عالمی اور مقامی مارکیٹ میں سونے اور چاندی کی قیمتیں گر گئیں
اشاعت کی تاریخ: 18th, January 2025 GMT
کراچی: عالمی اور مقامی مارکیٹوں میں 3 روز تک جاری رہنے والے اضافے کے بعد ہفتے کے روز سونے اور چاندی کی قیمتوں میں کمی دیکھی گئی۔
بین الاقوامی بلین مارکیٹ میں فی اونس سونے کی قیمت میں 2 ڈالر کمی ہوئی، جس کے بعد یہ 2703 ڈالر کی سطح پر آ گئی۔
مقامی صرافہ بازار میں بھی سونے کی قیمت میں گراوٹ ریکارڈ کی گئی۔ 24 قیراط فی تولہ سونا 200 روپے کی کمی سے 282400 روپے کا ہو گیا، جبکہ فی 10 گرام سونا 170 روپے کی کمی کے ساتھ 242112 روپے پر آ گیا۔
چاندی کی قیمتیں بھی کم ہوئیں۔ فی تولہ چاندی 24 روپے کم ہو کر 3381 روپے پر پہنچ گئی، اور فی 10 گرام چاندی کی قیمت 21 روپے کی کمی کے بعد 2898 روپے ہو گئی۔
ماہرین کے مطابق، عالمی مارکیٹ میں ہونے والی معمولی گراوٹ کی وجہ سے مقامی مارکیٹ میں بھی قیمتوں میں کمی واقع ہوئی ہے۔
.ذریعہ: Nai Baat
کلیدی لفظ: مارکیٹ میں چاندی کی
پڑھیں:
سپر اسٹورز اور سپر مارکیٹوں میں برانڈڈ اشیا کی قیمتیں مقرر کرنے کا فیصلہ
کراچی:سندھ حکومت نے کراچی کے سپر اسٹورز اور سپرمارکیٹوں میں فروخت ہونے والی برانڈڈ اشیا کی قیمتیں مقرر کرنے کا فیصلہ کیا ہے۔
ایکسپریس نیوز کے مطابق برانڈڈ اشیا کی تیاری کی لاگت اور منافع کے مارجن سے متعلق بھی ڈیٹا اکٹھا کرنے کا فیصلہ کیا گیا ہے، اس سلسلے میں ڈائریکٹرجنرل بیورو آف سپلائی پرائسززاہد حسین شر کی زیر صدارت اہم اجلاس ہوا، جس میں اعلی افسران کے ساتھ ساتھ کراچی کے سپراسٹورز اور سپر مارکیٹوں کےنمائندوں نے شرکت کی۔
ڈی جی بیورو آف سپلائی نے اجلاس کے شرکا سے ابت کرتے ہوئے کہا کہ کاروبار کرنے والے تمام ادارے بیورو آف سپلائی کے پاس اپنے گوداموں کا اندراج اور تجدید کرائیں گے۔ انہوں نے صارفین کے حقوق کے تحفظ اور اس حوالے سے صارف تحفظ ایکٹ پر عمل درآمد کی اہمیت پر زور دیا۔
انہوں نے کہا کہ حکومت نے ضروری اشیا کی قیمت کنٹرول،ذخیرہ اندوزی، منافع خوری روکنےاور کراچی میں تیار کردہ اوربرانڈڈ ضروری اشیا کی قیمتوں کے تعین کا اختیار دیا ہے۔ کراچی میں اگلے ماہ تمام برانڈڈ اشیا کی قیمتیں مقرر کردی جائیں گی۔
زاہد حسین شر کا کہنا تھا کہ اس سے قبل اشیا کی لاگت اور منافع کی شرح کے بارے میں تفصیلی معلومات جمع کی جائیں گی۔ انہوں نے قیمتوں کےمناسب ضابطے اور ناجائز منافع خوری کی روک تھام کویقینی بنانے کی ہدایات جاری کی۔
انہوں نے مزید کہا کہ یہ اقدام اہل کراچی کو برانڈڈ اشیا مناسب قیمتوں پردستیاب کرانے اور مہنگائی پر قابو پانے کی کوششوں کا حصہ ہے۔
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم