سندھ حکومت کا کراچی میں جدید میڈیا یونیورسٹی قائم کرنے کا اعلان
اشاعت کی تاریخ: 18th, January 2025 GMT
کراچی:
سندھ حکومت نے کراچی میں جدید میڈیا یونیورسٹی قائم کرنے کا اعلان کردیا۔
ترجمان سندھ حکومت مصطفیٰ عبداللہ بلوچ کا کہنا ہے کہ تاریخ اور ثقافتی ورثے کے فروغ کے لئے میڈیا یونیورسٹی بنائی جائے گی۔ چیئرمین پاکستان پیپلز پارٹی بلاول بھٹو زرداری کی ہدایت پر میڈیا یونیورسٹی کا قیام عمل میں لایا جائے گا۔
ترجمان سندھ حکومت نے کہا کہ بلاول بھٹو زرداری نے وزیراعلیٰ سندھ کو منصوبے کے آغاز کی ہدایت دی ہے، میڈیا یونیورسٹی کے ذریعے سندھ کی تاریخی و ثقافتی میراث کو عالمی سطح پر اجاگر کیا جائے گا۔
مصطفیٰ عبداللہ بلوچ نے کہا کہ سندھ حکومت کا میڈیا تعلیم، تحقیق اور جدت کے فروغ کے لیے عالمی معیار کا ادارہ بنائے گی، سندھ حکومت نے پبلک پرائیویٹ پارٹنرشپ کے تحت کئے منصوبے مکمل کیے ہیں۔
ترجمان کا مزید کہنا تھا کہ میڈیا یونیورسٹی عوامی و نجی شراکت داری کے تحت قائم کی جائے گی جو سندھ کے عوام کے لیے ترقی، تخلیق اور ثقافتی فخر کا نیا مرکز ہوگی۔
.ذریعہ: Express News
کلیدی لفظ: میڈیا یونیورسٹی سندھ حکومت
پڑھیں:
کیمبرج کی جانب سے سندھ اور بلوچستان کے طلبہ کیلئے کیمبرج لرنر ایوارڈز کا اعلان
کیمبرج نے سندھ اور بلوچستان کے طلبہ کے لیے کیمبرج لرنر ایوارڈز کا اعلان کر دیا ہے، جس کی تقریب بدھ کو کراچی میں ہوئی جس کے مہمان خصوصی صوبائی وزیر تعلیم سردار علی شاہ تھے۔
تقریب میں سندھ اور بلوچستان میں 106 سے زائد طلبہ کو غیر معمولی کارکردگی پر 120 ایوارڈز دیے گئے۔ کیمبرج آئی جی سی ایس ای، او لیول اور انٹرنیشنل اے ایس اینڈ اے لیول کے امتحانات میں دنیا میں سب سے زیادہ نمبر حاصل کرنے والے 26 طلبہ اور سندھ میں سب سے زیادہ نمبر حاصل کرنے والے 53 طلباء کو بھی اعزازت سے نوازا گیا۔
اس سال پاکستان بھر سے 317 طلباء نے غیر معمولی کارکردگی پر 355 ایوارڈز حاصل کیے۔ کیمبرج آئی جی سی ایس ای، او لیول اور انٹرنیشنل اے ایس اینڈ اے لیول کے امتحانات میں 83 طلبہ کے ساتھ عالمی ایوارڈز میں سرفہرست رہا، 63 نے ٹاپ ان کنٹری ایوارڈز اور 11 ے ہائی اچیومنٹ ایوارڈز حاصل کیے۔
دنیا بھر میں سب سے زیادہ نمبر حاصل کرنے والے سندھ اور بلوچستان کے 26 طلبہ میں جعفر پبلک سکول کے عون محمد اسد ایڈیشنل میتھ (اضافی ریاضی)، جنریشن اسکول کے محمد آیان ندیم ایڈیشنل میتھ (اضافی ریاضی)، کراچی گرامر اسکول کے عبداللہ صدیق معاشیات، جنریشن اسکول کی روشن مہناز انگریزی زبان، جب کہ ہیپی ہوم اسکول کی ایلسا عرفان، بیکن ہاؤس اسکول سسٹم کی ایمن، کراچی گرامر اسکول کی فارس احمد جمالی، فاؤنڈیشن پبلک سکول او لیولز کے حسام بن طارق، بیکن ہاؤس اسکول سسٹم کے مہد خلیل، فروبل ایجوکیشن سینٹر کے محمد سلمان، سینٹ مائیکل کانوینٹ اسکول کے محمد ایاز کاشف شامل ہیں۔
جنریشن اسکول کے محمد آیان ندیم، بیکن ہاؤس اسکول سسٹم کے محمد طلحہ طارق، کراچی گرامر اسکول کی ثنا نینسی، ہیپی ہوم او لیول اسکول کے سید محمد ہاشمی نے ریاضی کے نصاب ڈی میں، ڈیلسول دی ا سکول کے ہمدان محمد نے طبعیات، بیکن ہاؤس اسکول سسٹم کے ابراہیم طلال طبعیات، دی سیڈر اسکول PECHS کیمپس کی زویا اسفان نے انٹرپرائز، بے ویو اکیڈمی (کلفٹن کیمپس) کے ابصار احمد، دی لرننگ ٹری کی عنایہ شہزاد، بے ویو ہائی اسکول کے عبدالصمد، نکسر اسکول کی وریشہ فیصل اور بیکن ہاؤس اسکول کی زویا شیخ ریاضی (بغیر نصاب کے)، بیکن ہاؤس اسکول کی نور فاطمہ مطالعہ پاکستان، کراچی گرامر اسکول کی شانزے احمد اور نکسر کالج کی زارا عنایت نے عمرانیات کے مضمون میں ٹاپ کیا۔
وزیراعلیٰ مریم نواز شریف سے جرمن پارلیمنٹ کی رکن دِریا تُرک نَخباؤر کی ملاقات