پی آئی اے کی نئے گوادر ائرپورٹ سے پہلی بین الاقوامی پرواز روانہ
اشاعت کی تاریخ: 24th, January 2025 GMT
پی آئی اے نے ایک اور تاریخ رقم کردی۔ قومی ائرلائن کی نئے گوادر ائرپورٹ سے پہلی بین الاقوامی پرواز مسقط کے لیے روانہ ہو گئی۔
ترجمان کے مطابق قومی ائرلائن پی آئی اے کا نیو گوادر انٹرنیشنل ائرپورٹ سے بین الاقوامی پروازوں کا باضابطہ آغاز ہوگیا۔ قومی ائرلائن نے اپنی روایت برقرار رکھتے ہوئے نیو گوادر انٹرنیشنل ائرپورٹ سے بین الاقوامی افتتاحی پرواز پی کے 197 نے مسقط کے لیے اڑان بھری۔
بین الاقوامی پرواز 39 مسافروں کو لے کر روانہ ہوئی۔ اس موقع پر گوادر ائر پورٹ پر پی آئی اے کے حکام نے مسافروں کو رخصت کیا۔ پی آئی اے ابتدائی طور پر مسقط کے لیے ہفتہ وار ایک پرواز آپریٹ کرے گی۔
ترجمان کے مطابق پی آئی اے قومی امنگوں اور عوامی ضروریات کے تحت پورے ملک میں فضائی آپریشن فعال کرنے کے لیے متحرک ہے۔
.ذریعہ: Express News
کلیدی لفظ: بین الاقوامی پرواز ائرپورٹ سے پی آئی اے کے لیے
پڑھیں:
روس آئندہ برس بین الاقوامی سیکورٹی فورم کی میزبانی کرے گا
data-id="863a0a8" data-element_type="widget" data-widget_type="theme-post-content.default">
ماسکو (انٹرنیشنل ڈیسک) روسی سلامتی کونسل کے سیکرٹری سرگئی شوئیگو نے اعلان کیا ہے کہ روس آئندہ سال بین الاقوامی سیکورٹی فورم کی میزبانی کرے گا۔ سرگئی شوئیگو نے کہا کہ روس آئندہ سال 26 تا 29 مئی 2026 ء کے درمیان بڑے پیمانے پر بین الاقوامی سیکورٹی فورم منعقد کرے گا۔ یہ اعلان انہوں نے عراقی صدر عبداللطیف راشد سے ملاقات کے دوران کیا۔ انہوں نے کہاکہ روسی فیڈریشن کے صدر نے فیصلہ کیا ہے کہ روس میں اگلے سال سب سے بڑے اور اہم سیکیورٹی فورم کا انعقاد کیا جائے گا، جو عالمی سطح پر سیکورٹی تعاون میں اہم سنگ میل ثابت ہو گا۔اس کے ساتھ ہی انہوں نے یہ بھی بتایا کہ 15 اکتوبر 2025 ء کو ماسکو میں پہلا روس عرب سربراہ اجلاس منعقد کیا جائے گا، جو روس اور عرب دنیا کے درمیان تعاون کے ایک نئے باب کا آغاز ہو گا۔انہوں نے مزید کہا کہ مجھے یقین ہے کہ یہ اعلیٰ سطحی اجلاس عالمی سیاست میں ایک اہم پیش رفت ثابت ہو گا اور روس عرب تعاون کو نئی جہت فراہم کرے گا۔ اس موقع پر انہوں نے یہ بھی اعادہ کیا کہ روس عراق سمیت دیگر شراکت داروں کے ساتھ دو طرفہ تعلقات اور تجارتی روابط کو مزید مضبوط بنانے کے لیے پرعزم ہے۔
دریائے چناب میں سیلابی صورتحال، ٹرین سروس معطل