میرپورخاص، محکمہ ایکسائزنارکوٹکس کی نااہلی،شراب کے اڈے قائم
اشاعت کی تاریخ: 20th, January 2025 GMT
میرپورخاص(نمائندہ جسارت)ایکسائز نار کوٹکس محکمہ کی نااہلی شہر بھر میں ایک درجن سے زائد گنجان آبادیوں والے علاقوں میں نجی شراب کے اڈے قائم روزانہ کی بنیاد پر نوجوانوں اور کم عمر لڑکوں کو بڑی تعداد میں شراب کی فروخت کے ساتھ واٹس اپ گروپ پر سپلائی جاری۔ تفصیلات کے مطابق شہر کے مختلف علاقوں میں نقلی شراب مسلمانوں اور خاص کر کم عمر نوجوانوں میں فروخت ہونے والے شراب اور گلیوں میں کھلے عام منی وائن شاپ کے خلاف نشاندہی کے باوجود کارروائیاں نہیں کی جا رہی۔ ذرائع کے مطابق چاندنی چوک پر مسجد سے 150 فٹ پر موجود شراب کی وائن شاپ سے سرعام مسلمانوں میں شراب فروخت کی اطلاعات ہیں اس کے علاوہ سیٹلائٹ ٹاؤن میں منو نامی شخص شراب واٹس اپ گروپ پر سپلائی جاری رکھے ہوئے ہے جبکہ این کے پمپ لفٹ مشین کے قریب خوشحال شراب فروش کھلے عام شراب فروخت کررہا ہے پاک کالونی میں دانش نامی شخص کھلے عام شراب فروخت کرنے میں ملوث ہونے کی اطلاعات ہیں جبکہ میر کا پلاٹ میں وشال نامی شخص شراب کی فروخت کررہا ہے اس کے علاوہ کھپرو ناکہ چوک کے اطراف میں گھنشام نامی شخص دو نمبر انگلش شراب فروخت کرنے میں ملوث ہیں۔ذرائع کے مطابق میرپورخاص شہر بھر کے علاوہ ضلع بھر کی دیگر تحصیلوں میں بھی نجی غیر قانونی وائن شاپ کے خلاف کارروائی عمل میں نہیں لائی جارہی ہے کارروائی نہ ہونے کے سبب نوجوان نسل کی رگوں میں زہر شامل کیا جارہا ہے تو دوسری جانب یہ نوجوان اور شراب کے موالی شراب پی کر سڑکوں اور محلوں میں غل غپاڑہ کرتے نظرآتے ہیں ۔شہری حلقوں نے محکمہ ایکسائز نارکوٹکس کے صوبائی وزیر ،ڈی جی نارکوٹکس سمیت آئی جی سندھ ،ڈی آئی جی اور ایس ایس پی میرپور خاص سے مطالبہ کیا ہے کہ شہر کے گنجان آبادیوں میں چلنے والے غیر قانونی وائن شاپ کو فوری طور پر ختم کرکے اس گھنائونے کام میں ملوث افراد کے خلاف کارروائی عمل میں لائی جائے۔
.ذریعہ: Jasarat News
کلیدی لفظ: وائن شاپ
پڑھیں:
جسٹس منصور علی شاہ نے بطور قائم مقام چیف جسٹس پاکستان ذمہ داریاں سنبھال لیں
سپریم کورٹ کے سینئر جج جسٹس سید منصور علی شاہ نے قائم مقام چیف جسٹس آف پاکستان کے عہدے کا حلف اٹھا لیا ہے۔ حلف برداری کی پُروقار تقریب لاہور میں سپریم کورٹ رجسٹری میں منعقد ہوئی، جہاں جسٹس عائشہ اے ملک نے ان سے حلف لیا۔
یہ بھی پڑھیں:ہراسگی عالمی مسئلہ ہے، جسٹس منصور علی شاہ کا اہم فیصلہ
تقریب میں اعلیٰ عدلیہ کے ججز، معروف وکلاء، ایڈووکیٹ جنرل پنجاب امجد پرویز، اور دیگر قانونی ماہرین نے شرکت کی۔ اس موقع پر جسٹس شاہد وحید، جسٹس عامر فاروق، جسٹس شاہد بلال اور جسٹس علی باقر نجفی بھی موجود تھے۔
جسٹس منصور علی شاہ کی بطور قائم مقام چیف جسٹس تقرری آئین کے مطابق عمل میں لائی گئی، جب کہ باقاعدہ چیف جسٹس قاضی فائز عیسیٰ غیر ملکی دورے پر روانہ ہو چکے ہیں۔ جسٹس منصور علی شاہ کی عدلیہ میں شفاف اور اصلاحاتی سوچ کی شہرت ہے، اور ان سے توقع کی جا رہی ہے کہ وہ اپنی عبوری قیادت میں عدالتی نظام کی کارکردگی اور شفافیت کو مزید بہتر بنائیں گے۔
عدلیہ سے وابستہ حلقوں نے ان کی تقرری کو ایک مثبت پیش رفت قرار دیا ہے، کیونکہ جسٹس منصور علی شاہ ماضی میں بھی عدالتی اصلاحات اور جدید عدالتی نظام کے حامی رہے ہیں۔ وہ انسانی حقوق، ماحولیاتی انصاف، اور عدالتی شفافیت جیسے موضوعات پر گہری بصیرت رکھتے ہیں۔
یہ بھی پڑھیں:کچھ غلط کیا ہی نہیں تو ریفرنس کا ڈر کیوں، اللہ مالک ہے، جسٹس منصور علی شاہ
حلف برداری کے بعد جسٹس منصور علی شاہ نے اس عزم کا اظہار کیا کہ وہ قانون کی بالادستی، عدلیہ کی آزادی اور انصاف کی بروقت فراہمی کو یقینی بنانے کی کوشش کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس منصور علی شاہ حلف سپریم کورٹ قائم مقام چیف جسٹس
طیارے گرنے کے اعتراف پر بھارتی چیف آف ڈیفنس سے استعفیٰ کا مطالبہ