دنیا میں چیلنجز کا مقابلہ کر نے کیلیے جدید تعلیم کا ہو نا ضروری ہے
اشاعت کی تاریخ: 27th, January 2025 GMT
سبی(آئی این پی) وفاقی پارلیمانی سیکرٹری پیٹرولیم و انرجی پاکستان مسلم لیگ ن کے مرکزی رہنما وڈیرہ میاں خان بگٹی نے کہا ہے کہ دنیا میں چیلنجز کا مقابلہ کر نے کے لیئے جدید تعلیم وہنر کا ہو نا بیحد ضروری ہے وہی ملک وقوم ترقی کرتی ہے جنہوں نے اپنا وقت علم وہنر حاصل کرنے میں استعمال کیا بلوچستان پولیس فاأنڈیشن ووکیشنل ٹریننگ سینٹر سبی شہداء کی بچیوں کو علم وہنر کی تعلیم دیکر ان کو تعلیم و ہنر یافتہ بناکر انسانیت کی خدمت کررہا ہے ان خیالات کا اظہار انہوں نے بلوچستان پولیس فاؤنڈیشن ووکیشنل ٹریننگ سینٹر سبی کی پرنسپل نازیہ نصیر سے گفتگو کرتے ہوئے کیا اس موقع پر پاکستان مسلم لیگ ن لیبر ونگ کے صوبائی صدر منیر احمد مسوری بگٹی فوکل پرسن و سینئر صحافی ظہور احمد مگسی ، پی ایس عبدالرحمان بگٹی بھی موجود تھے قبل ازین پرنسپل نازیہ نصیر نے بلوچستان پولیس فاؤنڈیشن ووکیشنل ٹریننگ سینٹر سبی میں مختلف کورسز اور تربیت کے حوالے سے بھی تفصیلی آگہی فراہم کی اس موقع پر پاکستان مسلم لیگ ن کے مرکزی رہنما و فاقی پارلیمانی سیکرٹری وڈیرہ میاں خان بگٹی کا کہنا تھا کہ ہم ان شہداء کے بچے بچیوں کو عزت واحترام کی نگاہ سے دیکھتے ہیں جنہوں نے اس وطن کی حفاظت اور عوام کو پرسکوں ماحول کی فراہمی میں اپنی جانوں کے نذرانے پیش کرکے امن و خوشحالی کے چراغ روشن کیے آج وہ ہمارے درمیاں نہیںمگر ملک وقوم کے لئے ان کی دی جانے والی قربانیاں کسی صورت ر رائیگان نہیں جانے دیں گے ملک وقوم سمیت امن ترقی خوشحالی کے دشمنوں کو ان کی تمام سازشوں کے ہمراہ افواج پاکستان کے شانہ بشانہ کھڑے ہوکر ناکام بنائیں وڈیر میاں خان بگٹی کا کہنا تھا کہ بلوچستان پولیس فاؤنڈیشن ووکیشنل ٹریننگ سینٹر سبی شہداء کی بچیوں کو قرآن پاک و کیمپوٹرز کی تعلیم سمیت دیگر ہنر سیکھا کران کو باعزت روزگار کی فراہمی میں اپنا مثبت کردار ادا کررہا ہے جس قابل تعریف عمل ہے مو جو دہ دور میں جدید چیلنجز کا مقابلہ کر نے کے لیئے طلباء و طا لبات اپنی تمام صلا حیتوں کو بروئے کار لائیں سبی سمیت چستان ایک پسما ندہ صوبہ ہے اس صو بے میں طلباء و طا لبات کو وہ سہو لیات میسر نہیں جو دیگر صو بوں کے طلباء و طا لبات کو میسر ہیں لیکن سبی سمیت صو بے کے طلباء و طا لبات میں بہت زیا دہ ٹیلنٹ ہے سبی سمیت بلوچستان کے محنتی بچے وبچیوں کو علم وہنر کی فراہمی کے لئے تمام وسائل بروئے کار لائیں گے پاکستان مسلم لیگ ن بلوچستان کو علم وہنر کے حوالے سے ترقی دینے کے لئے بھرپور انداز میں اپنی جدوجہد جاری رکھے ہوئے ہے انشاء اللہ وہ وقت دور نہیں جب سبی سمیت بلوچستان کے طلباء وطالبات اپنی صلاحیتوں سے ملک وقوم کا نام روشن کریں گے ۔
.ذریعہ: Jasarat News
کلیدی لفظ: پاکستان مسلم لیگ ن طلباء و طا لبات بلوچستان پولیس سبی سمیت ملک وقوم علم وہنر
پڑھیں:
ملک میں توانائی، آئی ٹی اور معدنیات سمیت مختلف شعبوں میں سرمایہ کاری کے بے پناہ مواقع ہیں: احسن اقبال
وفاقی وزیر منصوبہ بندی و ترقی احسن اقبال کا کہنا ہے کہ ترقی کا سفر نہ روکا جاتا تو ہم دنیا کی ساتویں بڑی معیشت ہوتے۔ ملک میں توانائی، آئی ٹی اور معدنیات سمیت مختلف شعبوں میں سرمایہ کاری کے بے پناہ مواقع ہیں۔پاکستان کا محل وقوع اسے دنیا میں منفرد بناتا ہے، پاکستان وسطی ایشیا، جنوبی ایشیا اور مشرق وسطی کے درمیان تجارتی حب بن سکتا ہے۔ پیر کو ایکسپو سینٹر کراچی میں میری ٹائم ایکسپو کی افتتاحی تقریب سے خطاب کرتے ہوئے انہوں نے کہا کہ میری ٹائم ایکسپو میں تمام مندوبین کو خوش آمدید کہتا ہوں، پاکستان نے میری ٹائم کے شعبے میں بہت ترقی کی ہے۔احسن اقبال کا کہنا ہے کہ ہمیں سمندری حیاتیات کے تحفظ کے لیے مزید کام کرنا ہوگا، پاکستان کا محل وقوع اسے دنیا میں منفرد بناتا ہے، پاکستان وسطی ایشیا، جنوبی ایشیا اور مشرق وسطی کے درمیان تجارتی حب بن سکتا ہے۔انہوں نے کہا کہ پاکستان مختلف شعبوں میں سرمایہ کاروں کے لیے پرکشش مقام ہے۔ توانائی، آئی ٹی اور معدنیات سمیت مختلف شعبوں میں سرمایہ کاری کے بے پناہ مواقع ہیں۔وفاقی وزیر کا کہنا تھا کہ پورٹ قاسم سمیت تمام بندرگاہوں کو جدید بنا رہے ہیں، پاکستان دنیا کے لیے سمندری ٹریڈ روٹ ثابت ہو گا۔
ملک میں تعلیمی نظام طبقاتی و استحصالی ہے‘ 6 کروڑ نوجوان بیروزگار ہیں‘حافظ نعیم الرحمن