حکومت آج جوڈیشل کمیشن کا اعلان کرے، مذاکرات کل شروع ہو جائیں گے، علی محمد خان
اشاعت کی تاریخ: 24th, January 2025 GMT
پاکستان تحریک انصاف (پی ٹی آئی) کے سینیئر رہنما علی محمد خان نے کہا ہے کہ حکومت مذاکرات میں سنجیدگی نہیں دکھائی دی، آج جوڈیشل کمیشن کے قیام کا اعلان کر دیں کل مذاکرات شروع ہو جائیں گے، حکومت نے جان بوجھ کر مذاکراتی عمل کا ماحول خراب کیا۔
جمعہ کو ایک ٹی وی انٹرویو میں پی ٹی آئی رہنما علی محمد خان نے کہا کہ مذاکرات کا آغاز پی ٹی آئی نے شروع کیا تھا لیکن پی ٹی آئی کے ورکرز کو فوجی عدالتوں سے سزائیں سنائی گئیں، بانی پی ٹی آئی عمران خان کو 190 ملین پاؤنڈز کیس میں سزا سنائی گئی، پی ٹی آئی کی قیادت کو عمران خان کے ساتھ ملنے کی اجازت نہ دے کر سارا ماحول خراب کیا گیا۔
انہوں نے کہا کہ پی ٹی آئی کی جانب سے مذاکراتی کمیٹی کے اہم ترین ممبر حامد رضا کو گرفتار کرنے کی کوشش کی گئی، ان کے مدرسے پر حملے کیا گیا، حکومت نے یہ تمام تر اقدامات اٹھا کر مذاکرات کا ماحول خراب کر دیا۔
علی محمد خان نے کہا کہ پاکستان تحریک انصاف مذاکرات کے خلاف نہیں، مذاکرات تو آگے بھی ہونے ہیں لیکن بانی پی ٹی آئی عمران خان نے گفتاً، نشستاً، برخاستاً والے مذاکرات سے انکار کر دیا ہے تاہم حکومت آج 26 مئی کے ڈی چوک سانحہ پر جوڈیشل کمیشن بنانے کا اعلان کرے تو مذاکرات کل شروع ہو سکتے ہیں۔
انہوں نے آج رات ہی اعلان کر دیں کہ جو کچھ 26 نومبر کو ہوا اس کی ایک آزاد اور غیر جانبدار عدلیہ کے ذریعے تحقیقات ہوں گی تو مذاکرات بحال ہو جائیں گے۔
ان کا کہنا ہے کہ بولنا اور لکھنا ایک ہی بات ہے، حکومتی کمیٹی کے ترجمان اور کمیٹی کے ممبران نے مذاق اڑیا، جوڈیشل کمیشن کے بارے میں اس طرح بات کی گئی جیسے خدانخواستہ ہم کوئی فیور لینا چاہتے ہیں۔
علی محمد نے کہا کہ اگر حکومت کا دامن صاف ہے تو ہمیں نہیں شہباز شریف کہ یہ کہنا چاہیے تھا کہ جوڈیشل کمیشن بنایا جائے، لیکن یاد رکھیں نظام کے اندر سے انصاف ملنا بند ہو چکاہے، یہ ظلم سدا نہیں رہے گا، یہ پیکا کا قانون لے آئے ہیں، فکر اس کو ہو گی جو حق پر نہیں ہو گا، عمران خان کے ساتھ تو عوام ہے اور وہ حق پر ہیں۔
انہوں نے کہا کہ بانی پی ٹی آئی عمران خان ڈٹے ہوئے ہیں وہ پارٹی کارکنوں کو حوصلہ دیتے ہیں کہ حوصلہ رکھیں سب بہتر ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعلان اعلانات پی ٹی آئی جوڈیشل کمیشن شہباز شریف علی محمد خان عمران خان کمیٹی مذاکرات وی نیوز.
ذریعہ
ذریعہ: WE News
کلیدی لفظ: اعلان اعلانات پی ٹی ا ئی جوڈیشل کمیشن شہباز شریف علی محمد خان کمیٹی مذاکرات وی نیوز جوڈیشل کمیشن علی محمد خان پی ٹی ا ئی نے کہا کہ اعلان کر
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم