑھیں:
ایجادات کرنے والے ممالک کی فہرست جاری، جانئے پاکستان کا کونسا نمبر ہے؟
data-id="863a0a8" data-element_type="widget" data-widget_type="theme-post-content.default">
اقوام متحدہ کے سالانہ گلوبل انوویشن انڈیکس میں چین پہلی بار دنیا کے ٹاپ 10 ایجادات کرنے والے ممالک میں شامل ہوگیا ہے۔ چین نے جرمنی کو پیچھے چھوڑتے ہوئے 10واں نمبر حاصل کیا، جس کی بڑی وجہ چینی کمپنیوں کی جانب سے تحقیق و ترقی میں بھاری سرمایہ کاری ہے۔
فہرست میں سوئٹزر لینڈ بدستور پہلے نمبر پر ہے، جو 2011 سے مسلسل اس پوزیشن پر قابض ہے۔ سویڈن دوسرے، امریکا تیسرے نمبر پر ہے، جبکہ ایشیا میں سب سے نمایاں ملک جنوبی کوریا ہے جو چوتھے نمبر پر آیا۔ اس کے بعد سنگاپور پانچویں، برطانیہ چھٹے، فن لینڈ ساتویں، نیدرلینڈز آٹھویں اور ڈنمارک نویں نمبر پر رہے۔
انڈیکس کے مطابق چین تحقیق و ترقی پر سب سے زیادہ سرمایہ لگانے والے ملک بننے کے قریب ہے۔ صرف 2024 میں دنیا بھر کی 25 فیصد بین الاقوامی پیٹنٹ درخواستیں چین سے جمع کرائی گئیں، جبکہ امریکا، جاپان اور جرمنی کی مجموعی درخواستیں 40 فیصد رہیں جو ماضی کے مقابلے میں کم ہیں۔
پیٹنٹس کی ملکیت کسی ملک کی معاشی طاقت اور ترقی کی اہم علامت مانی جاتی ہے۔ پاکستان اس فہرست میں 99ویں نمبر پر ہے اور گزشتہ چند برسوں میں اس کی درجہ بندی مسلسل نیچے آئی ہے۔ 2022 میں پاکستان 87ویں، 2023 میں 88ویں اور 2024 میں 91ویں نمبر پر تھا۔
دیگر ممالک میں بھارت 38ویں، بنگلادیش 106ویں، سعودی عرب 46ویں اور متحدہ عرب امارات 30ویں نمبر پر ہیں۔
میجر عدنان اسلم شہید کی نماز جنازہ چکلالہ راولپنڈی میں ادا کر دی گئی،وزیراعظم ، فیلڈ مارشل کی شرکت