حیدرآباد ،زمینیں چھیننے کیخلاف عوامی تحریک کا احتجاج
اشاعت کی تاریخ: 29th, January 2025 GMT
حیدرآباد (اسٹاف رپورٹر) کارپوریٹ فارمنگ کے نام پر سندھیوں سے زمینیں چھیننے کے خلاف عوامی تحریک کی جانب سے گولارچی کے قریب گاؤں رمضان ملاح میں ’’سندھیوں سے چھت اور روزگار نہ چھینو‘‘ کے عنوان کے تحت کانفرنس اور ریلی کا انعقاد کیا گیا۔ ریلی میں عوامی تحریک کے مرکزی سینئر نائب صدر نور احمد کاتیار، ہمیرومل، ضلع صدر مہران درس، سندھی ہاری تحریک ضلع بدین کے صدر جاکھرو نوحانی، سندھی شاگرد تحریک کے رہنما دلدار نوحانی، گلزار نوحانی، غلام علی جت، غلام رسول جت، جمعون راجو، گل محمد ملاح، یار محمد، رحیم ملاح اور دیگر رہنماؤں نے شرکت کی۔ ریلی سے خطاب کرتے ہوئے رہنماؤں نے کہا کہ فارم 47 کی جعلی حکومت کے غیر آئینی اور غیر جمہوری فیصلوں کو مسترد کرتے ہیں، کارپوریٹ فارمنگ اور 6 نئے کینال سندھ پر ایٹم بم گرانے سے زیادہ خطرناک ہیں، ان ملک دشمن منصوبوں کے ذریعے سندھ کے لوگوں کی نسل کشی کی جا رہی ہے، فارم 47 کی حکومت کارپوریٹ فارمنگ اور نئے کینال جیسے فیصلے واپس لے، کیونکہ یہ منصوبے ملک کی تباہی و بربادی کا سبب بن رہے ہیں، کارپوریٹ فارمنگ کے منصوبوں کے باعث ملک، خصوصاً سندھ، شدید قحط کا شکار ہو گا، لاکھوں ہاری بے دخل ہوں گے اور بے روزگاری میں اضافہ ہو گا، کارپوریٹ فارمنگ کے نام پر آباؤ اجداد کی زمینیں چھیننے کا سلسلہ بند کیا جائے۔ رہنماؤں نے کہا کہ پیپلز پارٹی نے ارسا ایکٹ میں ترمیم کر کے دریائے سندھ سے 6 کینال نکالنے کی اجازت دے کر سندھی قوم کے ساتھ دھوکا اور غداری کی ہے، نئے کینال بنا کر سندھ کا پانی روکنا اور سندھی قوم کو پانی کی بوند بوند کے لیے ترسانا دہشت گردی ہے۔ اس موقع پر کانفرنس میں شریک لوگوں نے عہد کیا دھرتی ماں کا ہر حال میں دفاع کیا جائے گا اور سندھی عوام اپنی زمین، وجود اور دریاؤں کی حفاظت کے لیے پرامن جمہوری جدوجہد جاری رکھیں گے۔
.
ذریعہ
ذریعہ: Jasarat News
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم