جنوبی سوڈان میں مسافرہ طیارہ گر کر تباہ، 20 افراد ہلاک
اشاعت کی تاریخ: 29th, January 2025 GMT
خرطوم(نیوز ڈیسک)جنوبی سوڈان کی یونٹی اسٹیٹ میں ایک طیارہ گر کر تباہ ہو گیا جس کے نتیجے میں 20 افراد ہلاک ہو گئے۔
غیر ملکی خبر رساں ادارے ’اے ایف پی‘ کے مطابق اسٹیٹ یونیٹی کے وزیر برائے اطلاعات نے کہا کہ جنوبی سوڈان کے شمال میں ایک طیارہ گر کر تباہ ہو گیا، جس میں کم از کم 20 افراد ہلاک ہو گئے۔
گیٹ ویچ بپل بوتھ نے اے ایف پی کو بتایا کہ جہاز میں 21 افراد سوار تھے، صرف ایک مسافر زندہ بچ گیا ہے، مزید بتایا کہ طیارہ رن وے سے محض 500 میٹر (گز) کے فاصلے پر مقامی وقت کے مطابق صبح 10:30 بجے کے قریب گر کر تباہ ہوا، جس کی تحقیقات جاری ہیں۔
انہوں نے کہا کہ طیارہ گریٹر پاینیر آپریٹنگ کمپنی کی طرف سے چارٹر جبکہ لائٹ ایئر سروسز ایوی ایشن کمپنی کے ذریعے چلایا گیا، اور یہ علاقے میں معمول کے مشن پر تھا۔
قبل ازیں، غیر ملکی خبر رساں ادارے ’رائٹرز‘ نے اقوام متحدہ کے ریڈیو میرایا کے حوالے سے رپورٹ کیا کہ جنوبی سوڈان کی یونٹی اسٹیٹ میں بدھ کے روز ایک طیارہ گر کر تباہ ہو گیا۔
جنوبی سوڈان میں اقوام متحدہ کے امن مشن کے زیر انتظام ریڈیو میرایا کے مطابق طیارہ شمالی ریاست میں ایک آئل فیلڈ سے روانہ ہونے کے بعد گر کر تباہ ہوا۔
واضح رہے کہ حالیہ برسوں میں جنگ زدہ جنوبی سوڈان میں کئی فضائی حادثے ہو چکے ہیں، ستمبر 2018 میں دارالحکومت جوبا سے یرول شہر جانے والا چھوٹا طیارہ گر کر تباہ ہو گیا تھا، جس میں کم از کم 19 افراد ہلاک ہوئے تھے۔
مزیدپڑھیں:ڈی جی ایف آئی اے احمد اسحاق کو عہدے سے ہٹا دیاگیا،نوٹیفکیشن جاری
ذریعہ: Daily Ausaf
کلیدی لفظ: طیارہ گر کر تباہ ہو گیا جنوبی سوڈان افراد ہلاک
پڑھیں:
امور ریجن میں تباہ ہونے والے روسی طیارے کا بلیک باکس مل گیا
روسی حکام کے مطابق مشرق بعید کے علاقے امور میں پیش آنے والے مہلک فضائی حادثے کے بعد انتونوف An-24 مسافر طیارے کا بلیک باکس (فلائٹ ریکارڈر) برآمد کر لیا گیا ہے۔
روسی حکومت کے سرکاری ٹیلیگرام چینل پر جاری بیان کے مطابق بلیک باکس کو ماسکو بھیجا جائے گا جہاں حادثے کی جاری تحقیقات کے تحت اس کا تجزیہ کیا جائے گا۔
یہ بھی پڑھیں:روس کے مشرق بعید میں لاپتا ہونے والا مسافر طیارہ تباہ، ملبہ مل گیا
یاد رہے کہ گزشتہ دنوں روسی مسافر طیارہ طیارہ جو انگارا ایئرلائنز کی پرواز تھی، جمعرات دوپہر ایک بجے کے قریب گراؤنڈ کنٹرول سے رابطہ منقطع ہونے کے بعد لاپتہ ہو گیا تھا۔
اس وقت وہ امور ریجن کے شہر تِنڈا کے ہوائی اڈے سے چند کلومیٹر کے فاصلے پر پرواز کر رہا تھا۔ یہ پرواز خاباروفسک سے روانہ ہو کر بلاگوویشچنسک میں رکی تھی اور تِنڈا جا رہی تھی۔
ریسکیو ٹیموں نے کچھ دیر بعد تباہ شدہ طیارے کا جلا ہوا ملبہ تِنڈا سے تقریباً 16 کلومیٹر دور دریافت کیا۔ حادثے میں سوار تمام 48 افراد ہلاک ہو گئے تھے۔
حکام کا کہنا ہے کہ طیارے نے کوئی ہنگامی سگنل یا تکنیکی خرابی کی اطلاع نہیں دی تھی۔
تحقیقات اور قانونی کارروائیروسی تحقیقاتی کمیٹی نے حادثے کی فوجداری تحقیقات کا آغاز کر دیا ہے۔ کمیٹی کے سربراہ الیگزینڈر بسترکین نے ٹرانسپورٹ کے علاقائی تفتیش کاروں کو فوری رپورٹ پیش کرنے کی ہدایت دی ہے۔
یہ بھی پڑھیں:روس میں مسافر طیارے گر کر تباہ، بچوں سمیت 49 ہلاک
روس کی سول ایوی ایشن اتھارٹی روس آویاتسیا نے کہا ہے کہ وہ یہ جائزہ لے رہی ہے کہ آیا انگارا ایئرلائنز نے پرواز کے حفاظتی ضوابط پر عمل کیا یا نہیں۔
اس کی بنیاد پر یہ فیصلہ ہوگا کہ ایئرلائن کو پرواز جاری رکھنے کی اجازت دی جائے یا نہیں۔
متاثرہ خاندانوں کے لیے امدادامور ریجن کے وزیر ٹرانسپورٹ آندرے نکیتن کے مطابق، ہر متاثرہ خاندان کو 50 لاکھ روبل (تقریباً 63 ہزار امریکی ڈالر) بطور معاوضہ دیا جائے گا، اور کوشش ہے کہ یہ رقم جلد از جلد پہنچائی جائے۔
طیارے کی عمر اور حالتیہ طیارہ سوویت دور کا بنایا ہوا 2 انجن والا ٹربو پراپ An-24 ماڈل تھا، جس کی عمر 50 سال سے زائد تھی۔ تاہم، 2021 میں اسے نیا ’ایئر ورتھنیس سرٹیفکیٹ‘ جاری کیا گیا تھا، جو اسے 2036 تک پرواز کی اجازت دیتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امور ریجن بلیک باکس روس روسی طیارہ
ٹرمپ کا کینیڈا پر تجارتی دباؤ میں اضافہ، درآمدات پر 35 فیصد نیا ٹیرف نافذ کرنے کا اعلان