ملکی ہوائی اڈوں کی توسیع اور اپگریڈیشن کا عمل جاری
اشاعت کی تاریخ: 24th, January 2025 GMT
پاکستان ائیرپورٹس اتھارٹی کی جانب سے ملکی ہوائی اڈوں کی توسیع اور اپگریڈیشن کا عمل جاری ہے۔
پاکستان ائیرپورٹس اتھارٹی کی جانب سے جناح انٹرنیشنل ایئرپورٹ ٹرمینل ون اولڈ ٹرمینل کراچی پر ای کچہری کا انعقاد کیا گیا، جس کی صدارت قائم مقام ڈائریکٹر جنرل (پی اے اے) ایئروائس مارشل ذیشان سعید نے کی۔ ای کچہری میں ان کی معاونت کے لیے ڈپٹی ڈی جی ائیرپورٹس صادق الرحمان اور دیگر اہم ڈائریکٹرز بھی موجود تھے۔
یہ بھی پڑھیں: اسلام آباد انٹرنیشنل ایئرپورٹ کی آؤٹ سورسنگ کا معاملہ کھٹائی کا شکار
اجلاس میں مسافروں کے مسائل اور آپریشنل چیلنجز پر تبادلہ خیال کیا گیا اور (پی اے اے) نے ہوائی اڈوں کی سروسز اور بنیادی ڈھانچے کو بہتر بنانے کے عزم کا اعادہ کیا۔
ڈی جی پی اے اے نے بریفنگ میں بتایا کہ ملکی ہوائی اڈوں کی توسیع اور اپگریڈیشن جاری ہے، بریفنگ میں بتایا گیا کہ پاکستان ایئرپورٹس اتھارٹی کی جانب سے کراچی کے جناح انٹرنیشنل ایئرپورٹ کے دوسرے رن وے کی دوبارہ تعمیرجاری ہے، یہ منصوبہ پاکستان کے مصروف ترین ہوائی اڈے پر آپریشنل کارکردگی اور حفاظت کو بہتر بنانے کے لیے اہم کردار ادا کرے گا۔
یہ بھی پڑھیں: ملک کے تمام ایئرپورٹس پر فلائٹ آپریشنز معمول کے مطابق جاری، پاکستان ایئرپورٹس اتھارٹی
پی اے اے کے مطابق سکھر، اسکردو، اور ڈیرہ غازی خان ایئرپورٹس پر بڑے طیاروں کی پروازوں کو ممکن بنانے کے لیے توسیعی اور اپ گریڈیشن منصوبے جاری ہیں، اس کے علاوہ ڈیرہ اسماعیل خان کے لیے ایک نیا گرین فیلڈ ایئرپورٹ منصوبہ بندی کے مرحلے میں ہے، جو پاکستان کے ہوابازی کے بنیادی ڈھانچے کو مزید بہتر بنانے کی طرف ایک اہم قدم ہے۔
اجلاس میں اسلام آباد ایئرپورٹ پر قطاروں کے انتظامی نظام کی بہتری، ملتان ایئرپورٹ پر پارکنگ کی سہولت کو بہتر بنانے، حیدرآباد اور پاراچنار ایئرپورٹس کے لیے فلائٹ آپریشنز سمیت دیگر معاملات سے متعلق تبادلہ خیال کیا گیا۔
یہ بھی پڑھیں: پاکستان سول ایوی ایشن اتھارٹی کتنے حصوں میں تقسیم ہوگئی؟
ڈی جی پی اے اے نے کہا کہ اتھارٹی ہوائی اڈوں کے انتظامات کو محفوظ، مؤثر اور مسافر دوست بنانے کے لیے پرعزم ہے، ڈائریکٹر جنرل نے مسافروں کی قیمتی آرا کا شکریہ ادا کرتے ہوئے کہا کہ ان کی تجاویز ہوائی اڈوں کی کارکردگی اور خدمات میں مسلسل بہتری کے لیے اہم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اپگریڈیشن ای کچہری پاکستان ایئرپورٹ اتھارٹی جناح انٹرنیشنل ایئرپورٹ کراچی.ذریعہ: WE News
