الخدمت نے 2024میں خدمات کے کئی سنگ میل عبور کیے : نویدعلی بیگ
اشاعت کی تاریخ: 21st, January 2025 GMT
میری الخدمت ’’اینول کنیکٹ کی تقریب میں چیف ایگزیکٹو الخدمت کراچی نوید علی بیگ‘ راشد قریشی کا ڈائریکٹرز اور الخدمت کے منیجرز اور شعبہ جات کے ذمے داران کے ساتھ گروپ فوٹو
کراچی ) اسٹاف رپورٹر) چیف ایگزیکٹو الخدمت کراچی نوید علی بیگ نے کہا ہے کہ الخدمت نے 2024 میں انسانی خدمت کے لحاظ سے کئی سنگ میں عبورکیے ۔ ’ ’بنو قابل پروگرام‘‘ 2024 میں نوجوانوں کیلئے امید کی کرن ثابت ہو ا۔48ہزاربچوں نے فری آئی ٹی کورسز مکمل کیے۔ بنو قابل 4.
راستوں سے مصر بھجوائی گئیں ۔ الخدمت واحد این جی او ہے جس کا نام مظلوم فلسطینیوں کی خدمت میںپہلے نمبر پر رہا ۔ یہ بات انہوں نے گزشتہ رو ز میری الخدمت ’’ اینول کنیکٹ (Annual Connect (‘‘ 2024-25 کی تقریب سے خطاب کرتے ہوئے کہی۔ تقریب میںالخدمت کے تمام شعبہ جات کے نمایاں کارکنان میں ترقیوں کے مراسلے ،اعزازات اور اسناد تقسیم کی گئیں جبکہ الخدمت کے ’’ واش پروگرام ،آرفن فیملی سپورٹ پروگرام ،مینٹیننس ڈپارٹمنٹ ،بنو قابل ، ڈائیگنوسٹک سروسز اور کمیونٹی سروسز کے شعبہ جات کو سال بھر کی بہترین کارکردگی پر چیمپئنز ٹرافیاںدی گئیں ۔ تقریب سے ایگزیکٹو ڈائریکٹر راشد قریشی نے بھی خطاب کیا ۔ اس موقع پر الخدمت کے صحت کے شعبے کے ڈائریکٹر میڈیکل سروسز ڈاکٹر ثاقب انصاری ،ڈائریکٹر ڈائیگنوسٹک سروسز ڈاکٹر عظیم الدین ،ڈائریکٹر فارمیسی سروسزسید جمشید احمد ،ڈائریکٹر کمیونٹی سروسز قاضی سید صدر الدین ، ڈائریکٹر واش پروگرام گوہر الا سلام ، ڈائریکٹربنو قابل پروگرام فاروق کملانی ،ڈائریکٹر آرفن کیئر پروگرام ومواخات یوسف محی الدین ،چیف فنانشل آفیسر آصف جمال ، تمام پروگرامز ،شعبہ جات کے منیجرز اور ذمہ داران موجودتھے ۔نوید علی بیگ نے کہا کہ وقت تیزی سے وقت گزر رہا ہے۔وقت انسان کیلئے قیمتی ترین چیز ہے۔ دنیاوی لحاظ سے طاقت ور انسان ہو یا عام انسان سب کو 24گھنٹے میسر ہوتے ہیں۔یہ بڑی نعمت ہے۔وقت کا درست اور کارآمد استعمال کر کے ہم آگے بڑھ سکتے ہیںلیکن اس کیلئے ہدف متعین ہونا ضروری ہے۔ انہوں نے بنو قابل پروگرام کے ڈائریکٹر فاروق کملانی اور ان کی ٹیم کو بہترین کارکردگی پر مبارکباد دی ۔انہوں نے کہا کہ 2024میں ہم نے ناظم آباد میں اسٹیٹ آف دی آرٹ ڈائیگنوسٹک لیبارٹری قائم کی ،سال کے آغاز پر موبائل ہیلتھ یونٹ کا افتتاح کیا ،الخدمت خدمات کے شعبے میں بہترین کارکردگی کے ساتھ آگے بڑھی ہے ۔انہوں نے کہا کہ فلسطین میں جنگ بندی کے بعد وہاں بحالی کے کاموں میں کئی سال لگیں گے ۔الخدمت مظلوم فلسطینیوں کی بحالی کیلئے کام کرے گی ۔انہوں نے کہا کہ فلسطینیوں کی مدد کیلئے الخدمت پر ہر طبقہ فکرکے افراد نے اعتماد کیا ۔خواتین کا جذبہ بھی قابل قدر رہا ْ۔ انہوں نے کارکنا ن سے کہا کہ ہمیں ٹیم ورک کی صورت میں کام کرنا ہے اور ’’میری الخدمت ‘‘کے سلوگن کے ساتھ کام کرنا اور آگے بڑھناہے ۔ایگزیکٹو ڈائریکٹر الخدمت راشد قریشی نے کہا کہ الخدمت کے تمام شعبہ جات عوام کی خدمت کررہے ہیں ۔الخدمت کے تمام ڈائریکٹر رضاکارانہ خدمات انجام دیتے ہیں اور یہ اپنے شعبوں کی چنیدہ شخصیات ہیں جو خدمت کے جذبے سے سرشار ہیں۔ انہوں نے کارکنا ن سے کہا کہ خدمت کے کاموں کو مزید بڑھانے کیلئے اپنے اپنے حصہ کا کردار ادا کیا جائے ۔
ذریعہ: Jasarat News
کلیدی لفظ: الخدمت کے نے کہا کہ شعبہ جات انہوں نے خدمت کے
پڑھیں:
پاکستان رینجرز نے سرحد عبور کرنے پر بھارتی فوجی اہلکار کو گرفتار کرلیا
بھارتی بارڈر سیکورٹی فورس کے اہلکار کانسٹیبل پی کے سنگھ کو زیرو لائن عبور کر کے پاکستانی حدود میں ہونے پر پاکستان رینجرز نے گرفتار کر لیا۔
میڈرپورٹس کے مطابق یہ واقعہ جلو کے دونا کے قریبی علاقے میں پیش آیا جہاں بھارتی سپاہی سرحد کی دوسری طرف پا یا گیا۔ابتدائی اطلاعات کے مطابق مذکورہ سپاہی سے تحقیقات جاری ہیں ۔دوسری جانب بھارتی میڈیا نے بھی بی ایس ایف اہلکار کی گرفتاری کی خبر پردعو یٰ کیا ہے کہ بی ایس ایف اہلکار شدید گرمی میں سائے کی تلاش میں سرحد عبور کر گیا۔
افغان طالبان نے امریکی فوج کے چھوڑے گئے 5 لاکھ ہتھیار دہشتگرد گروپوں کو فروخت کر دیے، برطانوی میڈیا کا دعویٰ