پاک ویسٹ انڈیز سیریز کے دوسرے ٹیسٹ میں نیا عالمی ریکارڈ بن گیا
اشاعت کی تاریخ: 25th, January 2025 GMT
پاکستان اور ویسٹ انڈیز کے درمیان 2 میچوں کی ٹیسٹ سیریز کے دوسرے میچ میں ٹیسٹ کرکٹ کی تاریخ میں ایک ہی روز میں 20 وکٹیں گرنے کا نیا عالمی ریکارڈ بن گیا ہے۔
یہ ٹیسٹ کرکٹ کی تاریخ کا پہلا واقعہ ہے کہ کسی بھی ٹیسٹ میچ میں انتہائی محدود اوورز میں ہی حریف ٹیمیں اپنی پوری 20 وکٹیں گنوا بیھٹیں، اس کے ساتھ ہی ملتان کرکٹ گراؤنڈ کی پچ پر بولرز کا غلبہ بھی کھل کر سامنے آیا۔
پاکستان اور ویسٹ انڈیز کی کرکٹ ٹیموں کے درمیان ملتان کرکٹ اسٹیڈیم میں کھیلے گئے دوسرے ٹیسٹ میچ کے پہلے روز ہی دونوں ٹیموں کے بلے باز بولرز کے سامنے مکمل بے بس نظر آئے، یہ ٹیسٹ میچ ایک ہی روز میں دونوں ٹیموں کی تیزی سے وکٹیں گرنے کا ناقابل فراموش منظر بن گیا۔
میچ کے آغاز میں ہی ویسٹ انڈیز کی ٹیم اپنی پہلی اننگز میں 163 رنز بنا کر آؤٹ ہو گئی۔ جواب میں پاکستان کو بھی اسی طرح کی صورتحال کا سامنا کرنا پڑا اور اس نے صرف 154 رنز پر تمام 10 وکٹیں گنوا دیں۔
پہلے دن وکٹوں کے ڈرامائی انداز میں گرنے کے باعث انہی دونوں حریفوں کے درمیان پہلے ٹیسٹ سیریز کے دوسرے دن کم ترین اوورز میں 20 وکٹیں گرنے کے قائم کردہ ریکارڈ کے قریب پہنچا دیا ہے، جہاں پہلے ٹیسٹ میچ میں دو روز میں ہی 19 وکٹیں گر چکی تھیں، اس میچ میں پاکستان اور بنگلہ دیش کے درمیان 2004 کے سنسنی خیز ملتان ٹیسٹ میچ میں کم ترین گیندیں کھیل کر زیادہ سے زیادہ وکٹیں گرنے کا ریکارڈ توڑ دیا تھا۔ بنگلہ دیش اور پاکستان کے درمیان اس ٹیسٹ میچ میں دوسرے روم کے کھیل میں 18 وکٹیں گر گئی تھیں۔
پہلے ٹیسٹ میچ میں ویسٹ انڈیز کو اسی پچ پر پاکستان کے ہاتھوں 127 رنز سے شکست کا سامنا کرنا پڑا تھا، دوسرے ٹیسٹ کے پہلے روز پاکستان کے اسپنر نعمان علی کی شاندار 6 وکٹوں کی بدولت کیریبین ٹیم صرف 163 رنز پر آؤٹ ہوگئی، اس میں نعمان علی کی ہیٹرک بھی شامل ہے۔
پاکستان کا جواب بھی زیادہ بہتر نہیں رہا کیونکہ وہ ویسٹ انڈیز کے اسکور سے صرف 9 رنز پیچھے رہ کر 154 رنز پر ڈھیر ہو گئی۔
ویسٹ انڈیز کی جانب سے جومیل واریکن اور گڈاکیش موتی نے بالترتیب 4 اور 3 وکٹیں حاصل کر کے پاکستان کی اننگز کا خاتمہ کیا۔
میچ کے دوسرے روز ویسٹ انڈیز کی ٹیم اپنی دوسری اننگز کا آغاز صرف 9 رنز کی معمولی برتری کے ساتھ کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپنر پاکستان تاریخ ٹیسٹ کرکٹ جومیل ساجد خان عالمی ریکارڈ گڈاکیش موتی ملتان ٹیسٹ نعمان علی نیا ہیٹرک واریکن وکٹیں وی نیوز ویسٹ انڈیز.ذریعہ: WE News
کلیدی لفظ: پاکستان تاریخ ٹیسٹ کرکٹ جومیل عالمی ریکارڈ ملتان ٹیسٹ نعمان علی نیا ہیٹرک واریکن وکٹیں وی نیوز ویسٹ انڈیز ویسٹ انڈیز کی ٹیسٹ میچ میں وکٹیں گرنے کے درمیان کے دوسرے
پڑھیں:
