ایک بیوی والے مرد کیاکام کرتے ہیں ؟اقرارالحسن کی اہلیہ فرح اقرار نے اندر کی بات بتادی
اشاعت کی تاریخ: 28th, January 2025 GMT
لاہور(نیوز ڈیسک)سابق نیوز اینکر فرح اقرار نے دعویٰ کیا ہے کہ جن مردوں کی ایک ہی بیوی ہوتی ہے، ان کے افیئرز چل رہے ہوتے ہیں اور ان کی بیویاں بھی انہیں ایسا کرنے کی اجازت دے دیتی ہیں۔
فرح اقرار نے حال ہی میں رابی پیرزادہ کے پوڈکاسٹ میں شرکت کی، جہاں انہوں نے شوہر کی ایک سے زائد شادیوں سمیت مردوں کی زائد شادیوں پر کھل کر بات کی۔
دوران پروگرام انہوں نے اس تاثر کو مسترد کیا کہ انہیں نہیں لگتا کہ ان کے شوہر کی دونوں بیویاں ان کے خلاف ہوگئی ہیں، وہ ایسی غلط اور منفی سوچ ہی نہیں رکھتیں۔
انہوں نے بتایا کہ آج کل ان کے شوہر اپنی دونوں بیویوں اور بیٹے کے ہمراہ بیرون ملک دورے پر ہیں لیکن انہیں اس سے کوئی مسئلہ نہیں۔
فرح اقرار کا کہنا تھا کہ جب انہوں نے ٹی وی میزبان اقرار الحسن سے دوسری شادی کی تو ممکن ہے کہ ان کے شوہر کی پہلی بیوی کو برا لگا ہو لیکن انہیں شوہر کی تیسری شادی سے کوئی مسئلہ نہیں۔
انہوں نے کہا کہ وہ پہلے بھی کہتی رہی ہیں کہ انہیں شوہر کی شادیوں سے کوئی مسئلہ نہیں، جب خدا نے مرد کو ایک سے زائد شادیوں کی اجازت دی ہے تو وہ انہیں روکنے والی کون ہوتی ہیں؟
انہوں نے اس تاثر کو مسترد کیا کہ ان کے شوہر کی باقی دونوں بیویاں ان کے خلاف ہیں۔ فرح اقرار نے ایک بار پھر کہا کہ اگر ان کے شوہر چوتھی شادی بھی کرنا چاہیں گے تو انہیں کوئی مسئلہ نہیں ہوگا۔
اسی حوالے سے بات کرتے ہوئے ان کا کہنا تھا کہ یہ تاثر غلط ہے کہ جس کے پاس پیسا آتا ہے، وہی مرد ایک سے زائد شادیاں کرتا ہے، زیادہ شادیوں کا تعلق پیسے سے نہیں۔
ان کے مطابق مرد کی خواہش ہوتی ہے کہ وہ ایک سے زائد شادیاں کرے اور ان کی یہ بھی خواہش ہوتی ہے کہ خواتین ان کے ارد گرد ہوں۔
فرح اقرار نے محتاط انداز میں کہا کہ جن مردوں کی ایک ہی بیوی ہوتی ہے، ان کے غیر ازدواجی تعلقات چل رہے ہوتے ہیں اور انہیں اپنی بیویاں ہی افیئرز کی اجازت دیتی ہیں۔
ان کا کہنا تھا کہ ممکن ہے کہ ان کی بات بہت سارے افراد کو بری لگے لیکن سچ یہی ہے کہ جن کی ایک ہی بیوی ہوتی ہے، ان کے افیئرز چل رہے ہوتے ہیں۔
فرح اقرار کے مطابق بیویاں ہی اپنے شوہروں کو کہتی ہیں کہ گرل فرینڈ رکھ لو، افیئرز کرلو لیکن گھر میں دوسری بیوی نہیں لانا۔
خیال رہے کہ فرح اقرار کے شوہر ٹی وی میزبان اقرار الحسن نے تین شادیاں کر رکھی ہیں اور وہ اپنی شادیوں کے حوالے سے خبروں میں رہتے ہیں۔
View this post on InstagramA post shared by Farah Iqrar (@fara_yousaf)
مزیدپڑھیں:نادرا کا خصوصی افراد اور اعضاء عطیہ کرنے والوں کے لیے منفرد شناختی کارڈ کا اعلان
ذریعہ: Daily Ausaf
کلیدی لفظ: کوئی مسئلہ نہیں ایک سے زائد ان کے شوہر انہوں نے ہوتی ہے شوہر کی کی ایک
پڑھیں:
ہمایوں سعید اپنی بیوی کے پاؤں کیوں دباتے ہیں؟ اداکار نے خود انکشاف کردیا
پاکستانی فلم انڈسٹری کے معروف اداکار ہمایوں سعید نے اپنی ازدواجی زندگی کے کچھ انوکھے اور دلچسپ پہلوؤں سے پردہ اٹھاتے ہوئے انکشاف کیا ہے کہ وہ اپنی اہلیہ کے پاؤں تک دباتے ہیں۔
ہمایوں سعید نے اپنی اہلیہ ثمینہ احمد کے ساتھ تعلقات پر بات کرتے ہوئے انہوں نے بتایا کہ شادی کے ابتدائی دنوں میں محبت اتنی گہری نہیں تھی، لیکن وقت کے ساتھ یہ رشتہ مضبوط سے مضبوط تر ہوتا گیا۔
ہمایوں نے مسکراتے ہوئے ایک دلچسپ شکایت کی کہ ان کی بیوی نے آج تک ان سے ’’آئی لو یو‘‘ نہیں کہا، حالانکہ وہ ہمیشہ ان کا خیال رکھتی ہیں۔ ’’میں خود اکثر انہیں فون پر ’آئی لو یو‘ اور ’آئی مس یو‘ کہتا ہوں، لیکن ان کی طرف سے ایسا کوئی جواب نہیں آتا‘‘۔
اداکار نے زور دے کر کہا کہ حقیقی محبت صرف الفاظ تک محدود نہیں ہوتی۔ ’’محبت میں عزت اور بھروسہ ضروری ہے۔ میں اپنی بیوی سے صرف زبانی نہیں، بلکہ اپنے رویے اور عمل سے بھی محبت کا اظہار کرتا ہوں‘‘۔
ہمایوں نے اپنی ازدواجی زندگی کا ایک مزیدار واقعہ بھی شیئر کیا۔ انھوں نے بتایا کہ ’’جب میری بیوی ناراض ہوتی ہیں، چاہے غلطی میری نہ بھی ہو، میں انہیں منانے کےلیے ان کے پاؤں تک دبا لیتا ہوں۔ میں معافی مانگتا ہوں اور جب تک وہ راضی نہ ہوجائیں، ان کے پاؤں دباتا رہتا ہوں‘‘۔
یہ انکشافات ہمایوں سعید نے ایک انٹرویو کے دوران کیے، جہاں انہوں نے اپنی شادی کے ابتدائی دنوں سے لے کر موجودہ دور تک کے سفر پر روشنی ڈالی۔ ان کا کہنا تھا کہ آج ان کی زندگی کا تصور بھی اپنی اہلیہ کے بغیر ادھورا لگتا ہے۔
یاد رہے کہ ہمایوں سعید اور ثمینہ احمد کی شادی کو دو دہائیوں سے زائد کا عرصہ گزر چکا ہے، اور ان کا یہ رشتہ شوبز انڈسٹری میں مثالی سمجھا جاتا ہے۔
وزیراعلیٰ پنجاب کا صوبے بھر میں ڈرینز کی بحالی، انتظامات و اصلاحات کا جامع فیصلہ