حماس کا اعلی سطحی وفد مصر روانہ
اشاعت کی تاریخ: 25th, January 2025 GMT
حماس کے ترجمان حازم قاسم نے مزید کہا کہ حماس کی قیادت کا وفد دشمن کی جیلوں سے مزید قیدیوں کی رہائی کے معاملے پر مصری قیادت سے بات چیت کرے گا۔ اسلام ٹائمز۔ فلسطین کی اسلامی تحریک مزاحمت حماس کے ترجمان حازم قاسم نے بتایا ہے کہ جماعت کی اعلیٰ سطحی قیادت کا وفد قیادت کونسل کے سربراہ اور تحریک کی شوری کونسل کے سربراہ مجاہد محمد درویش کی سربراہی میں مصر روانہ ہوا ہے۔ حازم قاسم نے مزید کہا کہ حماس کی قیادت کا وفد دشمن کی جیلوں سے مزید قیدیوں کی رہائی کے معاملے پر مصری قیادت سے بات چیت کرے گا۔ اس سے قبل حماس نے معاہدے کو نافذ کرنے میں کسی بھی رکاوٹ اور باقی مراحل پر اس کے مضمرات پر قابض اسرائیل کو ذمہ دار قرار دیا۔ حماس نے ہفتے کی شام ایک بیان میں کہا کہ قابض ریاست ابھی بھی جنگ بندی کی شرائط اور قیدیوں کے تبادلے کے نفاذ میں خلل ڈال رہی ہے، وہ الراشید اسٹریٹ کی بندش کو جاری رکھے ہوئے ہے اور جنوب سے شمال تک بے گھر ہونے والے پیادہ شہریوں کی واپسی روک رہی ہے۔
.ذریعہ: Islam Times
پڑھیں:
ویسٹ انڈیز سیریز: پاکستان کرکٹ ٹیم میں ایک سے دو تبدیلیوں کا امکان
کراچی:ویسٹ انڈیز کیخلاف سیریز کیلئے پاکستان کرکٹ ٹیم میں ایک سے دو تبدیلیوں کا امکان ہے۔
پاکستان اور ویسٹ انڈیز کے درمیان تین میچوں پر مشتمل ٹی 20 سیریز یکم، 3 اور 4 اگست کو لاڈر ہل، فلوریڈا میں کھیلی جائے گی۔ سیریز کے لیے قومی کرکٹ ٹیم دبئی کے راستے امریکہ روانہ ہو گی۔
ذرائع کے مطابق قومی اسکواڈ میں ایک سے دو تبدیلیوں کا امکان ہے جن میں فاسٹ باؤلر حارث رؤف کی شمولیت بھی متوقع ہے۔ ٹیم انتظامیہ کھلاڑیوں کی فٹنس اور کارکردگی کو مدنظر رکھتے ہوئے حتمی فیصلے کرے گی۔
قومی ٹی 20 ٹیم دو گروپوں میں دبئی روانہ ہو رہی ہے۔ پہلا گروپ آج شام ساڑھے سات بجے ڈھاکا سے روانہ ہو گا، جب کہ دوسرا گروپ کل بنگلہ دیش سے دبئی جائے گا۔
دبئی میں مختصر قیام کے بعد ٹیم امریکہ کے لیے روانہ ہوگی جہاں وہ فلوریڈا میں تین میچز کھیلے گی۔
باجوڑ میں اے این پی رہنما مولانا خان زیب کے قتل کا مقدمہ درج کر لیا گیا