میرا جینا مرنا یہاں کے عوام کے ساتھ ہے،ہیرسوہو
اشاعت کی تاریخ: 20th, January 2025 GMT
سجاول(رپورٹ:حفیظ الرحمن میمن رحمانی) سندھ اسمبلی کی ممبر ہیر سوہو کا سندھ حکومت کی ترجمان مقرری کے بعد پہلی بار اپنے آبائی شہر پہنچنے پر اصفر سوہو پیٹرول پمپ پر پیپلز پارٹی کے رہنماؤں، کارکنان، مقامی معززین اور عوام کی بڑی تعداد نے جئے بھٹو کے زرودار نعروں کی گونج میں پھولوں کی پتیاں نچھاور کیں جبکہ سندھ کے روایتی تحائف لنگی اور اجرک کے تحائف پیش کرتے ہوئے پرتپاک استقبال کیا اور مبارکباد دی۔ ترجمان سندھ حکومت ہیر سوہو کو ایک شاندار ریلی کی صورت میں سوہو ہاؤس میرپور بٹھورو پہنچایا گیا، جہاں انہوں نے خطاب کرتے ہوئے کہا کہ میرا جینا مرنا یہاں کے عوام کے ساتھ ہے، انہیں کسی صورت تنہا نہیں چھوڑا جائے گا۔ انہوں نے کہا ضلع سجاول پسماندہ اور بہت سے مسائل کا شکار ہے، پیپلز پارٹی کی قیادت، ضلعی انتظامیہ اور عوام کے ساتھ ملکر سندھ بھر کی طرح میرپور بٹھورو شہر سمیت ضلع سجاول کو مثالی بنانے کیلئے ترقیاتی منصوبوں کا جال بچھائیں گے۔ ہیر سوہو نے کہا کہ پاکستان پیپلز پارٹی عوامی جماعت ہے جس نے ہمیشہ عوام کی خدمت کی اور قربانیاں دیکر عوام کی دلوں میں مقام بنایا ہے۔ انہوں نے کہا کہ شہید بھٹو اور شہید محترمہ بینظیر بھٹو کا کردار آج بھی امر ہے اور ان کے مزاروں پر ہزاروں کی تعداد میں لوگ حاضری دیکر دعا مانگتے ہیں۔دوسری جانب ضیا اور مشرف کی آمریت کے مشکل ترین دور میں پیپلز پارٹی کے کارکنوں اور عام عوام کی زندگیاں مشکل میں تھیں، ان کی قبروں پر کوئی قل پڑھنے کے لئے جانے کو بھی تیار نہیں۔ ترجمان سندھ حکومت ہیر سوہو نے کہا کہ پاکستان پیپلز پارٹی کی اعلی قیادت صدر پاکستان آصف زرداری، چیئرمن بلاول زرداری، فریال تالپر اور وزیر اعلیٰ سندھ سید مراد علی شاہ کی شکر گزار ہوں جنہوں نے یہ ذمے داری سونپی ہے۔ انہوں نے کہا کہ وہ اپنی ذمے داری ایمانداری اور سچائی سے نبھانے کی کوشش کریں گی۔ انہوں نے کہا کہ پی پی ضلع سجاول کے صدر صوبائی وزیر لائیواسٹاک و فشریز محمد علی ملکانی، ایم پی اے ریحانہ لغاری، چیئرمن ضلع کونسل دانش ملکانی اور دیگر تمام ورکرز کا ٹیم ورک قابل ستائش ہے، بھٹو کا نعرہ لگاتے رہیں گے، پی پی کا جھڈا لہراتا رہے گا۔قبل ازیں ترجمان حکومت سندھ ہیر سوہو کا سجاول شہر میں بھی پی پی رہنماؤں، کارکنان اور عوام کی جانب سے شاندار استقبال کیا گیا اور مبارکباد دی۔
.ذریعہ: Jasarat News
کلیدی لفظ: انہوں نے کہا پیپلز پارٹی نے کہا کہ عوام کی
پڑھیں:
کیا مِیرا اپنی نئی فلم سلمان خان کے ساتھ کریں گی؟
اداکارہ میرا نے اپنی سوشل میڈیا پوسٹ پر آنے والی نئی فلم کا مبہم اشارہ دیا ہے جس کے لیے بالی ووڈ اسٹار سلمان خان کا بھی شکریہ ادا کیا۔
میرا اپنی اداکاری کے ساتھ ساتھ اپنے بیانات اور انگریزی بولنے کی کوشش میں غلطیوں کے باعث بھی شہرت رکھتی ہیں۔
آج کل میرا ایک اور مبہم پوسٹ ک باعث زیر بحث ہیں جس میں انھوں نے اپنی نئی فلم لانگ ڈسٹنس کا اعلان کا ہے۔
انسٹاگرام پوسٹ میں ادکارہ میرا نے سلمان خان اور ان کے والد سلیم خان کا شکریہ بھی ادا کیا جنھوں نے ان کی فلم کا سکرپٹ پڑھا۔
اداکارہ میرا کے بقول یہ اسکرپٹ نہ دکھائی دینے والی سیاہی (Invisible Ink) سے لکھا گیا تھا۔ انھوں نے کیپٹن نوید اور امریٹس کا بھی شکریہ ادا کیا۔
میرا کی اس مبہم پوسٹ سے یہ گمان بھی ہوتا ہے کہ ان کی فلم Long Distance کے لیے نوید اور ایمریٹس نے سرمایہ کاری کی ہے۔
سوشل میڈیا صارفین بھی اداکارہ میرا کی اس مبہم پوسٹ سے کنفیوژن کا شکار ہوگئے۔ زیادہ تر صارفین نے پوچھا کہ آخر آپ کہنا کیا چاہتی ہیں۔
ایک صارف نے لکھا کہ دنیا اب تک معصوم لوگوں کی وجہ سے قائم ہے جیسے میرا جی!
دوسرے نے مشورہ دیا: "براہ کرم ChatGPT استعمال کریں۔"
اداکارہ میرا نے فلم کے عنوان یا تفصیلات کا ذکر نہیں کیا جس کی وجہ سے ان کے مداح اور ناقدین مزید وضاحت کے منتظر ہیں۔
سندھ طاس معاہدے پر کسی فریق کو یکطرفہ فیصلے کا حق نہیں بلاول بھٹو