قبرستان آنے والے عوام کو ہر ممکن سہولت فراہم کریں ‘سید محمد مظفر
اشاعت کی تاریخ: 22nd, January 2025 GMT
چیئرمین ناظم آباد ٹائون محمد مظفر ‘وائس چیئرمین نعمان صدیقی کے ہمراہ مختلف قبرستانوںکادورہ کررہے ہیں
کراچی (اسٹاف رپورٹر) چیئرمین ناظم آباد ٹائون سید محمد مظفر کاوائس چیئرمین نعمان صدیقی کے ہمراہ ناظم آباد ٹائون میں قائم مختلف قبرستانوں کا دورہ،جس میں پاپوش نگر قبرستان، کھجی گراونڈ قبرستان، اور خاموش کالونی قبرستان شامل ہیں،ا س موقع پر،ڈائریکٹر سینی ٹیشن ظہیر احمد، ڈائریکٹر پارکس آصف حسین، بی اینڈ آر کے عثمان، XEN واٹر اینڈ سیوریج بورڈ کے ظفر ملک و دیگر بلدیاتی افسران بھی موجود تھے،انہوں نے قبرستانوں کی گزرگاہوں پر صفائی ستھرائی،گڑھوں کی بھرائی اور روشنی کے انتظامات کا بھی تفصیلی جائزہ لیا اور موقع پر افسران کو ہدایت جاری کرتے ہوئے کہا کہ عزیز و اقارب کی قبروں پر فاتحہ خوانی کی غرض سے آنے والے افرادکو ہر ممکنہ سہولت فراہم کی جائے، اس سلسلے میں ناظم آبادٹائون کا محکمہ سینی ٹیشن کا عملہ قبرستان اور ان کے اطراف صفائی،ستھرائی،محکمہ پارکس کا عملہ قبرستانوں میں خودرو جھاڑیوں کی چٹھائی، محکمہ الیکٹریکل کا عملہ قبرستانوں کے اطراف روشنی کے مناسب انتظامات کرنے میں مصروف ہے، جبکہ محکمہ بی اینڈ آر کا عملہ قبرستان کو جانے والی گزرگاہوں کی مرمت او درستگی کے کاموں میں مصروف ہے تاکہ عوام کو کسی قسم کی پریشانی و مشکلات نہ پیش آئیں۔
.ذریعہ: Jasarat News
کلیدی لفظ: کا عملہ قبرستان
پڑھیں:
اسپین کے ایک قصبے میں مرنا کیوں منع ہے؟ دلچسپ وجہ
اسپین کے خوبصورت علاقے غرناطہ کے ایک چھوٹے سے قصبے لانخارون میں سنجیدہ انداز میں نہیں بلکہ مزاحیہ انداز میں ایک انوکھا قانون نافذ کیا گیا ہے کہ ’مرنا منع ہے‘۔
یہ دلچسپ فیصلہ 1999 میں اس وقت کے میئر خوسے روبیو نے اس وقت جاری کیا جب قصبے کے قبرستان میں نئی تدفین کے لیے جگہ ختم ہو گئی تھی، میئر کا حکمنامہ کچھ یوں تھا’لخازون میں مرنا ممنوع ہے۔‘
یہ بھی پڑھیں: ’ویر وولف‘ جیسی ایک اور پراسرار مخلوق دیکھے جانے کا دعویٰ
اس اقدام کا مقصد حکام پر دباؤ ڈالنا تھا کہ وہ جلد از جلد نئی جگہ تلاش کریں تاکہ نیا قبرستان بنایا جاسکے۔ اس اعلان پر میئر روبیو نے تبصرہ کرتے ہوئے کہا ’میں صرف ایک میئر ہوں، میرے اوپر خدا ہے، جو اصل میں فیصلے کرتا ہے۔ خوشی کی بات یہ ہے کہ سب نے اس فیصلے کو مزاحیہ انداز میں لیا اور ’پابندی‘ پر عمل کرنے کی خواہش بھی ظاہر کی۔‘
تاہم 26 سال گزرنے کے باوجود آج بھی لانخارون میں صرف ایک ہی قبرستان موجود ہے، اور یہ واضح نہیں کہ جگہ کی کمی کا مسئلہ حل ہو سکا یا نہیں۔
لانخارون کی خاص باتیںیہ قصبہ غرناطہ سے تقریباً 45 کلومیٹر جنوب مشرق میں واقع ہے اور اپنی قدرتی خوبصورتی، پانی کے چشموں اور سفید عمارتوں والے مناظر کی وجہ سے مشہور ہے۔
یہاں کے چشمے معدنیات سے بھرپور ہوتے ہیں جنہیں صدیوں سے علاج کے لیے استعمال کیا جا رہا ہے۔ 18ویں صدی میں قائم کیا گیا مقامی سپا (Balneario) آج بھی سیاحوں کی توجہ کا مرکز ہے۔
لانخارون کی معیشت پانی کی صنعت، زراعت اور سیاحت پر منحصر ہے۔ یہاں بادام، زیتون اور انگور پیدا کیے جاتے ہیں جبکہ مقامی شراب اور گوشت علاقائی خاصیت رکھتے ہیں۔
یہ بھی پڑھیں: پڑوسن کے بلے کو کھانا کھلانے پر تھانہ کچہری، غیرمعمولی کیس کا عجیب انجام
دلچسپ بات یہ ہے کہ لانخارون واحد قصبہ نہیں جہاں ’مرنے پر پابندی‘ ہے۔ ناروے کے علاقے لانگئیربین میں 1950 سے قبرستان میں دفن کرنے پر پابندی ہے۔
وجہ؟ وہاں شدید سرد موسم میں لاشیں سڑتی نہیں تھیں، اور 1917 کے انفلوئنزا وائرس کے زندہ نمونے دوبارہ قبروں سے ملے، جس سے بیماری پھیلنے کا خطرہ بڑھ گیا۔ چنانچہ وہاں بھی نئی تدفین روک دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپین انوکھا قانون قبرستان لانخارون
گستاخ اہل بیت مولوی عطاء اللہ بندیالوی گرفتار