قاضی ہوٹل پر حملہ رزق کی بے حرمتی ہے ،نجف رضا
اشاعت کی تاریخ: 16th, January 2025 GMT
نوابشاہ (نمائندہ جسارت)نواب شاہ کے معروف قاضی ہوٹل پر شرپسند عناصر کا حملہ شہر میں خوف ہراس پھیل گیا۔ امیر جماعت اسلامی نوابشاہ نجف رضا نے اس موقع پر کہا کہ آج شہر کے معروف قاضی ہوٹل پر کچھ شرپسند عناصر نے حملہ کیا، جس کے نتیجے میں ہوٹل کو نقصان پہنچایا اور رزق کی بے حرمتی کی حملہ آوروں نے ہوٹل کے سامان کو نقصان پہنچایا اور وہاں موجود افراد کو خوفزدہ کیا۔عینی شاہدین کے مطابق حملہ اچانک ہوااور شرپسندوں نے ہوٹل کے اندر توڑ پھوڑ کی۔ ہوٹل مالک کا کہنا ہے کہ یہ ہوٹل شہر کے مصروف ترین علاقے مین مارکیٹ میں واقع ہے جہاں یہ واقعہ پیش نہیں آنا چاہیے تھا لیکن یہ واقعہ کاروباری طبقے کے لیے پریشانی کا سبب بن سکتا ہے اس مصروف ترین مارکیٹ میں سیکورٹی نظام نہ ہونے کی وجہ ہے اسی لیے ہم انتظامیہ سے گزارش کرتے ہیں کہ سیکورٹی فراہم کی جائے اور اس افسوسناک واقعے کی جلد جلد تحقیقات کرکے ملزمان کو گرفتار کیا جائے۔ انہوں نے کہا کہ شہر کے امن وامان کی بگڑتی صورتحال پر ہر شہری پریشان ہے آج کا واقعہ انتظامیہ کی آنکھیں کھول دینے کے لیے کافی ہے، پولیس ملزمان کو گرفتار کرنے سے کیوں گھبرا رہی ہے، کیا شہری اسی طرح اپنی جان ومال لٹا کر پولیس کی طرف دیکھتے رہیں گے اور پولیس خاموش تماشائی کا کردار ادا کرتی رہے گی اس وقت شہر کے تمام اسٹک ہولڈرز اپنے آپ کو یرغمالی سمجھتے ہیں۔ انہوں نے کہا کہ شہری کو ہر ممکن تحفظ فراہم کرنااور اعتماد بحال کرنا پولیس کااولین فریضہ ہے۔
.ذریعہ: Jasarat News
کلیدی لفظ: شہر کے
پڑھیں:
ڈی آئی خان، بسیاہ خیل پولیس اسٹیشن پر دہشت گردوں کا حملہ، جوابی کارروائی میں حملہ آور فرار
ڈیرہ اسماعیل خان:خیبرپختونخوا کے ضلع ڈی آئی خان میں بسیاہ خیل پولیس اسٹیشن پر رات گئے دہشت گردوں نے مختلف سمتوں سے حملہ کر دیا، تاہم پولیس کی بروقت اور مؤثر جوابی کارروائی کے باعث حملہ آور فرار ہو گئے۔
پولیس ترجمان کے مطابق حملہ رات تقریباً 01:35 پر کیا گیا، جس میں دہشت گردوں نے سنائپرز اور بھاری ہتھیاروں کا استعمال کیا۔ حملہ شدید نوعیت کا تھا اور دونوں جانب سے فائرنگ کا تبادلہ تقریباً ایک گھنٹے تک جاری رہا۔
پولیس اہلکاروں نے بہادری کا مظاہرہ کرتے ہوئے فوری جوابی کارروائی کی، جس کے بعد دہشت گرد پسپا ہو کر فرار ہو گئے۔
ڈی پی او بنوں کے مطابق واقعے میں کسی قسم کے جانی نقصان کی اطلاع موصول نہیں ہوئی، تاہم واقعے کی مزید تحقیقات جاری ہیں۔
علی گنڈاپور صادق و امین نہیں رہے، وزیراعلیٰ پختونخوا کیخلاف مقدمے کی درخواست