پاکستان، غزہ میں امن و بحالی کے لیے عالمی فورس کا حصہ بننے پر آمادہ
اشاعت کی تاریخ: 28th, October 2025 GMT
بین الاقوامی استحکام فورس میں پاکستان کی ممکنہ شمولیت کے حوالے سے مختلف سطحوں پر غور جاری ہے۔ سفارتی ذرائع کے مطابق پاکستان کا مؤقف ہمیشہ سے اس اصول پر مبنی رہا ہے کہ عالمی امن، انصاف اور انسانی تحفظ کے لیے ہر ممکن کردار ادا کیا جائے، بالخصوص ایسے مواقع پر جہاں مظلوم اقوام کو مدد درکار ہو۔
سیکیورٹی ذرائع کے مطابق غزہ اور فلسطین کے عوام کے تحفظ اور بحالی کے لیے کسی بین الاقوامی طور پر منظور شدہ فورس کی تشکیل ایک ناگزیر ضرورت بن چکی ہے۔ پاکستان سمجھتا ہے کہ مظلوموں کی عملی مدد اور ان کے تحفظ سے بڑھ کر کوئی خدمتِ انسانیت نہیں۔ اگر ایسی فورس جلد تشکیل پاتی ہے تو اس میں ان ممالک کو شامل ہونا چاہیے جن کے دل فلسطینی عوام کے ساتھ یکجہتی اور اخوت کے جذبے سے لبریز ہوں۔
پاکستان ماضی میں بھی فلسطینی عوام کے حقوق کے تحفظ کے لیے بین الاقوامی فورمز پر صفِ اول میں رہا ہے خواہ وہ اقوامِ متحدہ، او آئی سی، عالمی عدالتِ انصاف، یا غزہ امن منصوبے سے متعلق مذاکرات ہوں۔ پاکستان ان 8 مسلم ممالک میں شامل ہے جنہوں نے غزہ امن منصوبے کی حمایت کرتے ہوئے نسل کشی کے خاتمے اور 1967 سے قبل کی سرحدوں پر مبنی 2 ریاستی حل کی توثیق کی تھی۔
اس منصوبے کا ایک اہم پہلو یہ ہے کہ غزہ میں امن و سلامتی کے قیام کے لیے قابض افواج کے بجائے کسی غیر جانبدار اور مؤثر بین الاقوامی فورس کو تعینات کیا جائے تاکہ خطے میں دیرپا استحکام ممکن بنایا جا سکے۔
پاکستان گزشتہ 7 دہائیوں سے اقوامِ متحدہ کے امن مشنز میں فعال شرکت کے ذریعے عالمی امن و سلامتی کے لیے نمایاں خدمات انجام دیتا آرہا ہے اور ہمیشہ ایک ذمہ دار، پرامن اور اصولی ریاست کے طور پر اپنا کردار ادا کیا ہے۔
سیکیورٹی ذرائع کے مطابق اگر پاکستان دیگر مسلم ممالک کے ساتھ مل کر ایسی فورس کا حصہ بنتا ہے جو غزہ میں امن و استحکام، انسانی امداد اور تعمیرِ نو کے اقدامات میں عملی کردار ادا کرے، تو یہ نہ صرف ایک اعزاز بلکہ ایک مقدس قومی و انسانی فریضہ ہوگا۔
پاکستان اپنے فلسطینی بھائیوں اور بہنوں کے ناقابلِ تنسیخ حقِ خودارادیت کے حصول کے لیے اپنے اصولی مؤقف پر قائم ہے اور 2 ریاستی حل کے سوا کسی متبادل پر سمجھوتہ نہیں کرے گا۔ پاکستان ایک ایسی آزاد، خودمختار اور قابلِ بقا ریاستِ فلسطین کا حامی ہے جس کا دارالحکومت القدس الشریف ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: بین الاقوامی کے لیے
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
پاکستان نے ورلڈ کپ 2028 کیلیے براہ راست کوالیفائی کر لیا