مریم نواز کا طلباء کو’ لندن یونیورسٹی ‘سے تعلیم دلانے کا بڑا منصوبہ
اشاعت کی تاریخ: 22nd, January 2025 GMT
لاہور(ویب ڈیسک ) وزیر اعلی پنجاب مریم نواز نے یونیورسٹی آف لندن کو کو پنجاب میں دفتر کھولنے کی دعوت دی۔
وزیراعلی مریم نواز شریف نے پنجاب کے بچوں اور بچیوں کو برطانیہ کی عالمی سطح پر معروف ‘لندن یونیورسٹی’ سے تعلیم دلانے کے منصوبے پر کام شروع کردیا۔ مزید بین الاقوامی یونیورسٹیوں کو بھی پنجاب میں لانے کےلئے اقدامات کا آغاز کردیا گیا۔ مریم نواز کی پیشکش پر لندن یونیورسٹی نے لاہور میں تعلیمی سرگرمیاں شروع کرنے پر مفاہمت شروع کردی۔
وزیراعلی مریم نواز شریف کی ہدایت پر سینئروزیر مریم اورنگزیب نے لندن یونیورسٹی کی وائس چانسلر پروفیسر وینڈی تھامسن سے ملاقات کی ۔
لندن یونیورسٹی کی ڈگری پنجاب کے طالب علموں کو ملے گی، سمسٹر ایکسچینج پروگرام کا آغاز کرنے پر تبادلہ خیال کیا گیا۔
مریم نواز نے یونیورسٹی آف لندن کو کو پنجاب میں دفتر کھولنے کی دعوت دی۔ لندن یونیورسٹی کے ماہرین تعلیم کا وفد بھی پروفیسر وینڈی تھامسن کے ہمراہ ہے۔
مریم اورنگزیب نے کہا کہ وزیراعلی مریم نواز شریف ذہین بچوں اور بچیوں کے لیے 30ہزار کی بجاۓ 50 ہزار وظائف دے رہی ہیں، شفاف نظام کے ذریعے دئیے جانے والے وظائف میں سے 60فیصد بچیوں کے لیے ہیں۔
انہوں نے کہا کہ مریم نواز شریف تعلیم کے پورے نظام کو جدید اور بہتر بنا رہی ہیں، نصاب، اساتذہ کی ٹریننگ اور عمارتوں کی بہتری پر توجہ دی جا رہی ہے، وزیراعلی پنجاب کی ہدایت پر مری میں نیشنل یونورسٹی کے قیام پرکام جاری ہے۔
پرفیسر وینڈی تھامسن نے کہا کہ وزیراعلی مریم نواز شریف کی پنجاب میں تعلیم اور گورننس کی بہتری کے اقدامات متاثر کن ہیں۔
واضح رہے کہ لندن یونیورسٹی برطانیہ کے علاوہ 199 ممالک میں تعلیمی خدمات فراہم کر رہی ہے۔
مزیدپڑھیں:سرفراز احمد کی جگہ کوئٹہ گلیڈی ایٹرز کا نیا کپتان کون ہوگا؟
ذریعہ: Daily Ausaf
کلیدی لفظ: وزیراعلی مریم نواز شریف لندن یونیورسٹی
پڑھیں:
پنجاب میں سرکاری ملازمین کو کارکردگی کی بنیاد پر ایڈیشنل پرفارمنس دینے پر غور
وزیراعلیٰ پنجاب مریم نواز شریف نے کہا کہ سرکاری ملازمین کو کارکردگی کی بنیاد پر ایڈیشنل پرفارمنس بونس دینے کا جائزہ لیں گے۔
وزیراعلیٰ پنجاب مریم نواز شریف کی زیر صدارت صوبائی کابینہ کا 27 واں اجلاس ہوا۔ اجلاس کو سینئر منسٹر اور وزیر پلاننگ اینڈ ڈویلپمنٹ مریم اورنگزیب اور فنا نس منسٹر نے تفصیلی بریفننگ دی۔
اجلاس سے وزیراعلیٰ پنجاب مریم نواز شریف نے خطاب کرتے ہوئے کہا کہ جو کامیابی ملی اللہ تعالیٰ نے عطا کی، نیت نیک ہے کام کرتے رہیں گے۔ اقتدار اللہ تعالیٰ کی ا مانت ہے اور مخلوق کی خدمت ہمارا مشن ہے۔ پائی پائی عوام کی امانت ہے اور وہ اللہ تعالیٰ کے سامنے جوابدہ ہیں۔
