آرمی چیف سے ملاقات خوش آئند بات ہے،ہم چاہ رہے تھے مذاکرات ہوں،عمران خان
اشاعت کی تاریخ: 16th, January 2025 GMT
راولپنڈی(اردوپوائنٹ اخبار تازہ ترین۔16 جنوری 2025)پاکستان تحریک انصاف کے بانی عمران خان نے بھی بیرسٹر گوہر اور علی امین گنڈاپور کی آرمی چیف سے ہونے والی ملاقات کو خوش آئند قرار دیدیا، ہم چاہ رہے تھے مذاکرات ہوں، کوئی بات چیت شروع ہوئی ہے تو یہ خوش آئند بات ہے،میں نے کبھی نہیں کہا کہ مذاکرات بند ہیں،راولپنڈی کی اڈیالہ جیل میں صحافیوں نے بیرسٹر گوہر اور علی امین گنڈاپور کی آرمی چیف سے ملاقات کے متعلق بانی پی ٹی آئی سے سوال کیا تو ان کا کہنا تھا کہ پارٹی رہنماﺅں کی آرمی چیف سے ملاقات پاکستان کیلئے اچھا شگون ہے اس ملاقات میں پاکستان کے استحکام کی بات کی گئی ہے۔
ہم نے ہمیشہ بات چیت کرنے کا کہاہے مگر دوسری طرف سے دروازے بند تھے۔انہوں نے کہا کہ ہم پہلے بھی کہتے رہے ہیں کہ سٹیبلشمنٹ کو ہم سے بات کرنی چاہیے میں نے کبھی بھی مذاکرات کرنے سے انکار کیا۔(جاری ہے)
اب بات چیت کے دروازے کھلے ہیں تو اس میں پاکستان کے استحکام کی باتیں کی گئی ہونگی۔صحافیوں سے غیر رسمی گفتگو کرتے ہوئے بانی پی ٹی آئی کا مزید کہنا تھا کہ آرمی چیف سے ملاقات پاکستان کیلئے اچھا ہے ۔
ابھی مجھے اس ملاقات کی مزید تفصیلات پتہ نہیں ہیں ۔یاد رہے کہ اس سے قبل پاکستان تحریک انصاف کے چیئرمین بیرسٹر گوہرکا کہنا تھا کہ سٹیبلشمنٹ سے براہ راست مذاکرات خوش آئند تھے۔امید ہے اب صورتحال بہتر ہو جائے گی،پی ٹی آئی چیئرمین بیرسٹر گوہر نے بھی آرمی چیف جنرل عاصم منیر سے ملاقات کرنے کی تصدیق کر کی تھی۔راولپنڈی کی اڈیالہ جیل میں میڈیا سے گفتگو کرتے ہوئے چیئرمین پی ٹی آئی نے کہا تھاکہ میری اور علی امین گنڈا پور کی آرمی چیف سے علیحدگی میں ملاقات ہوئی تھی۔ہماری ملاقات پشاور میں ہوئی تھی۔اس ملاقات میں دوسری طرف سے مثبت پیغام ملاتھا۔آرمی چیف سے ملاقات میں پی ٹی آئی کے تمام معاملات اور مطالبات سامنے رکھے گئے تھے ۔ان کا یہ بھی کہنا تھا کہ ملاقات میں ملکی استحکام کے حوالے سے تمام امور پر بات چیت ہوئی تھی۔ ہم نے آرمی چیف جنرل عاصم منیرکے سامنے پارٹی کو درپیش مختلف مسائل کا بھی ذکر کیا تھا جس کا ہمیں مثبت جواب ملا تھا ۔ اگر کوئی بات چیت شروع ہوئی تو یہ نہایت خوش آئند بات تھی ۔ہم نے اپنا سارا معاملہ ان کے سامنے بیان کیا تھا۔.
