190 ملین پاؤنڈریفرنس کا فیصلہ آج سنایا جائیگا ۔دعا ہے عمران کو آج ہی سزا ہوجائے ،علیمہ خانہ
اشاعت کی تاریخ: 17th, January 2025 GMT
راولپنڈی/اسلام آباد(آن لائن+ صباحن نیوز) بانی پی ٹی آئی اور بشریٰ بی بی کے خلاف 190 ملین پاؤنڈ ریفرنس کا فیصلہ آج سنایا جائے گا، بانی پی ٹی آئی کی بہن علیمہ خان نے کہا ہے دعا ہے کہ عمران خان کو آج ہی سزا ہو جائے۔ ادھرعمران خان اور ان کی اہلیہ بشری بی بی کے خلاف توشہ خانہ 2 کیس میں ملزمان کے وکیل نے پانچویں گواہ پر جرح مکمل کر لی ہے ۔ تفصیلات کے مطابق بانی پی ٹی آئی اور بشریٰ بی بی کے خلاف 190 ملین پاؤنڈ ریفرنس کا فیصلہ آج جمعہ 17 جنوری کو سنایا جائے گا ۔ فیصلہ سنانے کی تاریخ اس سے قبل 3 مرتبہ مؤخر ہوچکی ہے۔ 18 دسمبر کو فیصلہ
محفوظ ہوا پہلی تاریخ 23 دسمبر تھی پھر 6 جنوری اور بعد ازاں 13 جنوری کو فیصلہ سنانے کی تاریخ دی گئی۔احتساب عدالت کے جج فیصلہ 13 جنوری کو ملزمان کی عدم پیشی کے باعث نہیں سنا پائے تھے ۔احتساب عدالت کے جج ناصر جاوید رانا محفوظ فیصلہ آج صبح 11:30پر سنائیں گے ۔بانی پی ٹی آئی کے وکلاء کو عدالت کی طرف سے آگاہ کر دیا گیا۔علاوہ ازیں سپیشل جج سینٹرل شاہ رخ ارجمند کے روبرو توشہ خانہ سے بلغاری کمپنی کے بیش قیمت زیورات کے حصول سے متعلق سابق وزیراعظم تحریک انصاف کے سابق چیئرمین اور ان کی اہلیہ بشری بی بی کے خلاف توشہ خانہ 2 کیس میں ملزمان کے وکیل نے پانچویں گواہ پر جرح مکمل کر لی ہے جس کے بعد عدالت نے سماعت 20 جنوری تک ملتوی کر دی ہے گزشتہ روز سماعت کے موقع پر سابق چیئرمین کو کمرہ عدالت میں پیش کیا گیا جبکہ بشریٰ بی بی بھی عدالت میں حاضر تھیں اس موقع پر سابق چیئرمین کے وکیل نے گواہ طلعت محمود پر جرح مکمل کرلی اس طرح کیس میں مجموعی طور پر 5 گواہان پر جرح مکمل ہوچکی ہے جبکہ 7 گواہ شہادت قلمبند کروا چکے ہیں۔ عدالت نے آئندہ سماعت پر کسٹم اپریزر ثنا سعید اور رابعہ کو بطور گواہ طلب کر لیا ہے۔مزید برآں بانی پی ٹی آئی کی بہن علیمہ خان نے کہا ہے دعا ہے کہ عمران خان کو آج ہی سزا ہو جائے۔ہائی کورٹ میں میڈیا سے گفتگو کرتے ہوئے علیمہ خان نے کہا کہ بانی پی ٹی آئی نے ججز پر اپنا مکمل اعتماد ظاہر کیا ہے ۔ اب بانی پی ٹی آئی کا امتحان نہیں ہے بلکہ اب عدلیہ کا امتحان ہے۔ انہوں نے کہا کہ جج نے اتنا وقت لگا کر کیس سنا، اب سزا دیں، کیوں نہیں دے رہے؟۔انہوں نے کہا کہ ڈونلڈ ٹرمپ سے پی ٹی آئی نے کوئی امید نہیں لگائی۔ کیا بانی پی ٹی آئی ڈیڑھ سال سے ان کے انتظار میں جیل بیٹھے ہیں۔
ذریعہ: Jasarat News
کلیدی لفظ: بانی پی ٹی آئی بی بی کے خلاف علیمہ خان فیصلہ ا ج نے کہا
پڑھیں:
کیا علیمہ خان نے خیبرپختونخوا کابینہ میں من پسند اراکین شامل کروائے؟
پاکستان تحریکِ انصاف نے وزیراعلیٰ خیبرپختونخوا محمد سہیل آفریدی اور سابق وزیراعظم عمران خان کی ہمشیرہ محترمہ علیمہ خانم کی مبینہ ملاقات سے متعلق خبر کو جھوٹا، بے بنیاد اور من گھڑت قرار دیا ہے۔
پی ٹی آئی کے ترجمان نے واضح کیا کہ نہ تو علیمہ خان کی وزیراعلیٰ خیبرپختونخوا سے کوئی ملاقات ہوئی ہے اور نہ ہی انہوں نے کابینہ میں کسی نام کی سفارش یا اصرار کیا۔ ترجمان کے مطابق یہ خبر سراسر غلط معلومات پر مبنی ہے اور اس کا مقصد گمراہ کن تاثر دینا ہے۔
ترجمان نے مزید کہا کہ ایسے جھوٹے دعوے میڈیا کے اعتماد کو نقصان پہنچاتے ہیں۔ پاکستان تحریکِ انصاف نے میڈیا اداروں سے اپیل کی ہے کہ وہ ذمہ دارانہ صحافت کا مظاہرہ کریں اور کسی بھی خبر کی نشر یا اشاعت سے قبل اس کی تصدیق لازمی کریں تاکہ عوام میں غلط فہمیاں پیدا نہ ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news سہیل آفریدی علیمہ خان ملاقات
راولپنڈی کے کن روٹس پر الیکٹرک بس سروس کا آغاز کیا جا رہا ہے؟