کلیدی لفظ: ای کچہری جناح انٹرنیشنل ایئرپورٹ کراچی انٹرنیشنل ایئرپورٹ بہتر بنانے بنانے کے پی اے اے کے لیے
پڑھیں:
وزیراعظم محمد شہباز شریف سعودی عرب کے سرکاری دورے پر ریاض پہنچ گئے، کنگ خالد ایئرپورٹ پر پرتپاک استقبال
ریاض (اُردو پوائنٹ اخبارتازہ ترین - اے پی پی۔ 17 ستمبر2025ء) وزیراعظم محمد شہباز شریف سعودی ولی عہد شہزادہ محمد بن سلمان کی دعوت پر سعودی عرب کے سرکاری دورے پر ریاض پہنچ گئے۔ کنگ خالد ائیر پورٹ ریاض پہنچنے پر ریاض کے نائب گورنر محمد بن عبد الرحمن بن عبدالعزیز، پاکستان میں سعودی عرب کے سفیر نواف بن سعید المالکی، پاکستان کے سعودی عرب میں سفیر احمد فاروق اور اعلیٰ سفارتی حکام نے وزیراعظم اور پاکستانی وفد کا پرتپاک استقبال کیا۔ وزیرِ اعظم کی ریاض آمد پر پورے شہر میں سبز ہلالی پرچم لہرا رہے تھے۔ اس موقع پر وزیراعظم کو 21 توپوں کی سلامی پیش کی گئی اور سعودی عرب کی مسلح افواج کے چاق و چوبند دستے نے انہیں گارڈ آف آنر پیش کیا۔ قبل ازیں وزیراعظم محمد شہباز شریف کے طیارے کا سعودی عرب کی فضائی حدود میں داخلے پر سعودی فضائیہ کے لڑا کا طیاروں نے شاندار استقبال کیا ۔(جاری ہے)
وزیراعظم کا طیارہ جیسے ہی سعودی فضائی حدود میں داخل ہوا تو سعودی فضائیہ کے ایف 15 لڑاکا طیاروں نے وزیراعظم کے طیارے کو اپنے حصار میں لے لیا۔ وزیراعظم نے سعودی عرب کی فضائی حدود میں بھرپور استقبال پر سعودی عرب کے فرمانروا خادم الحرمین الشریفین شاہ سلمان بن عبدالعزیز اور ولی عہد و وزیراعظم شہزادہ محمد بن سلمان کا شکریہ ادا کیا۔سعودی عرب کے سرکاری دورے کے دوران نائب وزیراعظم و وزیرِ خارجہ محمد اسحاق ڈار، وزیرِ دفاع خواجہ محمد آصف، وزیرِ خزانہ محمد اورنگزیب، وزیرِ اطلاعات و نشریات عطاء اللہ تارڑ ، وزیر ماحولیات مصدق ملک اور معاون خصوصی طارق فاطمی بھی وزیرِ اعظم کے ہمراہ ہیں۔وزیرِاعظم محمد شہباز شریف ،سعودی ولی عہد شہزادہ محمد بن سلمان سے ملاقات کیلئے شاہی دیوان، قصر یمامہ جائیں گے۔ قصر یمامہ میں وزیراعظم اور پاکستانی وفد کا باضابطہ استقبال ہوگا۔دوطرفہ ملاقات میں پاکستان سعودی عرب تعلقات کے تمام پہلوؤں کا تفصیلی جائزہ لیا جائے گا۔ دونوں رہنما باہمی دلچسپی کی علاقائی اور عالمی پیشرفت پر بھی تبادلہ خیال کریں گے۔ دورے کے دوران پاکستان اور سعودی عرب کے مابین مختلف شعبوں میں تعاون کو عملی جامہ پہنانے کے حوالے سے باضابطہ پیشرفت متوقع ہے جو دونوں ممالک کے دیرینہ برادرانہ تعلقات کے مزید فروغ کے لئے مشترکہ عزم کی عکاسی کرتی ہے۔\932
اسپیکر خیبرپختونخوا اسمبلی نے اپنی ہی حکومت کی کارکردگی پر سوالات اٹھادیے