ذریعہ: UrduPoint
کلیدی لفظ: تلاش کیجئے آرمی چیف سے ملاقات کی آرمی چیف سے کہنا تھا کہ ملاقات میں پی ٹی آئی بات چیت
پڑھیں:
شاہ محمود سے سابق پی ٹی آئی رہنماں کی ملاقات، ریلیز عمران تحریک چلانے پر اتفاق،فواد چوہدری کی تصدیق
شاہ محمود سے سابق پی ٹی آئی رہنماں کی ملاقات، ریلیز عمران تحریک چلانے پر اتفاق،فواد چوہدری کی تصدیق WhatsAppFacebookTwitter 0 1 November, 2025 سب نیوز
لاہور(آئی پی ایس )پاکستان تحریک انصاف کے سینئر وائس چیئرمین شاہ محمود قریشی سے ہسپتال میں پارٹی کے سابق رہنماں کی ملاقات کی اندرونی کہانی سامنے آگئی۔پارٹی ذرائع کا کہنا تھا کہ پاکستان تحریک انصاف کی پرانی قیادت ریلیز عمران خان تحریک چلانے کے لیے تیار ہیں، تحریک میں فواد چودھری، عمران اسماعیل ،علی زیدی ، محمود مولوی، سبطین خان اور دیگر رہنما موجود ہوں گے۔
ذرائع نے بتایا کہ سابق قیادت نے بانی پی ٹی آئی کی رہائی کے لیے اہم فیصلے کیے، انہوں نے اسٹیبلشمنٹ سے رابطوں اور مسلم لیگ ن کی اعلی قیادت سے بھی ملاقات کا فیصلہ کیا۔اِسی طرح ملک میں سیاسی درجہ حرارت نیچے لانے کا فیصلہ کیا گیا، عمران خان سے ملاقات بھی کی جائے گی، پی ٹی آئی کی سابق قیادت شاہ محمود قریشی کی رہائی کے لیے بھی سرگرم ہے۔
ذرائع کا کہنا تھا کہ پی ٹی آئی کی سابقہ قیادت نے شاہ محمود قریشی کو بات چیت کے ذریعے معاملات کو حل کرنے اور سیاسی درجہ حرارت نیچے لانے کے لیے قائل کرنے کی کوشش کی، شاہ محمود قریشی کو تمام تر معاملات کو حل اور درست کرنے کے کردار ادا کرنے پر گفتگو ہوئی۔
پارٹی ذرائع نے بتایا کہ سابقہ قیادت کا مقف ہے کہ پی ٹی آئی کی موجودہ قیادت عمران خان کو باہر نہیں نکال سکتی ، ملاقات میں سابق سینیٹر اعجاز چودھری، سابق صوبائی وزیر میاں محمود الرشید اور سابق گورنر پنجاب عمر سرفراز چیمہ سے بھی ملاقات کی، ملاقات کے دوران موجودہ سیاسی صورتحال پر بھی تبادلہ خیال کیا گیا۔
تحریک انصاف کے سابق رہنماں نے حکومتی وزرا سے ملنے کا فیصلہ کیا ہے جب کہ فواد چودھری کی سربراہی میں تین رکنی وفد مولانا فضل الرحمان سے بھی ملاقات کرے گا۔ملاقات میں ملکی سیاسی درجہ حرارت کو کم کرنے پر بات چیت ہوگی، فواد چودھری نے کہا کہ پی ٹی آئی سے شاہ محمود قریشی، اعجاز چودھری اور دیگر رہنماوں سے ملاقاتیں ہوئیں ہیں، پی ٹی آئی کی قیادت نے سیاسی قیدیوں کو باہر لانے کی کوشش کی تائید کی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراستنبول مذاکرات بارے حقائق کو ترجمان افغان طالبان نے توڑ مروڑ کر پیش کیا: پاکستان استنبول مذاکرات بارے حقائق کو ترجمان افغان طالبان نے توڑ مروڑ کر پیش کیا: پاکستان افغان مہاجرین کی وطن واپسی: صرف ایک دن میں 10 ہزار افراد افغانستان روانہ شہباز شریف کی جاتی امرا آمد، سابق وزیراعظم نواز شریف سے ملاقات،سیاسی صورتحال پر مشاورت تیسرا ٹی ٹوئنٹی: پاکستان کا جنوبی افریقا کیخلاف ٹاس جیت کر بولنگ کا فیصلہ اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری اسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیابCopyright © 2025, All Rights Reserved
رابطہ کریں ہماری ٹیم
جاپان کے سابق وزیرِ اعظم شنزو آبے کے قاتل نے اعترافِ جرم کر لیا