ایم نائن موٹر وے پر مسافر کوچ، ٹرالر میں تصادم، ایک شخص جاں بحق، 12 زخمی
اشاعت کی تاریخ: 22nd, January 2025 GMT
ایم نائن موٹر وے نوری آباد پاور سیمنٹ فیکٹری کے قریب مسافر کوچ اور ٹرالر میں تصادم سے ایک شخص جاں بحق ہوگیا۔
مسافر کوچ پشاور سے کراچی آ رہی تھی کہ حادثے کا شکار ہوگئی۔ کوچ اور ٹرالر کے درمیان تصادم میں ایک مسافر جاں بحق اور 12 زخمی ہوگئے۔ زخمیوں میں خواتین اور بچے بھی شامل ہیں۔ حادثہ مسافر کوچ کی جانب سے اوور ٹیک کرنے کے دوران پیش آیا۔ حادثے میں جاں بحق 60 سالہ مشتاق حسین شاہ پشاور کے رہائشی تھے۔ زخمیوں میں صادق خان ، ارم بی بی، علی رضا، گل ولی، خان محمد، عرفان علی، بلقیس، تاج بی بی، ثمینہ بی بی ، سید عبدالرحیم سمیت دیگر شامل ہیں۔
نوری آباد پولیس نے جاں بحق مسافر کی لاش اور زخمیوں کو ایل ایم یو اسپتال جامشورو منتقل کیا جبکہ مسافر کوچ کو تحویل میں لے کر تھانے منتقل کیا گیا۔ ٹرالر کا ڈرائیور موقع سے فرار ہوگیا۔
.ذریعہ: Express News
پڑھیں:
حاصل پور میں بس اورکار میں تصادم: ایک ہی خاندان کے 5افراد جاں بحق
data-id="863a0a8" data-element_type="widget" data-widget_type="theme-post-content.default">
حاصل پور: صوبہ پنجاب ضلع بھاولنگر کے حاصل پور میں تیز رفتار مسافر بس اور کار میں خوفناک تصادم حادثے میں 3 افراد موقع پر جاں بحق جبکہ 2 افراد اسپتال پہنچ کر دم توڑ گئے واقعہ میں ایک ہی خاندان کی جانیں ضائع ہو گئیں تین زخمیوں کی حالت تاحال تشویشناک ہے۔
ریسکیو ذرائع کے مطابق حادثہ اُس وقت پیش آیا جب مخالف سمت سے آنے والی کار تیز رفتاری کے باعث مسافر بس سے ٹکرا گئی۔
ریسکیو حکام کے مطابق حادثہ چشتیاں روڈ پر اڈا محمد پناہ موڑ کے قریب پیش آیا جہاں تیز رفتار بس اور کار میں شدید تصادم کے نتیجے میں کار میں سوار 8 افراد میں سے 3 افراد موقع پر ہی جاں بحق ہو گئے، جبکہ دو افراد اسپتال میں زخموں کی تاب نہ لاتے ہوئے دم توڑ گئے۔ جاں بحق ہونے والوں میں سردار محمد، ان کی اہلیہ عقیلہ بی بی، بیٹی ماہ نور، بھائی آصف نوید اور بیٹا باسط نوید شامل ہیں۔
حادثے میں شدید زخمی ہونے والوں میں شمیم بی بی، واصف اور اصف شامل ہیں جنہیں تشویشناک حالت میں اسپتال منتقل کر دیا گیا ہے۔
جاں بحق افراد کا تعلق چشتیاں کے نواحی علاقے بخش خان سے بتایا جاتا ہے ریسکیو ٹیموں نے بروقت کارروائی کرتے ہوئے زخمیوں کو اسپتال منتقل کیا، جبکہ پولیس نے بس کو تحویل میں لے کر قانونی کارروائی شروع کر دی ہے۔
اسمارٹ فونز کے زیادہ استعمال سے بچوں کی سیکھنے کی صلاحیت متاثر ہوتی ہے، تحقیق