انہوں نے کہا کہ 2025- 26 کا بجٹ ملکی تاریخ کا بے مثال بجٹ ثابت ہوگا۔ عوامی خدمت کا تاریخی پیکج پیش کر رہے ہیں۔ ہر ڈیپارٹمنٹ سے متعلق اعداد وشمار زبانی یاد ہیں۔ فنانشل ڈسپلن کی وجہ سے گورننس میں بہتری آرہی ہے۔ پنجاب میں مقامی قرضوں کی شرح میں 94 فیصد ریکارڈ کمی آئی ہے۔ صوبائی اسمبلی میں پوری پراگریس پیش کریں گے۔ کتنے فنڈز، کہاں خرچ ہوئے سب بتائیں گے۔
یہ بھی پڑھیے مریم نواز کا بڑا اعلان، پنجاب کے 59 شہروں میں ترقیاتی منصوبے شروع
انہوں نے کہا کہ یہ زیرو ٹیکس بجٹ ہے اور سب سے بڑا ڈویلپمنٹ بجٹ بھی دے رہے ہیں۔ الحمدللہ، سب سے بڑا ترقیاتی فنڈ ہونے کے باوجود، کوئی مالیاتی اسکینڈل سامنے نہیں آیا۔ ای ٹینڈرنگ اور گڈ گورننس کی وجہ سے کوئی اسکینڈل نہیں بنا۔ پچھلا ترقیاتی بجٹ بھی ایک ریکارڈ تھا، اپنے سارے ریکارڈ خود توڑیں گے۔
وزیراعلیٰ نے کہا کہ پنجاب میں 100 نئے اختراعی پروگرام اور پراجیکٹس شروع کیے گئے ہیں جو بذات خود ایک ریکارڈ ہے۔ 700 سڑکیں بن رہی ہیں، ان کی 12ہزار کلو میٹر تعمیر و توسیع ایک بہت بڑا ریکارڈ ہے۔ انہوں نے کہا کہ پوری توجہ عوام پر مرکوز ہے، ہیلتھ اور ایجوکیشن میں آج تک اتنا بجٹ کی کوئی مثال نہیں ملتی۔ دو، چار بڑے پراجیکٹ بنا دیں تو لگتا ہے بڑا کام ہوا ہے لیکن ہم 94 نئے پروگرام لے کر آئے ہیں۔
مریم نواز شریف نے کہا کہ میسر وسائل سے عوام کی خدمت کررہے ہیں۔ کامیابی نیت اور محنت سے ملتی ہیں، اس سال گزشتہ برس سے بھی زیادہ محنت کریں گے۔ عید پر صوبہ بھر میں صفائی کا ریکارڈ قائم کیا۔ ستھرا پنجاب نے ریکارڈ قائم کیے، افسران خود سڑکوں پر نکل آئے، شوق سے کام کیا۔ پنجاب میں ورک ایتھکس تبدیل ہوچکے ہیں۔
وزیراعلیٰ نے اعلان کیا کہ سرکاری ملازمین کو کارکردگی کی بنیاد پر ایڈیشنل پرفارمنس بونس دینے کا جائزہ لیں گے۔ فری میڈیسن ہر جگہ ملیں گی، اس سال اسکولوں میں ضروری سہولتوں کی فراہمی کا ہدف پورا کریں گے۔
یہ بھی پڑھیے وزیراعلیٰ مریم نواز کا آزاد کشمیر اور خیبرپختونخوا کے طلبا کو بھی اسکالرشپس اور لیپ ٹاپس دینے کا اعلان
انہوں نے کہا کہ عوام کی خدمت اور بھرپور تبدیلی کے لیے وقت بہت کم ہے۔ عوام کی خدمت ہماری ذمہ داری ہے۔ 40 ہزار سے زائد گھر 40 سال میں بھی نہیں بن سکے۔ مزدور کو کم از کم اجرت 40 ہزار روپے دی جائے، اجرتوں کا سسٹم ڈیجیٹلائز ہونا چاہیے۔
مریم نواز شریف نے کہا کہ ٹیکس بڑھانا آسان ہے لیکن بڑھانے کی بجائے ٹیکس نیٹ پر توجہ دیں گے۔ پی آر اے کی ریونیو کولیکشن سے خوش نہیں، بہتری کی گنجائش موجود ہے۔ آئی ایم ایف کی شرائط کو بھی پورا کیا اور 740ارب روپے سرپلس بجٹ بھی دیا۔ پنجاب میں ایمرجنسی نافذ کرکے ڈیلیور کیا۔
انہوں نے کہا کہ سینئر منسٹر نے رات بھر جاگ کر کام کیا شاباش دیتی ہوں۔ چیف سیکرٹری اور ان کی پوری ٹیم کو بھی مبارکباد دیتی ہوں، نواز شریف بھی ان کی تعریف کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مریم نواز شریف وزیراعلٰی پنجاب
شوہر کے فراڈ کیس سے میرا کوئی تعلق نہیں، نادیہ حسین