لاہور؛ ٹک ٹاک ویڈیو بناتے ہوئے بھائی سے گولی چلنے سے بھائی جاں بحق
اشاعت کی تاریخ: 14th, January 2025 GMT
لاہور:
غالب مارکیٹ، قاسم پورہ میں ٹک ٹاک ویڈیو بنانے کے دوران گولی چلنے سے نوجوان جاں بحق ہوگیا۔
ایکسپریس نیوز کے مطابق خطرناک ٹک ٹاک ویڈیوز بنانے کا جنون ایک اور جان لے گیا، قاسم پورہ میں ٹک ٹاک ویڈیو بنانے کے دوران گولی چلنے سے نوجوان جاں بحق ہوگیا۔
غالب مارکیٹ، قاسم پورہ گلی نمبر 3 کے رہائشی دو بھائی عبدالرحمان اور عبدالمنان پسٹل کے ساتھ ٹک ٹاک ویڈیو بنا رہے تھے کہ اچانک گولی چل گئی جو عبد الرحمان کی چھاتی پر لگی، مضروب کو طبی امداد کیلیے سروسز اسپتال منتقل کیا گیا مگر جانبر نہ ہو سکا۔
ایس پی ماڈل ٹاؤن اخلاق اللہ تارڑ نے جائے حادثہ اور اسپتال کا دورہ کیا، ایس پی ماڈل ٹاؤن کا کہنا تھا کہ ویڈیو بنانے کے دوران پسٹل سے گولی چلنے کے جائے وقوعہ سے شواہد اکٹھے کر لیے ہیں اور مختلف پہلوؤں پر تحقیقات جاری ہے۔
ایس پی ماڈل ٹاؤن نے کہا کہ اسلحہ کی نمائش اور ویڈیوز بنانا جرم ہے، شہری اس اقدام سے گریز کریں۔
.ذریعہ: Express News
پڑھیں:
لاہور ہائی کورٹ سے وزیر اعظم کے بیٹے سلیمان شہباز شریف کیلئے بڑا ریلیف
سٹی 42 : لاہور ہائیکورٹ نے سیلمان شہباز شریف کے خلاف باؤنس چیک کے متعلق سیشن کورٹ کے اندراج مقدمہ کا آرڈر کالعدم قرار دے دیا ۔
چیف جسٹس ہائیکورٹ جسٹس مس عالیہ نیلم نے سلیمان شہباز شریف کی درخواست پر سماعت کی۔ سلیمان شہباز کے خلاف اندراج مقدمہ کا آرڈر حاصل کرنے والے قتیل انوارِ الحسن کے وکیل سید فراز حیدر شیرازی عدالت میں پیش ہوئے۔ انہوں نے عدالت کو بتایا کہ سلیمان شہباز شریف کی جانب سے ادائیگی کرنے کے لیے مہلت لی گئی ہے عدالت سے بھی مہلت کی استدعا ہے۔
پنجاب حکومت کاصحت کےمنصوبوں میں پرائیویٹ سیکٹرکوشراکت داربنانےکافیصلہ
چیف جسٹس نے ،سید فراز حیدر شیرازی ایڈوکیٹ سے مکالمہ کرتے ہوئے کہا اگر کیس بنتا ہے تو شہادت ضائع کیوں ہو ، آپ دلائل دیں تاکہ اس کا فیصلہ کریں ،آپ نے ہی ایڈیشنل سیشن جج کے سامنے درخواست دائر کی تھی اور دلائل دئیے۔ سلیمان شہباز شریف کے وکیل نے عدالت کو بتایا کہ اندراج مقدمہ کی جو درخواست دی گئی ، اس میں سلیمان شہباز شریف کو فریق ہی نہیں بنایا گیا ، اندراج مقدمہ کے لئے جو درخواست دی گئی اس میں پتہ بھی نہیں تھا، لیگل نوٹس بھیجا گیا ، اس کا جواب دیا گیا، کمپنی کے پانچ چیک چوری ہوئے تھے جن کا مقدمہ درج کروایا گیا ، وکیل جو چیک چوری ہوئے اس میں مقدمہ درج ہوا ، فریق دوئم کوچائیے تھا کہ اس ایف آئی آر میں اپنا موقف پیش کرتے، انہوں نے مقدمہ کی تفتیش میں تعاون کرنے کی بجائے علیجدہ ایف آئی آر کی درخواست دی ، وکیل قتیل انوار الحسن نے جواب دیا لیپ ٹاپ پرچیز آرڈر دیا گیا ، جس کے عوض چیک دئیے گئے جو باؤنس ہوئے۔ 22 اپریل کو چیک باؤنس ہوئے ، انہوں نے اگلے روز چیک چوری کا مقدمہ درج کروادیا۔
ساف انڈر 17 چیمپئن شپ 2025 کا شیڈول جاری
چیف جسٹس نے سید فراز حیدر شیرازی ایڈوکیٹ سے مکالمہ کرتے ہوئے کہا سترہ لیپ ٹاپ ہیں ، کس کمپنی کے ہیں ، اتنے سستے تو آج تک نہیں سنے۔ جس پر وکیل نے جواب دیا کمپنی میں ایسے ہی لیپ ٹاپ چلتے ہیں، مختلف اوقات میں لیپ ٹاپ دئیے گئے۔ صدر انجمن تاجران الیکٹرانکس اور ایک تاجر محمد اختر نے کمپنی کے ایماء پر ادائیگی کے لئے دو ماہ کی مہلت کی ۔ کمپنی کے ایماء پر ان تاجروں نے پولیس کی موجودگی میں چیک لے کر ادائیگی کے لئے دو ماہ کی مہلت لی۔
ایاز صادق کی ایرانی ہم منصب سے ملاقات، دو طرفہ تعلقات مزید مستحکم بنانے پر اتفاق
عدالت نے فریقین کے وکلاء کے دلائل سننے کے بعد سلیمان شہباز شریف کے خلاف باؤنس چیک کے متعلق سیشن کورٹ کا اندراج مقدمہ کا آرڈر کالعدم قرار دے دیا۔
صوبے میں کسی آپریشن کی اجازت نہیں دیں گے، ادارے سرحدوں کی حفاظت کریں ، گنڈا پور