غلطی کرنے والے شخص کو معافی مانگنی ہوگی، گورنر سندھ
اشاعت کی تاریخ: 19th, January 2025 GMT
فوٹو: فائل
گورنر سندھ کامران ٹیسوری نے کہا ہے کہ غلطی کرنے والے شخص کو معافی مانگنی ہوگی۔
پاکستان اسپورٹس بورڈ کوچنگ سینٹر گراؤنڈ میں تقریب سے خطاب میں گورنر سندھ نے کہا کہ سیاست تو زندگی بھر چلتی رہے گی، ایسا کام نہ ہی کریں جس پر معافی مانگنی پڑے، جس شخص نے غلطی کی ہے تو معافی مانگنی ہوگی۔
انہوں نے کہا کہ ہمیں پاکستان کے مستقبل کی بات کرنی ہے، ملک معاشی طور پر مستحکم ہوتا جارہا ہے، پاکستان کا مستقبل مضبوط ہاتھوں میں ہے۔
کامران ٹیسوری کا کہنا تھا کہ چیئرمین پی سی بی محسن نقوی کافی متحرک ہیں، آئی سی سی کے میگا ایونٹ کے انتظامات بہت اچھے نظر آرہے ہیں، اس دوران کراچی میں شاندار تقاریب کریں گے۔
اُن کا کہنا تھا کہ بچوں کو بےراہ روی سے بچانا ہم سب کا مقصد ہے، بچوں کیلئے صحت مندانہ سرگرمیاں ضروری ہیں۔
گورنر سندھ نے یہ بھی کہا کہ 27 جنوری کو کراچی میں میراتھون ہوگی، جس میں ہر ایک حصہ لے سکتا ہے، کھیل سے معاشرے میں بہتری لائی جاسکتی ہے۔
.ذریعہ: Jang News
کلیدی لفظ: معافی مانگنی گورنر سندھ
پڑھیں:
عمران خان نے کہا کہ پاکستان میری جان سے بھی قیمتی ہے: شبلی فراز
شبلی فراز— فائل فوٹوپی ٹی آئی کے رہنما شبلی فراز نے کہا ہے کہ بانیٔ پی ٹی آئی عمران خان نے کہا ہے کہ پاکستان میری جان سے بھی قیمتی ہے۔
سینیٹ اجلاس میں قائدِ حزبِ اختلاف نے اظہارِ خیال کرتے ہوئے کہا ہے کہ قرارداد میں ایوان کا دشمنوں کو مشترکہ پیغام گیا ہے۔
جماعت اسلامی کے امیر حافظ نعیم الرحمٰن نے کہا ہے کہ کل پورے ملک میں ہڑتال ہوگی، تمام تاجر تنظیمیں متحد ہیں۔
شبلی فراز نے کہا کہ بھارت تاک میں رہا ہے کہ کیسے پاکستان کو نقصان پہنچایا جائے، پہلگام کے اس واقعے کا الزام پاکستان پر لگایا گیا۔
انہوں نے کہا کہ ساڑھے 7 لاکھ فوج کی موجودگی میں یہ واقعہ ان کی قابلیت پر سوالیہ نشان اٹھاتا ہے، کبھی نہیں سنا کہ بھارت میں الیکشن پر الزام لگا ہو کہ وہاں دھاندلی ہوئی ہے۔
عینا آصف نے شادی سے متعلق اپنا مؤقف واضح کر دیا