سی پیک فیز ٹو کا آغاز ہو چکا، چین نے کبھی کسی دوسرے ملک سے تعلق نہ رکھنے کی شرط نہیں لگائی، احسن اقبال
وفاقی وزیر پلاننگ و ڈیولپمنٹ احسن اقبال نے کہا ہے کہ سی پیک فیز ٹو کا باضابطہ آغاز ہو چکا ہے، چین کو ہم نے دو اسپشل اکامک زونز آفر کیے ہیں، اس پر اب ان کی ٹیکنیکل ٹیم پاکستان آ کر جائزہ لے گی۔
نجی ٹی وی کو انٹرویو دیتے ہوئے انہوں نے کہاکہ چین نے کبھی ہم پر یہ شرط نہیں لگائی کہ ہم سے تعلقات رکھنے کے لیے کسی دوسرے کی طرف نہ جائیں، بلکہ وہ ہمیشہ یہ کہتے ہیں کہ آپ تمام ممالک سے تعلقات بہتر بنا کر اپنی اقتصادی حالت کو بہتر بنائیں۔
مزید پڑھیں: پاکستان کی معاشی ترقی میں سی پیک کا اہم کردار ہے، چینی قونصل جنرل
انہوں نے کہاکہ سی پیک فیز ون میں 25 ارب ڈالر کی سرمایہ کاری پاکستان آئی، لیکن پی ٹی آئی کے دور حکومت میں اس منصوبے کو بھی نشانہ بنایا گیا۔
انہوں نے کہاکہ سی پیک فیز ٹو میں انفراسٹرکچر کی تعمیر نہیں ہوگی، بلکہ دیگر منصوبے لگیں گے، جن میں پاکستانی نوجوانوں کی آئی ٹی سیکٹر میں تربیت بھی شامل ہے۔
احسن اقبال نے کہاکہ بیرونی سرمایہ کاری کا دارومدار ملکی حالات پر ہوتا ہے، اگر ملک میں سیاسی افراتفری ہوگی، اور دہشتگری کا خاتمہ نہیں ہوگا، تو پھر ایسے کون اپنا سرمایہ لگائے گا۔
انہوں نے کہاکہ ہم ملک میں سیاسی استحکام لانے کے لیے کردار ادا کررہے ہیں، لیکن تالی ہمیشہ دونوں ہاتھوں سے بجتی ہے، اپوزیشن کو بھی اس سلسلے میں اپنا کردار ادا کرنا چاہیے۔
وفاقی وزیر نے کہاکہ سہیل آفریدی خیبرپختونخوا کے وزیراعلیٰ ہیں، انہیں اپنی ذمہ داری کا علم ہونا چاہیے، ان کے قومی فرائض کا سیاسی معاملات سے کوئی تعلق نہیں۔
انہوں نے کہاکہ حکومت کی کوشش ہے کہ بیرونی حمایت یافتہ دہشتگردی کا خاتمہ کیا جائے اور بلوچستان میں امن قائم ہو۔ 2013 میں جب ہم آئے تو بلوچستان میں حالات بہت خراب تھے، لیکن پھر ہم نے صورت حال کنٹرول کیا۔
احسن اقبال نے کہاکہ پی ٹی آئی دور میں جہاں معیشت کا بھٹہ بٹھایا گیا وہیں ان کے دور میں دہشتگردی واپس آئی، پاکستان میں ہونے والی دہشتگردی کے تانے بانے افغانستان سے جا کر ملتے ہیں۔
انہوں نے کہاکہ افغانستان کی ذمہ داری ہے کہ وہ اپنی سرزمین کو پاکستان کے خلاف استعمال ہونے سے روکے، ہم نے 40 لاکھ افغان مہاجرین کو اپنے ملک میں پناہ دی۔
یہ بھی پڑھیں: اگر بھارت نے پاکستان پر حملے کے لیے افغانستان کا استعمال کیا تو منہ توڑ جواب دیا جائے گا، پاکستان
ایک سوال کے جواب میں انہوں نے کہاکہ معرکہ حق نے پاکستان کی پروفائل کو یکسر بدل کر رکھ دیا، جس کا کریڈٹ سپہ سالار فیلڈ مارشل عاصم منیر کو جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احسن اقبال پاک افغان تعلقات دہشتگردی سی پیک فیز ٹو فیلڈ مارشل عاصم منیر وزیر پلاننگ وی نیوز
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا