امیتابھ کی صحت اور تندرستی کا راز کیا ہے؟ جانیے
اشاعت کی تاریخ: 18th, January 2025 GMT
بالی ووڈ کے لیجنڈری اداکار امیتابھ بچن کی عمر 82 سال ہے مگر وہ اس کے باوجود بھی صحت مند نظر آتے ہیں۔
تفصیلات کے مطابق بالی ووڈ کے لیجنڈری اداکار امیتابھ بچن نہ صرف اپنی اداکاری بلکہ اپنی زبردست توانائی اور صحت مند طرزِ زندگی کے لیے بھی مشہور ہیں۔
82 سال کی عمر میں بھی ان کی فٹنس اور عزم سب کیلیے ایک مثال ہے۔ اگرچہ انہوں نے اپنی زندگی میں ٹی بی جیسی سنگین بیماریوں کا سامنا کیا، لیکن ان کے منظم اور صحت مند طرزِ زندگی نے انہیں آج بھی مضبوط اور متحرک رکھا ہوا ہے۔
ورک آؤٹ روٹین: امیتابھ بچن کا عزم
امیتابھ بچن کے فٹنس ٹرینر ورندا مہتا نے ایک انٹرویو میں بتایا کہ بگ بی اپنی صحت کے حوالے سے بہت زیادہ فکر مند رہتے ہیں اور وہ روزانہ خاص طور پر ورزش کیلیے وقت نکالتے ہیں۔
ورندا کے مطابق امیتابھ زیادہ تر سانس بہتر بنانے کے حوالے سے ورزش کرتے ہیں اور وہ آغاز بھی اسی سے کرتے ہیں جبکہ اُن کی ذہانت کمال ہے اور اسی وجہ سے سب انہیں بادشاہ کہتے ہیں۔
ایک اور فٹنس کوچ شیوہام نے بھی ان کے عزم کو سراہتے ہوئے کہا، "کئی بار ہمیں انہیں روکنا پڑتا ہے کہ 'ابھی ورزش نہ کریں، یہ آپ کے لیے موزوں نہیں ہے، لیکن وہ وقت نکالتے ہیں، چاہے صبح ہو، دوپہر ہو، شام ہو، یا میٹنگز کے درمیان ہو، کیونکہ وہ جانتے ہیں کہ یہ اہم ہے۔"
امیتابھ بچن کی غذا نظم و ضبط اور غذائی تنوع پر مبنی ہے۔ اپنے ایک بلاگ پوسٹ میں انہوں نے شیئر کیا کہ وہ دن کا آغاز تلسی کے پتوں سے کرتے ہیں، جس کے بعد ان کا ناشتہ پروٹین شیک، بادام، دلیہ، یا ناریل پانی پر مشتمل ہوتا ہے۔
اس کے علاوہ، وہ آملہ جوس اور کھجور کو بھی اپنی غذا کا حصہ بناتے ہیں۔
اپنی خوراک کے بارے میں بات کرتے ہوئے، امیتابھ بچن نے کہا کہ "جوانی میں میں بہت کچھ کھا لیا تھا، لیکن اب میں نے نان ویج ڈشز، مٹھائیاں، چاول سب چھوڑ چکا ہوں‘۔
امیتابھ نے میٹھے سے پرہیز اور چینی کے استعمال کو محدود کرنے کو اپنی فٹنس کا اہم راز قرار دیا، جس سے وہ موٹاپے اور دیگر بیماریوں کے خطرے سے بچ سکتے ہیں۔
.ذریعہ: Express News
کلیدی لفظ: امیتابھ بچن
پڑھیں:
امریکی خاتون نے اپنی زندگی بچانے کا کریڈٹ کیوں چیٹ جی پی ٹی کو دیا؟
امریکا میں 2 بچوں کی ماں نے اپنی جان بچانے کا کریڈٹ چیٹ جی پی ٹی کو دیتے ہوئے دعویٰ کیا ہےکہ مصنوعی ذہانت کے چیٹ بوٹ نے ان کی تشویسناک طبعی حالت کی نشاندہی کی جو کینسر کا باعث بن سکتی تھی، خاص طور پر اس وقت جب ڈاکٹر مرض کی تشخیص سے قاصر تھے۔
میڈیا رپورٹس کے مطابق، شمالی کیرولائنا کی رہائشی 40 سالہ لورین بینن نے پہلی بار فروری 2024 میں دیکھا کہ انہیں صبح اور شام اپنی انگلیاں موڑنے میں پریشانی ہو رہی تھی، 4 ماہ کے بعد ڈاکٹروں نے لورین کو جوڑوں کا درد کی بیماری یعنی گٹھیا تشخیص کیا، تاہم اس کے ٹیسٹ منفی آئے۔
یہ بھی پڑھیں: چیٹ جی پی ٹی نے کس طرح جان لیوا مرض کی نشاندہی کرکے ایک شخص کی جان بچائی؟
مارکیٹنگ کمپنی کی مالک لورین بینن پھر پیٹ میں دردناک درد کا سامنا کرنے لگیں اور صرف ایک ماہ میں ان کا وزن 14 پاؤنڈ کم ہو گیا، جس کا الزام ڈاکٹروں نے ایسڈ ریفلکس کو قرار دیا، اس موقع پر اپنی علامات کی وجہ جاننے کے لیے بیتاب، لورین بینن نے چیٹ جی پی ٹی سے رجوع کیا۔
اوپن اے آئی کے تیارکردہ مصنوعی ذہانت کے اس چیٹ بوٹ نے بینن کو بتایا کہ اسے ہاشموٹو کی بیماری ہو سکتی ہے، یہ ایک خود کار قوت مدافعت کی حالت ہے جس میں جسم کا مدافعتی نظام غلطی سے تھائرائیڈ غدود پر حملہ کرتا ہے، جس کی وجہ سے سوجن ہو جاتی ہے اور آخرکار تھائیرائیڈ غیر فعال ہوجاتے ہیں۔
مزید پڑھیں: چیٹ جی پی ٹی نے اینڈرائیڈ صارفین کے لیے نئی سہولت متعارف کرادی
اپنے ڈاکٹر کے تحفظات کے باوجود، لورین بینن نے ستمبر 2024 میں اس حالت کے لیے ٹیسٹ کروانے پر اصرار کیا اور یہ جان کر حیران رہ گئیں کہ اپنے خاندان کی میڈیکل ہسٹری کے برعکس چیٹ جی پی ٹی درست تھا۔
انہوں نے ڈاکٹروں کو اس کے تھائرائڈ کا الٹراساؤنڈ کرنے پر مجبور کیا، جب انہوں نے اس کی گردن میں دو چھوٹے گانٹھوں کو دریافت کیا جن کی اکتوبر 2024 میں کینسر کی تصدیق ہوئی تھی۔
لورین بینن نے دعویٰ کیا کہ وہ کبھی بھی چیٹ جی پی ٹی کی مدد کے بغیر چھپے ہوئے کینسر کو نہیں ڈھونڈ پاتی، یہی وجہ ہے کہ وہ اپنی جان بچانے میں مدد کا سہرا مصنوعی ذہانت کے اس ماڈل کو دیتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تشخیص تھائیرائیڈ جوڑوں کا درد چیٹ جی پی ٹی کیرولائنا کینسر گٹھیا مصنوعی ذہانت میڈیکل ہسٹری
پنجاب میں20 کلو آٹے کا تھیلا 200 روپے سستا ہو گیا